ისრაელის თავდაცვის ძალების ინფორმაციით, ლიბანიდან გასროლილი ტანკსაწინააღმდეგო რაკეტებით ექვსი ადამიანი დაიჭრა. ყველა მათგანი ისრაელის ელექტრო კორპორაციის თანამშრომელია. ერთ-ერთი დაჭრილი მძიმე მდგომარეობაშია. ისრაელმა საპასუხო ცეცხლი გახსნა.
კომპანიის ინფორმაციით, მათი თანამშრომლები დოვევის დასახლების მახლობლად, ლიბანის წინა დაბომბვის შედეგად დაზიანებულ ელექტროგადამცემ ხაზებს არემონტებდნენ, რა დროსაც თავდასხმა მოხდა.
ისრაელის სამხედროებმა ასევე დაარტყეს ლიბანის სამოქალაქო ტერიტორიაზე იმ ადგილს, საიდანაც რაკეტების გაშვებას გეგმავდნენ.
