დღე: იანვარი 7, 2020

სრულიად საქართველოს კათოლიკოს-პატრიარქმა, ილია მეორემ საპატრიარქოსთან ალილოს მსვლელობის მონაწილეებს შობის დღესასწაული მიულოცა და საშობაო საჩუქრები გადასცა. „გილოცავთ ქრისტეშობის დღესასწაულს. ქრისტეშობა ეს არის ბედნიერება, ეს არის ფერისცვალება, ეს არის სულიერი ამაღლება, დღეს აქ გადმოდის იესო ქრისტეს სახით დედამიწაზე. ჩვენ ყველაფერი უნდა გავაკეთოთ, რომ შევინარჩუნოთ ჩვენი ტრადიციები, სიყვარული, თავმდაბლობა და ყველაფერი უნდა გავაკეთოთ იმისთვის, რომ ხალხი ბედნიერი იყოს. ყველას გილოცავთ, დალოცვილი იყავით და გაიხარეთ“, – აღნიშნა პატრიარქმა. ალილოს მსვლელობა დღეს პირველი რესპუბლიკის მოედნიდან დაიწყო და სამების ტაძარში დასრულდა.

თერჯოლის მუნიციპალიტეტის სოფელ კვახჭირში იარაღის გავარდნის შედეგად 6 წლის ბავშვი გარდაიცვალა.  არსებული ინფორმაციით, იარაღი გარდაცვლილის 3 წლის ძმას გაუვარდა და მეორე ძმას მოხვდა. ოჯახმა ბავშვი ქუთაისში გადმოიყვანა, სასწრაფო დახმარების ჯგუფი მათ გზაში შეხვდა, თუმცა ბავშვი უკვე გარდაცვლილი იყო.  შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 116-ე მუხლით დაიწყო.

შინაგან საქმეთა სამინისტროს თანამშრომელს, რომელიც ახალგაზრდა მამაკაცის მიმართ ფიზიკურ ძალადობასა და სიცოცხლის მოსპობაში არის ბრალდებული, საქალაქო სასამართლომ აღკვეთის ღონისძიების სახით პატიმრობა შეუფარდა. ბრალდებულს შინაგან საქმეთა სამინისტროში დაკავებული თანამდებობაც დაატოვებინეს.  შეგახსენებთ, რომ პროკურატურის ინფორმაციით, დაპირისპირება ორ მამაკაცსა და შსს-ს მოქმედ თანამშრომელს შორის 2 იანვარს “დამპალოს სასაფლაოს” ტერიტორიაზე მოხდა, რა დროსაც ბრალდებულმა 24 წლის მამაკაცი აწამა, რის შედეგადაც ის სიცოცხლესთან შეუსაბამო დაზიანებების გამო გარდაიცვალა.

ვარკეთილში, “დამპალოს სასაფლაოზე”, ახალგაზრდა მამაკაცის გარდაცვალების საქმეზე დაკავებული შსს-ს თანამშრომლის, ზურა ფოფხაძის ადვოკატი, მევლუდ ჯანჯღავა აცხადებს, რომ ბრალდებული ცემის ფაქტს აღიარებს. როგორც ადვოკატმა ჟურნალისტებს თბილისის საქალაქო სასამართლოში პროცესის დაწყებამდე განუცხადა, მან ბრალდებული დროებითი დაკავების იზოლატორში მოინახულა, რომელმაც მომხდარის შესახებ მოუყვა. “გუშინ მქონდა კომუნიკაცია დროებითი მოთავსების იზოლატროში ამ პირთან. ის აღიარებს ფაქტს, რაც მოხდა – მან სცემა, დაარტყა, მაგრამ ამას ჰქონდა სხვა პერიპეტიები. შემთხვევა მოხდა ე.წ. დამპალოს სასაფლაოზე, სადაც ბრალდებული მეგობართან ერთად იმყოფებოდა ახლობლის სასაფლაოზე და როდესაც დაბრუნდა, მის მანქანაში იყო ორი პიროვნება, რომელიც ცდილობდა ამ მანქანის წაყვანას არა ფარულად, არამედ აშკარად.…

საქართველოში ამერიკის შეერთებული შტატების საელჩომ ახლო აღმოსავლეთში შექმნილი ვითარების გამო უსაფრთხოების დამატებითი ზომები მიიღო და საქართველოში მყოფი მოქალაქეები გააფრთხილა. “ახლო აღმოსავლეთში ვითარება უკიდურესად გამწვავებულია, რის გამოც, შესაძლოა, უცხოეთში მყოფი შეერთებული შტატების მოქალაქეები საფრთხის ქვეშ აღმოჩდნენ,”-ნათქვამია საელჩოს ოფიციალურ გვერდზე გამოქვეყნებულ განცხადებაში. საელჩო მოქალაქეებს მოუწოდებს, თავი აარიდონ თავშეყრის ადგილებს და იზრუნონ პირად უსაფრთხოებაზე.

დეკანოზი გიორგი მამალაძე, რომელიც პრეზიდენტის მიერ შეწყალებულთა სიაში ვერ მოხვდა, შიმშილობა დაიწყო. ოჯახის ინფორმაციით, მისი ჯანმრთელობის მდგომარეობიდან გამომდინარე შიმშილობა საფრთხის შემცველია. ოჯახი შეეცდება, დეკანოზი შიმშილობის შეწყვეტაში დაარწმუნოს. დეკანოზის ძმა თორნიკე მამალაძე საპატიმროში მის მონახულებას გეგმავს და დარწმუნებულია, რომ სახელმწიფო მას ამაში ხელს შეუშლის. თორნიკე მამალაძე აპირებს, საზოგადოებას პატრიარქზე მიაწოდოს სიმართლე, რომელსაც საპატრიარქო მალავს. ასევე, დეკანოზის ძმა ამბობს, რომ მის ხელთ არსებული მტკიცებულებების გასაჯაროებას აპირებს. “ჩემს ძმასთან შეხვედრას უახლოეს პერიოდში ვაპირებ. დარწმუნებული ვარ, შეეცდება ხელისუფლება, ხელი შემიშალოს ჩემი ძმის მონახულებაში, მაგრამ არსებობს სამართლებრივი გზებიც, რისი უფლებაც მაქვს, რომ შევიდე ჩემს ძმასთან. ვაპირებთ,…

საქართველოს ინფრასტრუქტურის სამინისტროს დაქვემდებარებაში არსებული შპს “გაერთიანებული წყალმომარაგების კომპანიის” დირექტორად გრიგოლ მანდარია დაინიშნა. ამის შესახებ ინფორმაციას, გაერთიანებული წყალმომარაგების კომპანია ავრცელებს. შპს “გაერთიანებული წყალმომარაგების კომპანიას” მანამდე ეკატერინე გალდავა ხელმძღვანელობდა. გაერთიანებული წყალმომარაგების კომპანიის ცნობით, გრიგოლ მანდარია განათლებით ეკონომისტია. 2012 წლიდან სსიპ “საქართველოს ენერგეტიკისა და წყალმომარაგების მარეგულირებელ ეროვნულ კომისიაში” წყალმომარაგების დეპარტამენტს ხელმძღვანელობდა, ხოლო 2019 წელს დაინიშნა საქართველოს რეგიონული განვითარებისა და ინფრასტრუქტურის სამინისტროში მრჩევლად წყალმომარაგების საკითხებში. “გრიგოლ მანდარიას მოპოვებული აქვს ენერგეტიკისა და ტელეკომუნუკაციის დოქტორის ხარისხი. მას აქვს წყალმომარაგების კომპანიების მიერ განხორციელებული ინვესტიციების შეფასება-ანალიზიისა და წყალმომარაგების სექტორში ინვესტიციების განმახორციელებელ საერთაშორისო ორგანიზაციებთან თანამშრომლობის რამდენიმეწლიანი გამოცდილება, რაც დაეხმარება მას “გაერთიანებული…

ახალქალაქისა და კუმურდოს მიტროპოლიტი, მეუფე ნიკოლოზი, დეკანოზ გიორგი მამალაძის შეწყალების საკითხს გამოეხმაურა. მიტროპოლიტის თქმით, მამა გიორგი მამალაძე ბრალს არ აღიარებს, შესაბამისად არ შეიძლება შეწყალებას ითხოვდეს. „პრეზიდენტმა ძალიან ბევრი საინტერესო რაღაც თქვა თავის სიტყვაში და მათ შორის ძალიან საინტერესოდ თქვა სიტყვა შეწყალება. საეკლესიო გაგებით, ქრისტიანული აზრით არის სხვა შინაარსის და იურისპუდენციაში შეწყალება სხვა შინაარსის მატარებელია. ასე რომ, ღმერთმა შეიწყალოს ყველა ცოდვილი ადამიანი. ყველას გვჭირდება შეწყალება. არ თქვას ვინმემ, რომ რაიმე ცოდვას არ ჩაიდენს. ყველას შეიძლება ეს დაემართოს. შეწყალება ნიშნავს იმას, რომ ადამიანს დანაშაული ჩადენილი აქვს და ამას აღიარებს. ადამიანი, რომელიც ბრალს არ აღიარებს,…

ჭყონდიდის მიტროპოლიტი მეუფე გრიგოლ კაცია ამბობს, რომ ის პრეზიდენტის მიერ დეკანოზ გიორგი მამალაძის შეწყალებას მოელოდა. მისივე თქმით, პრეზიდენტის გადაწყვეტილება საპატრიარქოსთან და ილია მეორესთან წინასწარ შეთანხმებული და განზრახული არ იყო. “მე მეკითხებით, რატომ მიიღო ეს გადაწყვეტილება პრეზიდენტმა? მე ვარ გრიგოლ კაცია და არ ვარ პრეზიდენტი. ველოდი, რომ შეიწყალებდა,” – უთხრა მედიას მეუფემ. მეუფე გრიგოლ კაციამ სადღესასწაულო, პირველი საშობაო ლიტურგია აბაშის ღვთისმშობლის სახელობის საკათედრო ტაძარში აღავლინა და მრევლს ქრისტეშობა მიულოცა.

ბოდბის მონასტერში ქრისტესშობა იზეიმეს. სადღესასწაულო მსახურება, მეუფე იაკობმა წმინდა ნინოს სახელობის ტაძარში აღავლინა. საშობაო წირვის შემდეგ, ბოდბელმა ეპისკოპოსმა მრევლს დღესასწაული მიულოცა და ქვეყანაში ბოლო დრო განვითარებულ მოვლენებზე გაამახვილა ყურადღება. მათ შორის, საპატრიარქოში არსებულ დაპირისპირებაზე, მეუფე პეტრე ცაავაზე და დეკანოზ გიორგი მამალაძის შეწყალებაზე. “ვითომ სიმართლისთვის იბრძვიან და სინამდვილეში, იმ ადამიანებს ჭკუა აქვს, ვინც ახლა პატრიარქს ბრძოლას გამოუცხადებს? ერთი გრამი ჭკუის ნატამალიც არ აქვს მას. დღეს არ მინდა მაგ თემაზე საუბარი, ცოტა ხნით ქვეყნიდან გავდივარ, დავბრუნდები და ეს საკითხი მოსაკითხია, აბა – რა იციან, რა უნდათ და რას იძახიან. ერთია, რას იძახი და მეორე…

საქართველს პრეზიდენტი შობას საოკუპაციო ზოლთან მდებარე სოფელ ნიქოზში შეხვდა. სალომე ზურაბიშვილი სადღესასწაულო ლიტურგიას ესწრებოდა. პრეზიდენტს დამატებით კომენტარი მამა გიორგი მამალაძის საკითხზე აღარ გაუკეთებია. ამ საკითხზე თავის ქადაგებაში არ უსაუბრია არც ატენისა და გორის მიტროპოლიტს. მეუფე ანდრიამ ქადაგება მთლიანად შობის დღესასწაულის მნიშვნელობის განმარტებას მიუძღვნა და ამბიონიდან მრევლს შობა მიულოცა. “ჩვენ უკვე ვიცით, რომ გამოხსნილები ვართ ჯოჯოხეთიდან და მხოლოდ ცოდვას შეუძლია ჩვენი ჯოჯოხეთში დატოვება. უნდა გავიაროთ ცხოვრების გზები, რომლის ბოლოსაც უნდა ვიცოდეთ, რომ შეგვხვდება ქრისტე. ხომ გვირჩევნია, სიხარული გვქონდეს და არა ტკივილი და სიმწარე. მაშ, დავიწყოთ ამ შეხვედრებისათვის მზადება,” – აღნიშნა ქადაგების…

საქართველოს პროკურატურის ინფორმაციით, ახალგაზრდა მამაკაცის მიმართ ფიზიკური ძალადობისა და სიცოცხლის მოსპობის ბრალდებით შს სამინისტროს 2 თანამშრომელია დაკავებული. გავრცელებულ განცხადებაში ნათქვამია, რომ დაპირისპირება ორ მამაკაცსა და შსს-ს მოქმედ თანამშრომლებს შორის 2 იანვარს “დამპალოს სასაფლაოს” ტერიტორიაზე მოხდა, რა დროსაც ბრალდებულებმა 24 წლის მამაკაცი აწამეს, ხოლო შემდგომ სასაფლაოს ტერიტორიაზე დატოვეს, რის შედეგადაც ის სიცოცხლესთან შეუსაბამო დაზიანებების გამო გარდაიცვალა. გამოძიება 2 იანვარს სსკ-ის 126-ე მუხლის 1 ნაწილის “ბ” და “გ” ქვეპუნქტებითა და 143-ე მუხლის 1-ლი ნაწილით დაიწყო, ხოლო შემდგომ გადაკვალიფიცირდა  სსკ-ის 117-ე მუხლის მე-6 ნაწილით, რაც გულისხმობს ჯანმრთელობის განზრახ მძიმე დაზიანებას ჩადენილი ჯგუფურად, რამაც სიცოცხლის მოსპობა გამოიწვია,…

7 იანვარს, 14:00 საათიდან, პირველი რესპუბლიკის მოედნიდან სამების საკათედრო ტაძრის მიმართულებით ალილოს მსვლელობა მოეწყობა. ალილო ჩატარდება ასევე თბილისის ყველა ტაძრის მიმდებარე ტერიტორიაზე. მსვლელობა მოეწყობა ჯვარ-ხატებით, კმევით და ნაკურთხი წყლის სხურებით. 7 და 8 იანვარს 14:00 საათიდან 20:00 საათამდე წმინდა სამების საკათედრო ტაძრის ახალგაზრდულ ცენტრში შეგროვდება შემოწირულობა, რომელიც 9 იანვარს 12:00 საათიდან დარიგდება ბავშვთა სახლებში, არასრულწლოვანთა კოლონიაში, მოხუცთა და უმწეოთა თავშესაფრებში.