,,მოვუწოდეთ ხელისუფლებას და სააკაშვილის ოჯახს, სწრფად მიაღწიონ კონსენსუსუალურ შეთანხმებას, რომელიც უზრუნველყოფს უცხოელი ექიმების დაშვებას,“- ამის შესახებ ევროპის საბჭოს საპარლამენტო ასამბლეის (PACE) მონიტორინგის კომიტეტის თანამომხსენებლების, კლოდ კერნისა და ედიტ ესტრელას განცხადებაშია აღნიშნული.
როგორც განცხადებაშია ნათქვამი, სააკაშვილის საუკეთესო ინტერესების გათვალისწინებით, მნიშვნელოვანია მისი ჯანმრთელობის მდგომარეობის დეპოლიტიზაცია.
,,ვიზიტის დროს თანამომხსენებლებს ასევე მიაწოდეს ინფორმაცია პრეზიდენტ სააკაშვილის შესახებ. მაშინ, როდესაც, მათი განცხადებით, არ სურთ კომენტარის გაკეთება სააკაშვილის საქმეების რომელიმე სამართლებრივ ასპექტზე, რაზეც ისინი სრულად ექვემდებარებიან ადამიანის უფლებათა ევროპულ სასამართლოს, ისინი გამოხატავენ შეშფოთებას სააკაშვილის ჯანმრთელობის მდგომარეობასთან დაკავშირებით არსებულ დავაზე.
ბატონი სააკაშვილის საუკეთესო ინტერესების გათვალისწინებით, მნიშვნელოვანია მისი ჯანმრთელობის მდგომარეობის დეპოლიტიზაცია და იმის უზრუნველყოფა, რომ ყველა დაინტერესებულ მხარეს შეეძლოს, დაეყრდნოს ნეიტრალურ, სანდო და გადამოწმებულ ინფორმაციას. მიუკერძოებელი უცხოელი ექიმების დასწრება შეიძლება იყოს მნიშვნელოვანი ნაბიჯი ამ მიმართულებით. ჩვენ მოვუწოდეთ ხელისუფლებას და სააკაშვილის ოჯახს, სწრფად მიაღწიონ კონსენსუსუალურ შეთანხმებას, რომელიც უზრუნველყოფს უცხოელი ექიმების დაშვებას, რომლებიც სააკაშვილის მკურნალობის დახმარებაში ჩართვისთვის მზად არიან“, – აცხადებენ ევროსაბჭოს საპარლამენტო ასამბლეის თანამომხსენებლები.
