კორონავირუსის 56 ახალი შემთხვევა ოკუპირებულ აფხაზეთში, ინფორმაციას ოკუპირებული აფხაზეთის ე.წ. ჯანდაცვის სამინისტრო ავრცელებს.
მათივე ცნობით, დღე-ღამის განმავლობაში კორონავირუსზე 173 ადამიანს ჩაუტარდა ტესტირება, მათგან „კოვიდ-19“ 56 პირს დაუდასტურდა.
გუდაუთის რაიონულ საავადმყოფოში 99 კოვიდინფიცირებული პაციენტი აგრძელებს მკურნალობას. ექვსი პაციენტის მდგომარეობა მძიმეა.
სულ ოკუპირებულ აფხაზეთში კორონავირუსის 995 შემთხვევაა დაფიქსირებული, 285 გამოჯანმრთელდა, შვიდი პაციენტი კი გარდაიცვალა.
