დღე: იანვარი 5, 2020

მაისში საქართველო ევროსაბჭოს მინისტერიალს უმასპინძლებს. ღონისძიებაში ევროსაბჭოს წევრი ქვეყნების საგარეო საქმეთა მინისტრები მიიღებენ მონაწილეობას. ევროსაბჭოს წევრია რუსეთიც. ჩამოვა თუ არა საქართველოში რუსეთის საგარეო საქმეთა მინისტრი სერგეი ლავროვი, ჯერ უცნობია. რუსეთის საგარეო უწყების ოფიციალურ წარმომადგენელის, მარია ზახაროვას ინფორმაციით, მინისტრის ვიზიტის შესახებ ჯერ საუბარი ნაადრევია, თუმცა შეგვპირდა რომ მინისტრის გრაფიკს დააზუსტებს. ხოლო რაც შეეხება საქართველოს საგარეო საქმეთა სამინისტროს, უწყებაში არც ადასტურებს და არც უარყოფს ინფორმაციას იმის თაობაზე,  მინისტერიალის ფარგლებში საქართველოში სერგეი ლავროვი ჩამოვა თუ არა.  „საქართველო, როგორც ევროპის საბჭოს თავმჯდომარე ქვეყანა უმასპინძლებს ევროპის საბჭოს მინისტრთა კომიტეტის შეხვედრას მაისში. მინისტერიალის საორგანიზაციო საკითხებზე კოორდინაციაში…

საქართველოს საელჩო იორდანიის ჰაშიმიტურ სამეფოში კავშირზეა ერაყში მცხოვრებ საქართველოს მოქალაქეებთან, რომელთა დიდი ნაწილიც კონცენტრირებულია ქურთისტანის რეგიონში. საგარეო საქმეთა სამინისტროს ინფორმაციით, მოქალაქეებისგან მიღებული ინფორმაციით, ქ. დუჰუკში, ერბილსა და სულეიმანიაში ვითარება მშვიდია და მათ საფრთხე არ ემუქრებათ. უწყების ცნობით, ამასთან საელჩოში მოქმედებს 24 საათიანი ცხელი ხაზი +962 797 299 799. ირანელი გავლენიანი გენერალი ყასემ სოლეიმანი 3 იანვარს ბაღდადის აეროპორტში მოკლეს. თეირანში არაერთხელ განაცხადეს, რომ „აშშ-ის მიერ მაღალჩინოსანი ირანელი გენერლის ლიკვიდაციის გამო, ირანი ამერიკელებზე შურს იძიებს“. მუქარის შემცველი განცხადება გააკეთა ამერიკის შეერთებული შტატების პრეზიდენტმაც. დონალდ ტრამპი ირანს 52 სამიზნეზე იერიშით დაემუქრა. მათ შორის მოხვდა კულტურული ძეგლებიც. 

მსოფლიო და საერთაშორისო სისხლის სამართლის, გერმანიის მაქს/პლანკის ინსტიტუტში პოსტსაბჭოური ქვეყნების კოორდინატორ/ექსპერტი, კონფლიქტოლოგი, კრიმინოლოგი და საერთაშორისო მედიატორი ელიკო წიკლაური-ლამიხი ამერიკა-ირანს შორის დაძაბულ ვითარებას აფასებს და ამბობს, რომ ეს კონფლიქტი საქართველომდე ძალიან მალე მოაღწევს. „შატილიდან ე.წ.რუსულ საზღვრამდე 4 კილომეტრია! ახლო აღმოსავლეთში ერაყსა და ირანში შექმნილი კონფლიქტი, ძალიან მალე მოაღწევს საქართველომდე, სხვა თუ არა, გამრავლებისადმი მიდრეკილი ლტოლვილები, რომლებიც ხელშეკრულების თანახმად უნდა მიიღოთ და დააპუროთ, წალეკავენ არა მარტო საქართველოს. ქვეყანა სადაც თვითმკვლელობისა და აბორტების სტატისტიკური მონაცემებით ერთ-ერთ პირველ ადგილზეა დემოგრაფიულად კატასტროფულ მდგომარეობაშია“ – აცხადებს ელიკო წიკლაური -ლამიხი, რომელთანაც ვრცელი ინტერვიუ „მედიაცენტრ მთავარმა“ ჯერ კიდევ ოქტომბრის…

აშშ-ის პრეზიდენტი დონალდ ტრამპი ირანს 52 სამიზნეზე იერიშით დაემუქრა. მათ შორის მოხვდა კულტურული ძეგლებიც.  ტრამპის თქმით, ირანი თუ შურს იძიებს, აშშ-ის პასუხი იქნება სწრაფი და ძლიერი. „ირანი ძალიან მკაფიოდ და ხაზგასმით საუბრობს, რომ მზადაა, დაარტყას კონკრეტულ ამერიკულ ობიექტებს და ეს შურისძიების მიზნით გააკეთოს, რადგან ჩვენ მსოფლიოს მათი ტერორისტების ლიდერი მოვაშორეთ, რომელმაც ახლახან მოკლა ამერიკელი და ბევრი სხვა დაჭრა. მან მთელი ცხოვრების განმავლობაში არაერთი ადამიანი მოკლა, მათ შორის, ირანელი დემონსტრანტები. ის თავს ესხმოდა ჩვენს საელჩოს და დამატებით დარტყმებს სხვაგანაც ამზადებდა. ირანი მრავალი წლის განმავლობაში მხოლოდ პრობლემებს ქმნის. ეს უნდა იყოს გაფრთხილება,…