დღე: იანვარი 6, 2020

დღეს, სასტუმრო „ბორჯომი-ლიკანის“ 50-მდე თანამშრომელი გაიფიცა და სტუმრების მომსახურებაზე უარი განაცხადა. ისინი შრომის პირობებს აპროტესტებდნენ და სასტუმროს მენეჯერის, კობა აბულაძის გადადგომას ითხოვდნენ. „გაუსაძლისი მდგომარეობაა. ერთ კაცს უწევს იმდენი საქმის კეთება, რამდენსაც 20 თანამშრომელი უნდა აკეთებდეს. ვითხოვთ, ადამიანურ მოპყრობას და სასტუმროს მენეჯერის კობა აბულაძის გადადგომას. არსებულმა გაუსაძლისმა სამუშაო პირობებმა მიგვიყვანა იქამდე, რომ გავიფიცეთ ყველა – დამლაგებლებით დაწყებული – დაცვის თანამშრომლებით დამთავრებული და უარი ვთქვით სტუმრების მომსახურებაზე“, – განაცხადა „ბორჯომი ლიკანის“ ერთ-ერთმა თანამშრომელმა. მოგვიანებით, სასტუმრო ბორჯომი-ლიკანის ხელმძღვანელობასა და თანამშრომლებს შორის, დახურულ კარს მიღმა, შეხვედრა გაიმართა. შეხვედრის დასრულების შემდეგ, სასტუმროს მენეჯერი კობა აბულაძე მოკლე კომენტარით შემოიფარგლა…

მღვდელმონაზონი ანდრია სარია სოციალურ ქსელში “პოსტს” აქვეყნებს, რომლითაც დეკანოზი მამა გიორგი მამალაძის შეწყალების გარეშე დატოვების საკითხს ეხმაურება. მღვდელმონაზონი მიიჩნებს, რომ დეკანოზის საპატიმროში დარჩენის საკითხში, აქტიურად იყო ჩართული მეუფე იაკობი. მისი თქმით, საპატრიარქო, რომ იმედგაცრუებული იყოს, პრეზიდენტის გადაწყვეტილებას დაგმობდა. “მამა გიორგის ოჯახი დარწმუნებული იყო, რომ შეიწყალებდნენ უდანაშაულოდ მსჯავრდებულს, მაგრამ საშობაო იმედები გაუცრუვდა ოჯახს. უფლის შობა ყველას გვახარებს, მაგრამ მამალაძეების ოჯახისთვის ტკივილთან და ძმართან იქნება გაზავებული. საპტრიარქოს მხრიდან შეწყალება მხოლოდ იმ შემთხვევაში მოხდება თუ დეკანოზი ,,მოინანიებს” შეკერილ დანაშაულს. საპატრიარქომ ჯერ ვერ მიიღო ის საკვები, რომლითაც გულს დაიჯერებდა. აცდენილი არიან ქრისტიანულ საფუძვლებს. ამ…

საპატრიარქოს საზოგადოებასთან ურთიერთობის სამსახურის ხელმძღვანელმა, დეკანოზმა ანდრია ჯაღმაიძემ, ჟურნალისტებს სინოდის წერილი გააცნო, რომელიც პრეზიდენტს გაეგზავნა, დეკანოზი მამა გიორგი მამალაძის შეწყალების თხოვნით. დეკანოზის განცხადებით, წერილი, რომელიც დაიწერა სინოდის გადაწყვეტილების საფუძველზე, მაღალი ლეგიტიმაციისაა. „მოგესალმებით პატივისცემით და მოგმართავთ ამა წლის 31 ოქტომბრის წმინდა სინოდის გადაწყვეტილების საფუძველზე, სადაც აღნიშნულია, რომ დეკანოზ გიორგი მამალაძეს, რომელსაც შეჩერებული აქვს მღვდელმსახურება, გაეწიოს შუამდგომლობა საქართველოს პრეზიდენტთან შეწყალების თაობაზე, მისი ოჯახის რთული მდგომარეობისა და არაერთგზის თხოვნის გათვალისწინებით“, – ნათქვამია წერილში, რომელიც დეკანოზმა ანდრია ჯაღმაიძემ წაიკითხა. მისი თქმით, წერილი პრეზიდენტის ადმინისტრაციას 8 ნოემბერს გაეგზავნა.

საპატრიარქოს პრესცენტრის ხელმძღვანელის მამა ანდრია ჯაღმაიძის განცხადებით, საპატრიარქოსთვის ე.წ. ციანიდის საქმეზე მსჯავრდებული დეკანოზის, გიორგი მამალაძის შეწყალება სასურველი იქნებოდა. როგორც ჯაღმაიძემ ბრიფინგზე განმარტა, დეკაოზის ჯანმრთელობის მდგომარეობა გარკვეული პირების მიერ ხშირად ხდება სპეკულაციის მიზეზი. “ეკლესიას მოგეხსენებათ, რომ დღეს სრულიად სხვა სამზადისი აქვს, თუმცა რადგანაც საზოგადოების დიდი ინტერესია, გადავწყვიტეთ, რომ პრეზიდენტის დღევანდელ ბრიფინგს შეწყალების თაობაზე გამოვეხმაუროთ. უპირველესად უნდა ავღნიშნოთ, რომ თითქმის სამწლიანი დაუსაბუთებელი ბრალდებების ეკლესიის მიმართ, ეკლესიის შუამდგომლობის გადაწყვეტილებამ მისი უწმინდესობის ინიციატივით მიიღო საქართველოს ეკლესიის უმაღლესმა მთავარმა ორგანომ – სინდოდმა და სინოდის მიერ ამ გადაწყვეტილების საფუძველზე შედგენილი წერილი, რომელიც გაეგზავნა პრეზიდენტს, არის უმაღლესი…

პარლამენტის თავმჯდომარის არჩილ თალაკვაძის განცხადებით, მსჯავდრებული დეკანოზის პატიმრობაში დატოვებასთან დაკავშირებით პრეზიდენტმა გადაწყვეტილება დამოუკიდებლად მიიღო. არჩილ თალაკვაძე მიიჩნევს, რომ სალომე ზურაბიშვილის გადაწყვეტილება შეწყალების პრინციპებთან დაკავშირებით სწორი და სახელმწიფოებრივი იყო. მისივე თქმით, შეწყალება მართლმსაჯულების პროცესის ალტერნატივა ვერ იქნება. “დეკანოზის შეწყალების გარეშე დატოვება, ნამდვილად არის პრეზიდენტის დამოუკიდებელი გადაწყვეტილება. კონსტიტუციით და კანონმდებლობით პრეზიდენტს აქვს დისკრეცია, რომ თავად მიიღოს შეწყალებასთან დაკავშირებით გადაწყვეტილება. პრეზიდენტის აქცენტები შეწყალების პრინციპებთან დაკავშირებით იყო სწორი და სახელმწიფოებრივი. რა თქმა უნდა, შეწყალება ვერ იქნება გამოყენებული მართლმსაჯულების პროცესის ალტერნატივად და შეწყალება ვერ იქნება რაოდენობრივი თვალსაზრისით ისეთი მასშტაბის, როგორიც ეს იყო წინა შემთხვევებში,” – აცხადებს არჩილ თალაკვაძე. შობის დღესასწაულთან დაკავშირებით, პრეზიდენტის…

მღვდელმონაზონი ანდრია სარია, პრეზიდენტის მიერ, დეკანოზის შეწყალების გარეშე დატოვების საკითხს ეხმაურება. მღვდელმონაზონი მიიჩნევს, რომ დეკანოზის საპატიმროში დატოვება, საპატრიარქოს დაკვეთაა. მისი თქმით, მამა გიორგი მამალაძის გათავისუფლება საფრთხეს შეუქმნის საპატრიარქოს. “ნურავინ იფიქრებს, რომ ეს, პირადად სალომე ზურაბიშვილის გადაწყვეტილებაა. ეს არის დაკვეთა საპატრიარქოს მხრიდან, რომ არ შეიწყალონ გიორგი მამალაძე. რადგან, ვისთანაც მე მქონდა ღია შეხვედრები თუ საუბრები, ყველა გაურბოდა ამ საქმეს და ყველა თავისებურ ინტერპრეტაციას უკეთებდა. ისინი ამბობდნენ, რომ მამა გიორგი არ არის შესაწყალებელი და ის არის დამნაშავე. რა თქმა უნდა, დეკანოზის გარეთ გამოსვლა, შესაძლოა მათთვის დიდი საფრთხეა, მაგრამ მათ უნდა იცოდნენ ის, რომ მას,…

რეზიდენტმა ის მიზეზები განმარტა, თუ რატომ არ შეიწყალა ე.წ. ციანიდის საქმეზე მსჯავრდებული დეკანოზი გიორგი მამალაძე. სალომე ზურაბიშვილის განცხადებით, დეკანოზის მიმართ მიღებული გადაწყვეტილება საზოგადოებრივი სიმშვიდის შენარჩუნებას ემსახურება. “რაც შეეხება დეკანოზ გიორგი მამალაძის გახმაურებულ საქმეს. აქაც მთავარი პრინციპით ვიხელმძღვანელე, რომ ჩემი გადაწყვეტილებით არ შევუწყო ხელი საზოგადოებაში რაიმე ახალ დაპირისპირებას. სამწუხაროდ, საქმის პოლიტიზირებამ, მითუმეტეს მაშინ, როდესაც დანაშაულის მახასიათებლები თავისთავად იწვევს მძაფრ რეაქციებს, პოლიტიკოსებისა თუ სასულიერო პირების მიერ წინასწარ გაკეთებულმა მკვეთრმა განცხადებებმა არ შეუწყო ხელი გადაწყვეტილების მიღების პროცესს, ისეთ პროცესს, რომელიც სიმშვიდესა და ყოველგვარი ემოციისგან დაცლას გულისხმობს. თუმცა, მე ბოლომდე მოვისმინე ადვოკატების არგუმენტები, დეტალურად…

საქართველოს პრეზიდენტმა, სალომე ზურაბიშვილმა შობის დღესასწაულთან დაკავშირებით ხუთი მსჯავრდებული შეიწყალა. ამის შესახებ საქართველოს პრეზიდენტმა დღეს გამართულ ბრიფინგზე განაცხადა. სალომე ზურაბიშვილს არ დაუკონკრეტებია, შეწყალებული ხუთი მსჯავრდებულიდან ყველა დატოვებს საპატიმროს, თუ ნაწილს სასჯელი შეუმსუბუქდა. ამასთან, შეწყალებულ მსჯავრდებულთა შორის ვერ მოხვდა დეკანოზი გიორგი მამალაძე. გასული წლის 18 სექტემბერს გამოცხადებული მორატორიუმის შემდეგ, პრეზიდენტმა შეწყალების აქტი პირველად გამოსცა. მსჯავრდებულთა შეწყალება ახალი წესის მიხედვით მოხდა, რომელიც 2019 წლის 27 ნოემბერს შევიდა ძალაში.

საპატრიარქოს მღვდელმთავრების კომისიამ, მარტვილის წმინდა ნინოს სახელობის ტაძრის ყოფილ წინამძღვარს, იღუმენია თამარ გამყრელიძეს ზიარება აუკრძალა. როგორც იღუმენია თამარ გამყრელიძე სოციალურ ქსელში წერს, ბრძანებულებას საქართველოს კათოლიკოს პატრიარქი აწერს ხელს. „ცნობისათვის, ეს ის საპატრიარქოს მღვდელმთავრების კომისიაა, კიდევ ერთი საქართველოს ეკლესიის მარგალიტ დეკანოზ მიქაელ ბოტკოველთან ერთად, რომელმაც, მე იღუმენია თამარ გამყრელიძე, სიმართლისათვის, სამართლიანობისათვის და მართალი მღვდელმთავრის გვერდში დგომისათვის, უზიარებლობით დამსაჯა და უფრო მეტი ბოროტება ჩაიდინა. მხოლოდ საკუთარი სირცხვილის, თავისი უღირსების გადასაფარავად პასუხისმგებლობა პატრიარქს დააკისრეს და სადამსჯელო ბრძანება მისი ფაქსიმელიით გამომიგზავნეს. სად არის საპატრიარქოს კიდევ ერთი მთავარი ფიგურა ე.წ ტახტის მოსაყდრე მიტროპოლიტი შიო მუჯირი?!…

ენერგოომბუდსმენმა სალომე ვარდიაშვილმა “მედიაცენტრ მთავართან” საუბრისას, თბილისის საშიში უბნები დაასახელა, სადაც კუსტარულად დამონტაჟებული გაზის გაყვანილობებია. ენერგოომბუდსმენის განმარტებით, ისანი-სამგორის, გლდანი-ნაძალადევის და ჩუღურეთის რაიონები, ამ მხრივ მთავარ პრობლემურ უბნებად რჩება. მისივე შეფასებით, კერძო დასახლების ეზოებში, კუსტარულად დამონტაჟებული დანადგარებია, რომლის დახურულ სივრცეში არსებობა სიცოცხლისთვის საშიშია. მისი თქმით, ამ საცხოვრებელ შენობებში წლებია სავენტილაციო და საკვამლე არხები არ გაწმენდილა. “პრობლემური უბნებია ისანი-სამგორის, გლდანი-ნაძალადევის, ასევე ჩუღურეთის რაიონებში. ეს უბნები ძირითადად იტალიური შენობებითაა დაკომპლექტებული, სადაც განსაკუთრებით საშიში დანადგარებია დამონტაჟებული. ამ უბნებში, ქსელის იმგვარი მოწყობაა, რომელიც სიცოცხლისთვის საშიშია ან უკვე ექსპლუატაციიდანაა გამოსული და 50 წელია არ განუახლებიათ. ამ…