საქართველოში 3 დღის განმავლობაში ცუდი ამინდი იქნება. 28 აპრილამდე მოსალოდნელია ელჭექი, წვიმა და ძლიერი ქარი.
როგორც გარემოს ეროვნული სააგენტოში აცხადებენ, ზღვაზე 3-4 ბალიანი ღელვაა მოსალოდნელი.
„მოსალოდნელმა ძლიერმა ნალექებმა საქართველოს მდინარეებზე შესაძლებელია, წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო ქვეყნის მთიან ზონებში თოვლის ზვავების ფორმირება და მეწყრული პროცესების ჩასახვა-გააქტიურება გამოიწვიოს“, – აცხადებენ გარემოს ეროვნულ სააგენტოში.