ავსტრალიელმა მეცნიერებმა “ჩინური კორონავირუსი” ხელახლა შექმნეს, რის შესახებაც BBC-ს რუსული ონლაინ გამოცემა წერს. ავსტრალიელი მეცნიერები პირველები გახდნენ, ვინც ჩინეთის ფარგლებს გარეთ “კორონავირუსის” შექმნა ხელახლა შეძლეს. მეცნიერების თქმით, ხელახლა შექმნილი ვირუსის დახმარებით, ვირუსის დიაგნოსტიკა და მისგან განკურნება გახდება შესაძლებელი. მეცნიერებმა, “კორონავირუსის” ნიმუში პარასკევს მიიღეს. “ჩვენ მრავალი წლის განმავლობაში ვემზადებოდით მსგავსი მიღწევისთვის და სწორედ ამიტომ, შევძელით პასუხის მიღება ასე სწრაფად,” – აღნიშნა პიტერ დოერტის ინფექციისა და იმუნიტეტის უნივერსიტეტის ექიმმა, მაიკ კეტონმა. მეცნიერები ხელახლა შექმნილი “კორონავირუსის” ასლის გაგზავნას ჯანდაცვის მსოფლიო ორგანიზაციაში (WHO) გეგმავენ იმ იმედით, რომ მათი აღმოჩენა ვირუსის დიაგნოსტიკასა და კორონავირუსის მკურნალობის საერთო ძალისხმევას ხელს შეუწყობს.
მეტი...თვე: იანვარი 2020
“კორონავირუსის” პირველი შემთხვევა ახლო აღმოსავლეთშიც დაფიქსირდა
მედია ორგანიზაცია CNBC-ის ცნობით, “კორონავირუსის” პირველი შემთხვევა ახლო აღმოსავლეთშიც დაფიქსირდა. არაბთა გაერთიანებულ საემიროებში “კორონავირუსით” დაინფიცირების პირველი შემთხვევა დაადასტურეს. ქვეყნის ჯანდაცვის სამინისტროს ინფორმაციით, ინფიცირებული ჰუბეის პროვინციიდან ჩასული ოჯახის წევრები არიან. მათი რიცხვი უცნობია. “ახალი კორონავირუსის” შემთხვევები უკვე გამოვლინდა იაპონიაში, სამხრეთ კორეაში, ტაივანში, ტაილანდში, ვიეტნამში, სინგაპურში, ნეპალში, საფრანგეთში, გერმანიაში, ავსტრალიაში, არაბეთის გაერთიანებულ საემიროებში და აშშ-ში. ბოლო მონაცემებით, ჩინეთში კორონავირუსით გარდაცვლილთა რაოდენობა 132-მდე გაიზარდა. ინფიცირებულთა რიცხვი კი 6000-ს აღწევს.
მეტი...მსოფლიო ჯანდაცვის ორგანიზაციის რჩევები “კორონავირუსისგან” თავდასაცავად
“კორონავირუსის” მასშტბაურ გავრცელებასთან დაკავშირებით “მსოფლიო ჯანდაცვის ორგანიზაცია” ვირუსისგან თავდასაცავად რჩევებს იძლევა: დაიბანეთ ხელი საპნით ან სპირტის შემცველი ხსნარებით; დაცემინება-ხველებისას პირზე ხელი აიფარეთ; გაციებულთან ახლო კონტაქტს მოერიდეთ; საფუძვლიანად მოამზადეთ ხორცხი და კვერცხი და ისე მიირთვით; მოერიდეთ ახლო კონტაქტს გარეულ და შინაურ ცხოველებთან. ის რომ “კორონავირუსი” ბანანით, “ალიექსპრეისის” ამანათებით და ღამურის ჭამით ვრცელდება ტყუილია. “კორონავირუსით”, ბოლო მონაცემებით 132 ადამიანი გარდაიცვალა.
მეტი...თბილისში მეორადი საბურავებით ვაჭრობა აიკრძალება
თბილისში აალებადი ნივთიერებებით და მეორადი საბურავებით ვაჭრობა აიკრძალება. თბილისის ვიცე-მერის განცხადებით, აღნიშნულის შესახებ თბილისის მერიამ კანონპროექტი მოამზადა და მიიღო. ირაკლი ხმალაძემ აღნიშნა, რომ უახლოეს დღეებში, თბილისი საკრებულომ უნდა განსაზღვროს ის ადგილები, რომლებსაც აკრძალვა შეეხება. შეეხება თუ არა აკრძალვა ელიავას ბაზრობას, ვიცე-მერმა განაცხადა, რომ ელიავას ბაზრობასთან დაკავშირებით რამდენიმე კვირის განმავლობაში გააკეთებენ განცხადებებს და გააცნობენ საზოგადოებას მათ პოზიციას. “კანონპროექტი მომზადებული და მიღებულია. ის ითვალისწინებს, რომ საკრებულომ წესი დაადგინოს და განსაზღვროს ადგილები, სად არის დასაშვები რეალიზაცია და სად არ არის დასაშვები. ეს წესიც მომზადების პროცესშია და უახლოეს პერიოდში იქნება წარდგენილი საკრებულოსთვის,” – განაცხადა…
მეტი...„100/50-ზე გაცილებით უკეთესია, ვიდრე დღეს არსებული საარჩევნო სისტემა“ – ზაზა ხუციშვილი
„პროპორციულ სისტემაზე გადასვლის მოთხოვნა საზოგადობის დაკვეთა არ ყოფილა. ეს თემა მას შემდეგ გახდა აქტუალური და გამოიწვია პროტესტი, რაც მმართველმა გუნდმა პირობა დაარღვია“ – ეს განცხადება პარლამენტის წევრმა ზაზა ხუციშვილმა „მედიაცენტრ მთვარში“ გააკეთა. როგორც დეპუტატმა აღნიშნა, არსებულ საარჩევნო სისტემას 100 პროპორციული მანდატი და 50 მაჟორიტარული ნამდვილად სჯობს და საერთაშორისო ორგანიზაციების დახმარებით ეს შეთანხმება უნდა შედგეს. „იდეა, რომ ქვეყანა გადასულიყო პროპორციულ სისტემაზე, გამოწვეული იყო იმით, რომ წინა 3 ხელისუფლების დროს, მაჟორიტარების ხარჯზე მოხდა ძალიან დიდი ძალაუფლების და დეპუტატების რაოდენობის შეყვანა პარლამენტში. განვითრებული მოვლენების ფონზე, მმართველმა გუნდმა გადაწყვეტილება მიიღო, პროპორციულ სისტემაზე გადასულიყო. პირადად…
მეტი...“კვლევის პოლიტიკურ ნაწილს არასდროს ვეთანხმებოდი” – ზვიად ძიძიგური NDI-სა და IRI-ს კვლევებზე
“თუ გავითვალისწინებთ იმას, რომ NDI და IRI დღესაც საქართველოს პოლიტიკურ სპექტრთან აქტიურ თანამშრომლობაში არიან, ძნელი წარმოსადგენი არ არის, რამდენად პოზიტიურ როლს თამაშობენ ისინი”, – ამის შესახებ პარლამენტის ყოფილმა ვიცე-სპიკერმა, ზვიად ძიძიგურმა “მედიაცენტრ მთავარში” გამართულ პრესკონფერენციაზე განაცხადა. ძიძიგურის თქმით, საპარლამენტო დემოკრატიის ჩამოყალიბებაში ძალიან დიდი როლი ითამაშა ეროვნულ დემოკრატიულმა ინსტიტუტმა და ძალიან სერიოზულად იმუშავა ამერიკის რესპუბლიკურმა ინსტიტუტმა პარტიული დემოკრატიისა და პარტიული სტრუქტურების ჩამოყალიბებაში. “NDI და IRI უკვე ათეული წლებია, მუშაობენ საქართველოში. თუ გავითვალისწინებთ იმას, რომ ეს ორგანიზაციები დღესაც საქართველოს პოლიტიკურ სპექტრთან აქტიურ თანამშრომლობაში არიან, ძნელი წარმოსადგენი არ არის, რამდენად პოზიტიურ როლს თამაშობენ ისინი.…
მეტი...კაიროს დასახლებაში, ლორთქიფანიძის ქუჩისა და მიმდებარე ჩიხების რეაბილიტაცია მიმდინარეობს
სამგორის რაიონში მდებარე კაიროს დასახლებაში, ლორთქიფანიძის ქუჩასა და მიმდებარე ჩიხებში მიწისქვეშა კომუნიკაციების მოწესრიგების პარალელურად, საგზაო ინფრასტრუქტურის რეაბილიტაცია ინტენსიურ რეჟიმში გრძელდება, – ამის შესახებ თბილისის მერმა, კახა კალაძემ დედაქალაქის მთავრობის დღევანდელ სხდომაზე განაცხადა. როგორც მან აღნიშნა, უმძიმეს მდგომარეობაში არსებული საგზაო ინფრასტრუქტურა და მიწისქვეშა კომუნიკაციები სრულად მოწესრიგდება. „კაიროს დასახლებაში კიდევ ერთ მნიშვნელოვან ინფრასტრუქტურულ პროექტს ვახორციელებთ. იცით, თუ რამდენად დიდ ყურადღებას ვუთმობთ დედაქალაქში ინფრასტრუქტურული პროექტების განხორციელებას თავისი მიწისქვეშა კომუნიკაციების მოწესრიგებით. კაიროს დასახლებაში, ლორთქიფანიძის ქუჩა და მიმდებარე ჩიხები საგზაო ინფრასტრუქტურის თვალსაზრისით, სრულად იქნება მოწესრიგებული. დღემდე აქ კომპანია „ჯორჯიან უოთერ ენდ ფაუერი“ (GWP) მუშაობდა, რომელიც…
მეტი...„კონსერვატორები“ „ქართულ ოცნებასთან“ თანამშრომლობას არ გამორიცხავენ
„კონსერვატიული პარტიის“ თავმჯდომარის, ზვიად ძიძიგურის განცხადებით, 2020 წლის საპარლამენტო არჩევნები ყველაზე დაძაბული და სიურპრიზებით სავსე იქნება. შესაბამისად, ამ ეტაპისთვის უჭირს თქმა, არჩევნებში დამოუკიდებლად მიიღებენ მონაწილეობას თუ ვინმესთან ერთად. ძიძიგური არც იმას გამორიცხავს, რომ მმართველ გუნდთან ითანამშრომლონ. ამ საკითხზე ზვიად ძიძიუგურმა „მედიაცენტრ მთავარში“ გამართულ პრესკონფერენციაზე ისაუბრა. „პარტიაში უკვე მიმდინარეობს ინტენსიური კონსულტაციები და მისი დასრულების შემდეგ მივიღებთ გადაწყვეტილებას როგორ შევხვდებით 2020 წლის არჩევნებს. თუ მივიღებთ გადაწყვეტილებას, რომ არჩევნებში დამოუკიდებლად ვღებულობთ მონაწილეობას, ამას პირველი თქვენ გაიგებთ. ჩვენ გვყავს გამოცდილი გუნდი, რომ ამ არჩევნებს ღირსეულად შევხვდეთ, მაგრამ, ეს არ არის მხოლოდ ზვიად ძიძიგურის, პარტიის თავმჯდომარის…
მეტი...“შემაშფოთებელია, რომ კონგრესმენები საჯარო განცხადებით აკრიტიკებენ მთავრობას, პარტნიორების მხრიდან კრიტიკა “ტრენდად” იქცა” – ზვიად ძიძგური
“არც ევროპარლამენტარების და არც კონგრესმენების მიერ გაკეთებული განცხადებები, ჩემთვის მოულოდნელი არ ყოფილა. ეს იყო მოსალოდნელი კიდეც”, – ასე გამოეხმაურა პარლამენტის ყოფილი ვიცე-სპიკერი, ზვიად ძიძიგური აშშ-ის წარმომადგენელთა პალატის მაღალი რანგის კონგრესმენების წერილს, რომელიც მათ პრემიერ-მინისტრ გიორგი გახარიას მისწერეს. როგორც ზვიად ძიძიგურმა “მედიაცენტრ მთავარში” განაცხადა, ხელისუფლებამ იმ რიტორიკის ნაცვლად, რომლითაც ის კონგრესმენებისა თუ ევროპარლამენტარების განცხადებებს პასუხობს, შეხვედრები უნდა გამართოს აშშ-სა თუ ევროპის უწყებებთან, რათა მათ განუმარტონ ის გადაწყვეტილებები, რასაც ისინი იღებენ. “საერთაშორისო ასპარეზზე „ქართული ოცნება“ ძალიან ამაყობდა და სამართლიანადაც, რომ მან ასეთი პოლიტიკური გადაწყვეტილება მიიღო. პროპორციულ სისტემაზე გადასვლა რამდენადაც საამაყო, სასიქადულო და სასიკეთო გადაწყვეტილება იყო, იმდენად…
მეტი...ზონალურ-საათობრივი პარკირების სისტემა ბარათაშვილის ქუჩაზეც ამოქმედდა
10 მარტიდან ზონალურ-საათობრივი პარკირების სისტემა ბარათაშვილის ქუჩაზეც ამოქმედდა, – ამის შესახებ თბილისის მერმა, კახა კალაძემ მუნიციპალიტეტის მთავრობის დღევანდელ სხდომაზე განაცხადა. თბილისის მერმა შესაბამისი სამსახურის წარმომადგენლებს დაავალა, აღნიშნულთან დაკავშირებით მოსახლეობას ინფორმაცია მიაწოდონ და ადგილზე საინფორმაციო ჯიხურები განათავსონ. „ზონალურ-საათობრივ პარკირებასთან დაკავშირებით გასულ წელს ორი საპილოტე პროექტი განვახორციელეთ. ეს არის კოტე აფხაზის ქუჩა და ორბელიანის მოედანი მიმდებარე ქუჩებით. რეფორმა ძალიან წარმატებით მიმდინარეობს. შემდეგი ქუჩა, სადაც გვინდა ანალოგიური მიდგომა და დამოკიდებულება განვახორციელოთ, ბარათაშვილის ქუჩაა. 10 მარტიდან ბარათაშვილის ქუჩაზე ზონალურ-საათობრივი პარკირების სისტემა ამოქმედდება. შესაბამისი სამსახურების წარმომადგენლებს ვთხოვ, მოსახლეობის სრული საინფორმაციო უზრუნველყოფა მოახდინონ. ასევე, განვათავსოთ სპეციალური…
მეტი...ბრიტანეთის ავიახაზებმა ჩინეთთან პირდაპირი ფრენები შეაჩერა
კორონავირუსის გამო ბრიტანეთის ავიახაზებმა ჩინეთთან პირდაპირი ფრენები შეაჩერა. „ბრითიშ ეარვეისმა“ გადაწყვეტილება მას შემდეგ მიიღო, რაც საგარეო საქმეთა ოფისმა მოქალქეებს ურჩია, ჩინეთში გამგზავრებისგან თავი შეიკავონ. „ბრითიშ ეარვეისს“ შანხაისა და პეკინში ყოველდღიური რეისები აქვს. „ბოდიშს ვუხდით მომხმარებლებს შექმნილი უხერხულობისთვის, თუმცა ჩვენი მომხმარებლებისა და ეკიპაჟის წევრების უსაფრთხოება ყოველთვის არის ჩვენი პრიორიტეტი“, – ნათქვამია ავიაკომპანიის განცხადებაში. ჩინეთში გვარცელებულ ვირუსს უკვე 130-ზე მეტი ადამიანი ემსხვერპლა. ჩინეთის გარდა კორონავირუსის ახალი ტიპი გამოვლინდა სულ მცირე 16 ქვეყანაში. ქალაქ უხანიდან, რომელიც დაავადების გავრცელების ეპიცენტრია, ასობით უცხოელის ევაკუაცია განხორციელდა. აღნიშნულ ზონაში დიდი ბრიტანეთის 300-მდე მოქალაქე იმყოფება. ავსტრალია ჩინეთიდან დაბრუნებულ…
მეტი...„კონსერვატორები“ 100/50-ს მხარს დაუჭერენ თუ არა, ეს ზვიად ძიძიგურის გადასაწყვეტი არ არის“
„კონსერვატორებს“ ამ ეტაპისთვის გადაწყვეტილი არ აქვთ, დაუჭერენ თუ არა მხარს საქართველოს ხელისუფლების შეთავაზებას არჩევნების 100/50-ზე პრინციპით ჩატარებას. როგორც საკანონმდებლო ორგანოს წარმომადგენელმა ზვიად ძიძიგურმა „მედიაცენტრ მთავარში“ განაცხადა, მეტი პროპორციული ხმა უკეთესია, თუმცა, ეს ის არ არის, რასაც საზოგადოება და პოლიტიკური სპექტრი ითხოვდა. „პროპორციულ სისტემაზე გადასვლა არ არის დღევანდელი და გუშინდელი თემა. ამას ჯერ კიდევ 1990 წელს „მრგვალი მაგიდა,“ ზვიად გამსახურდიას ხელისუფლება ითხოვდა ე.წ. „კომუნისტური ხელისუფლებისგან“. ვერც ერთმა ხელისუფლება მოახერხა, რომ შერეული სიტემა შეცვალა გაცილებით უფრო დემოკრატიული, პროპორციული სისტემით. ნამდვილად გახარებულები ვიყავით, რომ საქართველოს ხელისუფლებამ ასეთი ტიპის პოლიტიკური ნებისყოფა იპოვა საკუთარ თავში…
მეტი...ზაზა ხუციშვილი “მედიაცენტრ მთავარში”
“შოთაძის კანდიდატურას მხარს არ დავუჭერ, ჩემთვის მიუღებელია ასეთი პოლიტიკური სიურპრიზი” – ზვიად ძიძიგური
პარლამენტის ყოფილი ვიცე-სპიკერი ზვიად ძიძიგური გენერალური პროკურორის კანდიდატ ირაკლი შოთაძეს მხარს არ დაუჭერს. როგორც ძიძიგურმა “მედიაცეტრ მთავარში” გამართულ პრესკონფერენციაზე განაცხადა, შოთაძისთვის სასაყვედურო არაფერი აქვს და ის საქმის პროფესიონალია, თუმცა, მიუღებელია ერთხელ უკვე თანამდებობიდან გადამდგარი ადამიანის ხელმეორედ დაბრუნება. “მე არ დავუჭერ მხარს ირაკლი შოთაძის კანდიდატურას. არა იმიტომ, რომ მასთან რამე პიროვნული პრობლემა მაქვს. მიმაჩნია, რომ ძალიან კვალიფიციური იურისტია. ძალიან შრომისმოყვარეა და პროკურატურაშიც ძალიან დიდ დროს ატარებდა და მე მასთან საყვედურის თქმა მასთან დაკავშირებით არ შემიძლია. ჩემთვის მიუღებელია ასეთი პოლიტიკური სიურპრიზი. ადამიანი წელიწადნახევრის წინ გადადგა, რაღაც სკანდალური საქმის გამო, ამის შემდეგ კი…
მეტი...ზვიად ძიძიგური “მედიაცენტრ მთავარში”
საქართველომ ჩინეთთან პირდაპირი ავიამიმოსვლა დროებით შეწყვიტა
საქართველოში კორონავირუსის შესაძლო გავრცელების პრევენციული ღონისძიებების ფარგლებში, ჩინეთის სახალხო რესპუბლიკასთან პირდაპირი საჰაერო მიმოსვლა დროებით შეწყდა. სამოქალაქო ავიაციის სააგენტოს ცნობით, შეზღუდვა მოქმედებს ზამთრის სანავიგაციო სეზონის ბოლომდე – 2020 წლის 29 მარტი. „პირდაპირი საჰაერო მიმოსვლის შეზღუდვის გადაწყვეტილება შესაძლებელია გადახედილ იქნეს ჩინეთში შექმნილ ეპიდსიტუაციასთან დაკავშირებული რისკების გათვალისწინებით. ამასთან, ამავე პრევენციული ღონისძიებების ფარგლებში, საქართველოში ოპერირების განმახორციელებელი ყველა ავიაკომპანიის მიერ, ხდება შესაბამისი უწყებების ინფორმირება ტრანზიტული მგზავრების შესახებ, რომელთა პირველადი გამომგზავრების ადგილი იყო ჩინეთის სახალხო რესპუბლიკა“, – აღნიშნულია სააგენტოს განცხადებაში.
მეტი...ჩინეთში, კორონავირუსის სამკურნალო კლინიკა 48 საათში გაიხსნა
პირველი კლინიკა, რომელიც კორონავირუსის სამკურნალოდ დაპროექტდა, ჩინეთში, ქალაქ უხანის მახლობლად დღეს გაიხსნა. 1000 კაციანი კლინიკა მუშებმა და მოხალისეებმა 2 დღეში ააშენეს. კორონავირუსით ინფიცირებული, პირველი პაციენტი, დღეს ადგილობრივი დროით 22:30 საათზე შეიყვანეს. ადგილობრივი ხელისუფლების ცნობით, კლინიკის პროექტი 48 საათში დასრულდა, რასაც თანამედროვე შესაძლებლობების წყალობით მიაღწიეს. „მედიაცენტრი მთავარის” მასალის გამოყენების შემთხვევაში, აუცილებელია წყაროს და ლინკის მითითება.
მეტი...31 იანვარს გაერთიანებული სამეფო ოფიციალურად დატოვებს ევროკავშირს
ევროპარლამენტში დღეს ბრექსითის შესახებ შეთანხმებას უყრიან კენჭს. ლონდონისა და ბრიუსელის შეთანხმების დასამტკიცებლად ევროდეპუტატების უბრალო უმრავლესობის მხარდაჭერა საკმარისია. ამის შემდეგ დიდი ბრიტანეთის ევროკავშირიდან გასვლის შესახებ შეთანხმებას კენჭს ევროპულ საბჭოში უყრიან. კენჭისყრა 30 იანვარს არის დანიშნული. 31 იანვარს კი გაერთიანებული სამეფო ოფიციალურად დატოვებს ევროკავშირს. როგორც ვარაუდობენ, ლონდონისა და ბრიუსელის სამომავალო ურთიერთობების შესახებ მოლაპარაკებების პროცესი მარტში დაიწყება.
მეტი...„კორონავირუსით გარდაცვალების 106 შემთხვევა დადასტურებულია
ჯანდაცვის მსოფლიო ორგანიზაცია „ახალი კორონავირუსის“ შესახებ სტატისტიკას აქვეყნებს. დღევანდელი მონაცემებით, დადასტურებულია გარდაცვალების 106 შემთხვევა. რაც შეეხება „ახალი კორონავირუსის“ ლაბორატორიულად დადასტურებულ შემთხვევებს, ამ ეტაპისთვის, გლობალურად დადასტურებულია 4593 ადამიანის ინფიცირებული. აქედან, ჩინეთში 4537 შემთხვევა დაფიქსირდა. ჩინეთის გარეთ, სხვა ქვეყნებში კი 56 შემთხვევა. ასევე, ჩინეთში ეჭვი აქვთ 6 973 ინფიცირებულზე, რომლებზეც კვლევები გრძელდება. „მედიაცენტრი მთავარის” მასალის გამოყენების შემთხვევაში, აუცილებელია წყაროს და ლინკის მითითება.
მეტი...„კორონავირუსის“ გავრცელების მხრივ, ქვეყნები, ძალიან მაღალი და მაღალი რისკის ზონაში მოხვდნენ
ჯანდაცვის მსოფლიო ორგანიზაციის ინფორმაციით, „ახალი კორონავირუსის“ გავრცელების მხრივ, ქვეყნები კატეგორიებად იყოფიან. ამ ეტაპისთვის, ქვეყნები ორ კატეგორიაში მოხვდნენ. ერთი – ვირუსის გავრცელების ძალიან მაღალი რისკის ზონა და მეორე – მაღალი ზონა. ვირუსის გავრცელების ძალიან მაღალ კატეგორიაში მოქცეულია ჩინეთი, ხოლო მაღალი რისკის ზონაში სხვა დანარჩენი ქვეყნები. „მედიაცენტრი მთავარის” მასალის გამოყენების შემთხვევაში, აუცილებელია წყაროს და ლინკის მითითება.
მეტი...ფილტვის ანთება, პნევმონია, თირკმლის უკმარისობა, ბრონქიტი – „კორონავურისის“ მიმდინარეობა
„ახალი კორონავურუსის“ საპრევენციო აცრა ამ ეტაპისთვის არ არსებობს და მეცნიერები მის შექმნაზე მუშაობენ. რაც შეეხება ვირუსის მიმდინარეობას, მას „მკვლელ ვურუსს“ იმიტომ უწოდებენ, რომ რთული ფორმებით მიმდინარეობს და რიგ შემთხვევებში ფატალურად სრულდება. როგორც „მედიაცენტრ მთავარს“ პედიატრმა თამარ ობგაიძემ განუცხადა, ინკუბაციის პერიოდი 2-დან 10 დღემდე გრძელდება, თუმცა, შესაძლებელია თუ არა ინკუბაციის პერიოდში ვირუსის გადაცემა, ამ ეტაპისთვის დადგენილი არ არის. „აქტუალური საკითხია, შესაძლებელია თუ არა ინკუბაციის პერიოდში ვირუსის გავრცელება. ჯანმოს ამის შესახებ ინფორმაცია არ აქვს დადასტურებული, როგორც ეს სხვა ვირუსების პერიოდში ხდება. ამას სჭირდება პაციენტების რაოდენობა და კვლევა. ინკუბაციური პერიოდი, დაახლოებით, 2-10 დღეა.…
მეტი...„მანანა გამსახურდიას ცოტნე იზოლაციაში ჰყავს, მისი გადაწყვეტილებით, ცოტნესთან მეუღლესაც არ უშვებენ“ – სკანდალი გამსახურდიების ოჯახში
ცოტნე გამსახურდიასთან არც მის მეუღლეს, ანა ჯაბაურს უშვებენ და არც სხვა პირებს. აღნიშნული გადაწყვეტილება მანანა გამსახურდიამ მიიღო. უფრო მეტიც, საქართველოდან ოფიციალური დოკუმენტაციის წარდგენის მიუხედავად, მანანა გამსახურდიამ ანა ჯაბაური კლინიკიდან გამოაძევა და ცოტნეს პალატასთან მიახლოების უფლებას არ აძლევს. ინფორმაციას ამ უცნაური ამბის შესახებ ცოტნე გამსახურდიას მეუღლის, ანა ჯაბაურის წარმომადგენელი ჯაბა კვარაცხელია ავრცელებს და საქართველოს მთავრობისგან პასუხს ითხოვს. როგორც მის მიერ გავრცელებულ წერილში ვკითხულობთ, მანანა გამსახურდია ყველაფერს აკეთებს შვილის, ცოტნე გამსახურდიას ქონების მისატაცებლად. „მოგეხსენებათ, ცოტნეზე 19 დეკემბერს ჯგუფური თავდასხმის შემდეგ, იგი უგონო მდგომარეობაში იმყოფება. თბილისში, ხეჩინაშვილის კლინიკაში მას ორი ურთულესი ოპერაცია…
მეტი...“პუტინის პოლიტიკისგან განსხვავებით, ჩვენი ქვეყანა პატივს სცემს საერთაშორისო ვალდებულებებს” – ზურაბიშვილი რუსეთის წარმომადგენელს
„საქართველო აპირებს, გვერდი აუაროს საკუთარ ეროვნულ კანონმდებლობას, რომელიც უკრძალავს საქართველოს ტერიტორიაზე შემოსვლას იმ პირებს, რომლებიც მათი ნებართვის გარეშე იმყოფებოდნენ ოკუპირებულ ტერიტორიებზე“, – ეს განცხადება საქართველოს პრეზიდენტმა ევროსაბჭოს საპარლამენტო ასამბლეაზე, რუსეთის წარმომადგენლის მიმართვის შემდეგ გააკეთა. ასამბლეაზე რუსეთის წარმომადგენელმა ლეონიდ კალაშნიკოვმა სალომე ზურაბიშვილს მიმართა: „საქართველო ყოველთვის იყო სტუმართმოყვარე ქვეყანა, რომელიც მასპინძლობდა საერთაშორისო ორგანიზაციებს. ევროსაბჭოს საპარლამენტო ასამბლეა უნდა გაიმართოს თქვენს ქვეყანაში. თქვენ ასევე უმასპინძლეთ მართლმადიდებელი ქვეყნების კონგრესს, თუმცა სტუმართმოყვარე ქვეყნის პრეზიდენტმა არ დაგმო რუსეთის დელეგაციის წევრის ცემა. თქვენი ქვეყანა ხდება საშიში არა მხოლოდ პოლიტიკური, რელიგიური, ეროვნული უმცირესობების მიმართ, არამედ პარლამენტარებისთვისაც. რა არის ამაზე თქვენი პასუხი?“.…
მეტი...“რაც უფრო დიდია ქვეყანა, უფრო ნაკლებად არის სანქციების ან მკაცრი მონიტორინგის ობიექტი” – სალომე ზურაბიშვილი
„გამარჯობა, ქალბატონო პრეზიდენტო. თქვენი ქვეყნის, საქართველოსა და ჩემი ქვეყნის, უკრაინის წინააღმდეგ პუტინის აგრესიის შედეგები საშინელია. თუმცა რუსეთი განაგრძობს ევროსაბჭოს სტატუტის დარღვევას და უგულებელყოფს ამ ასამბლეის რეზოლუციებს. რა შეიძლება გაკეთდეს ზოგადად საერთაშორისო საზოგადოების მიერ და კერძოდ, ევროსაბჭოში საქართველოს თავმჯდომარეობისას, რომ რუსეთს ვალდებულებების შესრულება ვაიძულოთ. უჭერთ თუ არა მხარს რუსეთის წინააღმდეგ ახალი სანქციების დაწესებას, მათ შორის, თქვენი ტერიტორიების ოკუპაციისთვის? დიდი მადლობა!“ – ასე მიმართა ევროპის საბჭოს საპარლამენტო ასამბლეაზე უკრაინის წარმომადგენლმა, ოლექსი გონჩარენკომ საქართველოს პრეზიდენტს. სალომე ზურაბიშვილმა კი გონჩარენკოს ასე უპასუხა: „მართლაც, რუსეთი არ ასრულებს ნაკისრ ვალდებულებებს, არღვევს რეზოლუციებს. ეს არის ხანგრძლივი ამბავი, რომელსაც ჩვენ განვიცდიდით ჯერ კიდევ მაშინ,…
მეტი...პაატა იმნაძის განცხადებით, ჩინეთიდან ჩამოსულ გოგონას კორონავირუსი არ დაუდასტურდა
დაავადებათა კონტროლის ეროვნული ცენტრის სამეცნიერო ხელმძღვანელის განცხადებით, 22 წლის გოგონას, რომელიც ჩინეთიდან ჩამოვიდა და ვირუსული ინფექციის ნიშნები გამოუვლინდა, კორონავირუსი არ აქვს და არცერთი საერთაშორისო სტანდარტით, კორონავირუსის შესაძლო ან საეჭვო შემთხვევად არ მიიჩნევა. პაატა იმნაძის თქმით, გოგონა, რომელიც საქართველოს მოქალაქეა, სამშობლოში ჩინეთის ერთ-ერთი პროვინციიდან იმ დროს დაბრუნდა, როდესაც უხანის გარდა, ჩინეთის არცერთ სხვა ქალაქსა და პროვინციაში ახალი კორონავირუსი დაფიქსირებული არ ყოფილა. პაატა იმნაძის განმარტებით, გოგონა შინ მკურნალობს და მისი მდგომარეობა არ არის მძიმე. კახეთის ერთ-ერთ სოფელში ჩინეთიდან ჩამოსული გოგონასთვის ვირუსული ინფექციის ნიშნების გამოვლინების შესახებ ინფორმაცია რამდენიმე მედიასაშუალებაში გავრცელდა.
მეტი...„მაჩალიკაშვილს ხელყუმბარასთან დაკავშირებით შენიშვნა არ განუცხადებია… ის დაეთანხმა, რომ ხელყუმბარა მის შვილს ეკუთვნოდა“
„ჩატარებული გამოძიებით დადგინდა, რომ თემირლან მაჩალიკაშვილი არ დაემორჩილა სპეცრაზმელის მოთხოვნას ეჩვენებინა მისთვის ხელები, სცადა საბრძოლო მდგომარეობაში მოეყვანა ხელყუმბარა, რის გამოც მისი მიმართულებით სპეცრაზმელმა განახორციელა გასროლა“ – აცხადებენ გენეტალურ პროკურატურაში. პანკისის ხეობაში მოკლულ თემირლან მაჩალიკშვილის საქმესთან დაკავშირებით პროკურატურამ გამოძიება შეწყვიტა და საქმე დახურა. როგორც საქმის პროკურორმა დავით გუმბერიძემ სპეციალურ პრესკონფერენციაზე განაცხადა, საქართველოს პროკურატურამ მიიღო შემაჯამებელი გადაწყვეტილება და მოცემულ საქმეზე 2020 წლის 25 იანვარს შეწყდა გამოძიება. როგორც პროკურატურის განცხადებაში ვკითხულობთ, ჩატარებული გამოძიებით დადგინდა შემდეგი: „2017 წლის 21 ნოემბერს სახელწიფო უსაფრთხოების სამსახურის კონტრტერორისტული ცენტრის წარმოებაში არსებულ სისხლის სამართლის საქმეზე არსებული ინფორმაციით თბილისში, გაბრიელ სალოსისქუჩაზე მდებარე ერთ-ერთ საცხოვრებელ ბინაში მცხოვრებ პირებს თან ჰქონდათ დიდი ოდენობით იარაღი და საბრძოლო მასალა, რის გამოც 2017 წლის 21 ნოემბერს მიღებული იქნა გადაწყვეტილება აღნიშნულ პირთა დაკავების შესახებ. ადგილზე მისულ სპეცდანიშნულების რაზმის თანამშრომლებს ბინაში მყოფმა ტერორისტული დაჯგუფების წევრებმა – ახმედ ჩატაევმა, “აბუ ჰურეირამ“ და ასლანბეგ სოლტახმადოვმა გაუწიეს შეიარაღებული წინააღმდეგობა, რის გამოც სპეცდანიშნულების რაზმის თანამშრომელთა მიერ განხორციელდა შენობის შტურმით აღების ოპერაცია, რა დროსაც ლიკვიდირებული იქნა ორი ტერორისტი, ხოლო ახმედ ჩატაევმა აიფეთქა თავი. აღნიშნულ საქმეზე მიმდინარე გამოძიებისას 2017 წლის 23 დეკემბერს, თბილისის საქალაქო სასამართლომ გასცა თემირლან მაჩალიკაშვილის დაკავების განჩინება. სასამართლომ დადასტურებულად მიიჩნია, რომ საქართველოს სახელმწიფო უსაფრთხოების სამსახურის კონტრტერორისტული ცენტრის წარმოებაში არსებულ სისხლის სამართლის საქმეზე მოპოვებული მტკიცებულებები საკმარისი იყო დასაბუთებული ვარაუდისთვის, რომ ხუთ პირს, მათ შორის თემირლან მაჩალიკაშვილს ჩადენილი ჰქონდა ზემოხსენებული ტერორისტული დაჯგუფების და ტერორისტული ორგანიზაციისთვის მომსახურების გაწევა, ტერორისტებისთვის თავშესაფრის მიცემა და რესურსებით უზრუნველყოფა. დანაშაული გათვალისწინებული საქართველოს სსკ-ის 3311-ე მუხლის მესამე ნაწილის „ბ“ ქვეპუნქტით.საზოგადოებას შევახსენებთ, რომ მოცემულ საქმეზე დაკავებული პირების მიმართ სასამართლოს მიერ გამოტანილი იქნა გამამტყუნებელი განაჩენი. ზემოაღნიშნული განჩინების ფარგლებში, 2017 წლის 26 დეკემბერს, ღამის საათებში, ახმეტის რაიონის სოფელ დუისში ჩატარებული სპეცოპერაციის დროს, სახელმწიფო უსაფრთხოების სამსახურის სპეციალური ოპერაციების დეპარტამენტის თანამშრომელმა განხორციელებული გასროლის შედეგად, საცხოვრებელი სახლის საძინებელ ოთახში, თავის არეში დაჭრა თემირლან მაჩალიკაშვილი, რომელიც მოგვიანებით2018 წლის 10 იანვარს გარდაიცვალა. იმ ფაქტის გასარკვევად, რამდენად მართლზომიერად მოქმედებდა სპეციალური ოპერაციების დეპარტამენტის თანამშრომელი და რამდენად წარმოადგენდა გადაუდებელ აუცილებლობას მის მიერ სროლის განხორციელება, თბილისის პროკურატურაში ჩატარდა სრულყოფილი და ამომწურავი გამოძიება. კერძოდ, მოწმის სახით გამოიკითხა 124 პირი, ჩატარდა ათეულობით საგამოძიებო თუ საპროცესო მოქმედება, სისხლის სამართლის საქმეზე ჩატარდა ათზე მეტი სხვადასხვა სახის ექსპერტიზა. მოწმის სახით გამოიკითხნენ თემირლან მაჩალიკაშვილის ოჯახის წევრები და მისი მეზობლები, სახელმწიფო უსაფრთხოების სამსახურის სპეციალური ოპერაციების დეპარტამენტის 32-ივე თანამშრომელი, რომლებიც ზემოხსენებული 5 პირის დაკავების ოპერაციაში მონაწილეობდნენ. მოწმის სახით გამოიკითხნენ სახელმწიფო უსაფრთხოების სამსახურის როგორც გამომძიებლები, ასევე ყველა ხელმძღვანელი, ვისაც რაიმე სახის ინფორმაცია გააჩნდა 2017 წლის 26 დეკემბერს ჩატარებული ოპერაციის დაგეგმვასა და განხორციელებასთან. ჩატარებული გამოძიებით დადგინდა, რომ თემირლან მაჩალიკაშვილი არ დაემორჩილა სპეცრაზმელის მოთხოვნას ეჩვენებინა მისთვის ხელები, სცადა საბრძოლო მდგომარეობაში მოეყვანა ხელყუმბარა, რის გამოც მისი მიმართულებით სპეცრაზმელმა განახორციელა გასროლა. აღნიშნული ხელყუმბარა ამოღებული იქნა საცხოვრებელი ოთახის ჩხრეკის შედეგად, ჩხრეკას ესწრებოდა თემირლან მაჩალიკაშვილის მამა, რომელმაც დაადასტურა ჩხრეკის ოქმში დაფიქსირებული მონაცემების სისწორე. მას რაიმე შენიშვნა ხელყუმბარასთან დაკავშირებით არ განუცხადებია. მან შენიშვნა გააკეთა მხოლოდ ამოღებულ თანხასთან დაკავშირებით, როდესაც განმარტა, რომ თანხა ეკუთვნოდა მის ქალიშვილს. მას შენიშვნა ხელყუმბარასთან დაკავშირებით არ განუცხადებია, რაც ნიშნავს, რომ იგი დაეთანხმა იმ ფაქტს, რომ ხელყუმბარა რეალურად მისი შვილის ოთახიდან იქნა ამოღებული. აღნიშნულ ხელყუმბარაზე კი, 2018 წლის 30 იანვრის ბიოლოგიური (გენეტიკური, სეროლოგიური) ექსპერტიზის დასკვნის თანახმად, არსებული მოწითალო-მოყავისფრო ლაქები წარმოადგენს ადამიანის სისხლს, რომლის შერეული გენეტიკური პროფილების მაჟორული (ძირითადი) წილი თემირლან მაჩალიკაშვილის გენეტიკური პროფილის იდენტურია. აღნიშნული ხელყუმბარა დაილუქა მალხაზ მაჩალიკაშვილის თანდასწრებით, შემდგომ მისი გახსნა მოხდა ლევან სამხარაულის სახელობის ექსპერტიზის ეროვნულ ბიუროში გამომძიებლის, ექსპერტიზის ბიუროს თანამშრომლების და ორი გამნაღმველის მონაწილეობით. ყველა მათგანი აღნიშნავს, რომ ლუქის მთლიანობა დარღვეული არ იყო და მათივე მონაწილეობით დაილუქა და ჩაბარდა ექსპერტს. თემირლან მაჩალიკაშვილის მიმართ სამსახურებრივი უფლებამოსილების შესაძლო გადამეტების ფაქტზე წარმოებული გამოძიების საწყისი ეტაპიდან, როგორც ოჯახის წევრებს, ისე მის ადვოკატებს მიეცათ შესაძლებლობა სრულად გაცნობოდნენ საქმის მასალებს, მიეღოთ ინფორმაცია გამოძიების მიმდინარეობის შესახებ, ადვოკატების მოთხოვნით ჩატარდა არაერთი საგამოძიებო მოქმედება, გამოიკითხნენ მოწმეები დაკომპლექსურ ექსპერტიზაში მონაწილეობას ღებულობდნენ ოჯახის მიერ მოწვეული დამოუკიდებელი ექსპერტები“ – ვკითხულობთ მთავარი პროკურატურის მიერ მოწოდებულ ინფორმაციაში.
მეტი...„მწვანე სკოლის“ ყოფილი მოსწავლის გარდაცვალების ფაქტზე მის მეგობრებსა და სკოლის მოსწავლეებს კითხავენ
ლუკა სირაძის გარდაცვალების საქმის გამოძიება ინტენსიურად მიმდინარეობს. როგორც „მედიაცენტრ მთავარს“ გარდაცვლილის ძმამ, ლუკა სირაძემ განუცხადა, დაკითხულია დაახლოებით 200-მდე მოზარდი როგორც „მწვანე სკოლიდან“, ისე ლუკას და მისი მეგობრები. „ლუკას გარდაცვალების საქმესთან დაკავშირებით სიახლე ამ ეტაპზე არაფერია. გრძელდება ხალხის დაკითხვა, იკითხებიან როგორც „მწვანე სკოლის“ მოსწავლეები, ისე ლუკას და ჩემი მეგობრები. ჩემი მეგობრები იმიტომ, რომ ლუკასგან სატელეფონო ზარებია მათთან შესული და ჩემს მეგობრებთან ლუკაც მეგობრობდა. დედამ ორჯერ რომ მისცა ჩვენება, მას მერე პოლიციაში არ ყოფილა. როგორც ვიცი, სულ 200 ადამიანია გამოკითხული“ – განუცხადა ბექა სირაძემ „მედიაცენტრ მთავარს“. დღეს, ამ თემაზე განცხადება სახელმწიფო ინსპექტორის…
მეტი...ბაგრატის ტაძრის გალავნიდან ტურისტი გადმოვარდა
ბაგრატის ტაძრის მოაჯირიდან ტურისტი გადმოვარდა. არსებული ინფორმაციით, 18 წლამდე ბიჭი რუსეთის მოქალაქეა. თვითმხილველების თქმით, ბიჭი გალავანზე ფოტოების გადასაღებად ავიდა, რა დროსაც ფეხი დაუცურდა და სიმაღლიდან გადმოვარდა. არასრულწლოვანს დაზიანებები აღენიშნება, ის სასწრაფო დახმარების ჯგუფმა ბავშთა განყოფილებაში გადაიყვანა.
მეტი...პერსონალური მონაცემთა დაცვის ინსპექტორმა „მწვანე სკოლა“ დააჯარიმა
პერსონალური მონაცემთა დაცვის ინსპექტორმა „მწვანე სკოლა“ 500 ლარით დააჯარიმა. სკოლის დირექტორის, კახა დავითურის ინფორმაციით, დაჯარიმების საფუძველი მათი მხრიდან არასრულწლოვანთა პერსონალური მონაცემების სამართალდამცველებისთვის გადაცემა გახდა. სახელმწიფო ინსპექტორის სამსახურის უფროსმა, ლონდა თოლორაიამ დღეს განაცხადა, რომ 15 წლის ლუკა სირაძის გარდაცვალების საქმის გამოძიების ფარგლებში დადგინდა, „მწვანე სკოლის“ მხრიდან ადგილი ჰქონდა არასრულწლოვანთა პერსონალური მონაცემების დარღვევას.
მეტი...ევროვიზია 2020 წლის კენჭისყრა დღეს გაიმართება
როტერდამში ევროვიზიის სიმღერის კონკურსის 2020 წლის კენჭისყრა 28 იანვარს გაიმართება და გადაწყდება, რომელი ქვეყანა რომელ ნახევარფინალში მიიღებს მონაწილეობას, მათ შორის საქართველოც. ევროვიზიის სიმღერის კონკურსის წესების თანახმად, ფინალში ავტომატურად გადადიან მასპინძელი ქვეყნისა (ნიდერლანდები) და ე.წ. დიდი ხუთეულის: გერმანიის, დიდი ბრიტანეთის, საფრანგეთის, ესპანეთისა და იტალიის წარმომადგენლები. 2020 წლის ევროვიზიის სიმღერის კონკურსის კენჭისყრის პირდაპირ ეთერში ნახვა საქართველოს პირველი არხის ვებ-გვერდზე იქნება შესაძლებელი. კენჭისყრა 19:10 საათზე დაიწყება და მას ჟურნალისტი დემეტრე ერგემლიძე გაუძღვება. ევროვიზიის სიმღერის კონკურსს როტერდამი მასპინძლობს და წელს საქართველოს თორნიკე ყიფიანი წარადგენს. გრანდიოზული შოუს ნახევარფინალები 12 და 14 მაისს, ხოლო ფინალი 16 მაისს გაიმართება.
მეტი...„მწვანე სკოლის“ მხრიდან ადგილი ჰქონდა არასრულწლოვანთა პერსონალური მონაცემების დარღვევას” – ლონდა თოლორაია
“დადგინდა, რომ „მწვანე სკოლის“ მხრიდან ადგილი ჰქონდა არასრულწლოვანთა პერსონალური მონაცემების დარღვევას. ეს გადაწყვეტილება მათთვის უკვე არის ცნობილი“, – ამის შესახებ სახელმწიფო ინსპექტორის სამსახურის უფროსმა, ლონდა თოლორაიამ განაცხადა. როგორც ლონდა თოლორაიამ განაცხადა, გამოძიების ფარგლებში განმეორებით დაიკითხა გარდაცვლილი მოზარდის მშობელი. მისივე ინფორმაციით, ძალიან მალე ამ საქმეზე საგამოძიებო მოქმედებები და წინასწარი გამოძიება ამოიწურება. თვითმკვლელობის მცდელობისას დაშავებული 15 წლის მოზარდი საავადმყოფოში 2019 წლის 17 დეკემბერს გარდაიცვალა. შემთხვევა დიღმის მასივში მოხდა. ამას წინ უძღოდა „მწვანე სკოლაში“ მომხდარ ინციდენტთან დაკავშირებით მოზარდის პოლიციის განყოფილებაში მოწმის სახით დაკითხვა. ადვოკატი აცხადებდა, რომ მოზარდზე დაკითხვის დროს ფსიქოლოგიური ზეწოლა განხორციელდა. 15 წლის მოზარდის გარდაცვალების საქმესთან დაკავშირებით დიდუბე-ჩუღურეთის პოლიციის სამმართველოს…
მეტი...გენერალურმა პროკურატურამ თემირლან მაჩალიკაშვილის საქმეზე გამოძიება შეწყვიტა
გენერალურმა პროკურატურამ თემირლან მაჩალიკაშვილის საქმეზე გამოძიება შეწყვიტა. განცხადება თბილისის პროკურატურაში გამართულ ბრიფინგზე გაკეთდა. უწყების განმარტებით, “სრულყოფილი და ყოველმხრივი გამოძიების შედეგად დადასტურდა, რომ სპეციალური ოპერაციების სამმართველოს თანამშრომელი იმყოფებოდა აუცილებელი მოგერიების მდგომარეობაში, საფრთხე იყო რეალური, იმწუთიერი და მისი ქმედების მიზანს მხოლოდ ამ საფრთხიდან საკუთარი თავის და გარშემომყოფთა სიცოცხლის და ჯანმრთელობის დაცვა წარმოადგენდა, ასევე დადასტურდა, რომ სპეციალური დანიშნულების რაზმის არც ერთ წევრს და არც რომელიმე მაღალი თანამდებობის პირს კანონსაწინააღმდეგო და ბრალეული ქმედება არ ჩაუდენია.” შეგახსენებთ, რომ აღნიშნულ საქმეზე დაკავებულების მიმართ გამამტყუნებელი განაჩენი სასამრთლომ გამოიტანა.
მეტი...„კორონავირუსით“ ცხოველები ინფიცირდებიან, რომელიც ადამიანებზე გადადის. ადრე, გავრცელების წყარო კატები და აქლემები იყვნენ
„ახალი კორონავირუსის“ გავრცელების წყარო ამ ეტაპზე დაუდგენელია, თუმცა, სავარაუდო მიზეზად გველები, ჩინური კრეიტი და ჩინური კობრა სახელდება, რომელზეც კვლევები მიმდინარეობს. რაც შეეხება „კორონავირუსის“ ადრე დაფიქსირებულ შემთხვევებს, მათი გავრცელების წყარო, სავარაუდოდ კატა და აქლემი იყო. როგორც პედიატრმა თამარ ობგაიძემ „მედიაცენტრ მთავარში“ განაცხადა, ეს არის ვირუსებს ის ჯგუფი, რომლითაც ცხოველები ინფიცირდებიან და შემდეგ ადამიანებზე გადადის. „კორონავირუსი“ ეს არის ვირუსების დიდი ჯგუფი, რომელიც ძალიან ხშირად აინფიცირებს ცხოველებს და არის რიგით მე-17 რომელიც ადამიანებში ვრცელდება. მანამდე ორი აფეთქება უკვე ახსოვს კაცობრიობას, ეს იყო 2002 წელს, რომელიც მაშინაც ჩინეთიდან წამოვიდა და მას ერქვა „სარსი“. მისი…
მეტი...გეითსების ფონდი “ახალი კორონავირუსის” წინააღმდეგ საბრძოლველად 10 მილიონ დოლარს გამოყოფს
ბილ და მელინდა გეითსების ფონდი “ახალი კორონავირუსის” წინააღმდეგ საბრძოლველად 10 მილიონ დოლარს გამოყოფს. თანხის ნახევარი ჩინეთისთვისაა განკუთვნილი. ის დაიხარჯება დაავადების გამოვლენის ღონისძიებებზე, მკურნალობის მეთოდებისა და ვაქცინის შემუშავებაზე. დანარჩენი ხუთი მილიონი განკუთვნილია აფრიკული კავშირის სახელმწიფოებში დაავადების პრევენციაზე მომუშავე ცენტრებისთვის. ფული დაიხარჯება აფრიკულ ქვეყნებში სავარაუდოდ ინფიცირებულების გამოკვლევებზე, ლაბორატორიულ კვლევებზე, ასევე პაციენტების მკურნალობასა და მათ იზოლაციაზე.
მეტი...ჩხოროწყუში სახლი დაიწვა
ჩხოროწყუს მუნიციპალიტეტის სოფელ ხაბუმეში, ჯუმითის უბანში გულუების ორსართულიანი საცხოვრებელი სახლი მთლიანად დაიწვა. ჩხოროწყუს მერიის ინფორმაციით, საოჯახო ტექნიკისა და ინვენტარის გადარჩენა ვერ მოხერხდა. შემთხვევის შედეგად არავინ დაშავებულა. ხანძრის გაჩენის მიზეზი ჯერჯერობით უცნობია. მერიაში აცხადებენ, რომ დაზარალებულ ოჯახს მუნიციპალიტეტის მერია პროგრამულ დახმარებას გაუწევს.
მეტი...„ინფრასტრუქტურა არის, ფული არის, რესურსი არის, მაგრამ უკან წავედით. ეს პრეზიდენტი არ უნდა აირჩონ“ – ვითარება რაგბის კავშირში
„მილიონიანი ბანკის ვალი, კომერციული ორგანიზაციების ვალი, მუნიციპალიტეტის ვალი და ათასობით საურავი, რის გამოც პრეზიდენტი იძულებულია მიწები გაყიდოს“ – ასე აფასებენ რაგბის კავშირის დღევანდელ ვითარებას ვეტერანი მორაგბეები და მთავარ პრობლემად პრეზიდენტს ასახელებენ, რომელიც არასწორად მართავს. ვეტერანმა მორაგბეებმა არსებულ რთულ ვითარებაზე „მედიაცენტრ მთავარში“ ისაუბრეს და მას კრიზისი უწოდეს. „თუ, დღეს იმაზე უკეთ ვთამაშობთ ვიდრე 4 წლის უკან, ეს იმას არ ნიშნავს, რომ ვვითარდებით. დღეს ქართული რაგბი უკან მიდის. არადა, ყველაფერი არსებობს, რომ შედეგი გვქონდეს. ფონდმა „ქართუს“ დახმარებით, უპრეცენდენტო, დაახლოებით 200 მილიონის ინფრასტრუქტურა აქვს დღეს კავშირს, გაჩნდა განვითარების რესურსი, რაც მანამდე არ ყოფილა,…
მეტი...