გარემოს ეროვნულ სააგენტოს ინფორმაციით, ახალი წლის ღამით თბილისში თოვლი მოვა. მოსალოდნელია მინუს 3-დან -1 გრადუსამდე ყინვა. დღის საათებში მოსალოდნელია მოღრუბლულობა, შესაძლებელია მცირე წვიმა.
როგორც “მედიაცენტრ მთავარს” გარემოს ეროვნულ სააგენტოში განუცხადეს, ამჟამად თოვს ამბროლაურში, ბორჯომში, თიანეთში, ახალციხეში, ბახმაროში, ცაგერში, ჭიათურაში. ზამთრის საკურორტო რეგიონებში, კერძოდ, ბაკურიანში, სტეფანწმინდასა და გუდაურში თოვლთან ერთად წარბუქია მოსალოდნელი. ჰაერის ტემპერატურა -2 გრადუსია.
მათივე ინფორმაციით, აღმოსავლეთ საქართველოში თოვლიანი ამინდი ხვალამდე შენარჩუნდება. 30 დეკემბერს ჰაერის ტემპერატურა ღამით, -8 გრადუსამდე დაეცემა.
დასავლეთ საქართველოში შედარებით თბილი ამინდებია მოსალოდნელი, მომდევნო სამი დღის განმავლობში ჰაერის ტემპერატურა დღისით +11,+10 და +8 გრადუსი იქნება.
