თვე: მარტი 2022

„ქართული ოცნების“ თავმჯდომარის, ირაკლი კობახიძის განცხადებით, პრეზიდენტთან კინკლაობას არავინ აპირებს, თუმცა, მას კარგად უნდა ახსოვდეს, რომ 5 ელჩის დანიშვნასა და ერთის გამოწვევაზე უარი თქვა. „ჩვენ ვსაუბრობთ ფაქტებით. ფაქტები  შემდეგია – გასული წლის ივნის-ივლისში, პრეზიდენტს მთავრობისგან ელჩების დანიშვნასთან დაკავშირებით სამი წარდგინება გაეგზავნა და დღემდე არცერთ წარდგინებაზე არ არის პასუხი. გასულია, თითქმის, ერთი წელი, შესაბამისად, პრეზიდენტმა მათ დანიშვნაზე უარი განაცხადა. ამ ნაწილში უკვე არასწორი ინფორმაცია გვაქვს, რაც პრეზიდენტის ადმინისტრაციამ გაავრცელა. ასევე, წელს, დაახლოებით 2-3 კვირის წინ მთავრობამ გააგზავნა წარდგინება ორი ელჩის დანიშვნასა და ერთის გამოწვევასთან დაკავშირებით. ამ შემთხვევაში, არათუ უპასუხოდ დატოვა ეს…

უკრაინის ქალაქ მიკოლაევში, რუსეთის მიერ განხორციელებული შეტევის შედეგად, 12 ადამიანი გარდაიცვალა, 20-ზე მეტი კი დაშავდა. მიკოლაევის მერის ოლექსანდრ სენკევიჩის ინფორმაციით, შენობაში დაცვის წევრები და ადმინისტრაციის თანამშრომლები იმყოფებოდნენ. შეგახსენებთ, რომ ცხრასართულიან შენობაზე სარაკეტო დარტყმა გუშინ დილით განხორცილდა. იერიშის შედეგად განადგურდა ოლქის გუბერნატორის, ვიტალი კიმის ოფისი. სენკევიჩი აცხადებს, რომ შესახლოა, სამიზნე სწორედ კიმი ყოფილიყო, რომელიც იმ დროისათვის ოფისში არ იმყოფებოდა.

საქართველოს პარლამენტის წინ, რუსეთის მიერ უკრაინაში მოკლული 146 ბავშვის ხსოვნის აღსანიშნავად, 146 წყვილი ფეხსაცმელი მიიტანეს. როგორც აქციის მონაწილეები აცხადებენ, ეს არის სიმბოლური აქცია, რომელიც ბავშვების ხოცვის წინააღმდეგაა მიმართული. ინფორმაციისთვის, უკრაინაში რუსულ აგრესიას 146 ბავშვის სიცოცხლე  ემსხვერპლა, 222 კი დაშავდა. ოკუპანტების თავდასხმებისა და დაბომბვის შედეგად 790 სასწავლო დაწესებულება დაზიანდა, აქედან 75 მთლიანად განადგურდა.

რუსულ-უკრაინული მოლაპარაკების ერთ-ერთი თემა, რაზეც მხარეები სიტყვიერად თითქმის შეთანხმდნენ, ნატოზე უარია. სანაცვლოდ კი, უკრაინა ითხოვს, ქვეყანაზე უსაფრთხოების გარანტიები გაეროს უშიშროების საბჭოს ქვეყნებმა აიღონ. აღნიშნულ წინადადებას დიდი ბრიტანეთი უკვე გამოეხმაურა. როგორც გაერთიანებულ სამეფოში აცხადებენ, მზად არიან, უკრაინის უსაფრთხოების გარანტორები იყვნენ. როგორც  გაეროში ბრიტანეთის მუდმივი წარმომადგენელი  ბარბარა ვუდვორდი აცხადებს, ბრიტანეთი ერთ-ერთი იქნება, რომელიც  მზადაა, უკრაინის უსაფრთხოების გარანტიების უზრუნველყოფაში საკუთარი წვლილი შეიტანოს. უკრაინული მხარე ალიანსის წევრობაზე უარს მხოლოდ იმ შემთხვევაში იტყვის, თუ  გაეროს უშიშროების საბჭოს წევრი ქვეყნები უკრაინის უსაფრთხოების ვალდებულებას დოკუმენტალურად აიღებენ. საუბარია შემდეგ ქვეყნებზე: ამერიკა, საფრანგეთი, თურქეთი, გერმანია, კანადა, ისრაელი და პოლონეთი.  შესაძლოა, უკრაინამ ალიანსის…

„საქართველო კატეგორიულად გმობს უკრაინის წინააღმდეგ რუსეთის წინასწარ დაგეგმილ აგრესიას, რაც უხეშად არღვევს საერთაშორისო სამართლის ნორმებს და  დარტყმის ქვეშ აყენებს საერთაშორისო წესრიგს და ევრუპული უსაფრთთხოების არქიტექტურას“ – აცხადებს  საგარეო საქმეთა მინისტრი დავით ზალკალიანი პოლონეთის საგარეო საქმეთა მინისტრთან ერთად გამართულ ბრიფინგზე. ზალკალიანის განცხადებით,  საქართველო მხარს უჭერს უკრაინის სუვერენიტეტსა და ტერიტორიულ მთლიანობას  საერთაშორისოდ აღიარებულ საზღვრებში. როგორც მინისტრმა აღნიშნა, საქართველო  მხარს უჭერს უკრაინაში ეუთოს სპეციალური მონიტორინგის მისიის მანდატის გახანგრძლივებას და აფასებს მისიის საქმიანობაში ეუთოს თავმჯდომარეობის წვლილს. მისი თქმით, მნიშვნელოვანია აღინიშნოს, რომ ხსენებულ მისიაში საქართველოდან 30-ზე მეტი დამკვირვებელი მონაწილეობდა. საგარეო საქმეთა მინისტრმა პოლონურ მხარეს საერთაშორისო…

უკრაინაში რამდენიმე დღის წინ დაღუპულ ქართველ მებრძოლს, დავით გობეჯიშვილს ხვალ გამთენიისას სამშობლოში ჩამოასვენებენ. ინფორმაციას უკრაინაში საქართველოს ელჩი ავრცელებს. მისი იფორმაციით, დღეს დილით სპეცრეისი ქალაქ ლვოვიდან ვარშავაში, იქედან კი საქართველოში გვიან ღამით შესრულდება. შეგახსენებთ, რომ, დავით გობეჯიშვილი მეოთხე ქართველი მებრძოლია, რომელიც რუსეთ–უკრაინის ომში დაიღუპა.

დღეს, თურქეთი ისევ მსოფლიო ყურადღების ცენტრშია. რუსულ-უკრაინული მოლაპარაკების შემდეგი ეტაპი სწორედ დღეს გაგრძელდება. არსებითი ისევ ცეცხლის შეწყვეტა და ჰუმანიტარულ საკითხებზე შეთანხმების მიღწევაა, რადგანაც, უკრაინა ჰუმანიტარული კატასტროფის წინაშე დგას. ქალაქებში ჩარჩენილ მოქალაქეებს არც წყალი აქვთ და არც საკვები. ათასობით ადამიანი მეტროებსა და მიწისქვეშა თავშესაფრებში აფარებს თავს. მათ, ქალაქიდან გასვლის შესაძლებლობა ამ დრომდე არ აქვთ. გუშინდელი სამშვიდობო მოლაპარაკებით მხარეები მეტნაკლებად კმაყოფილები არიან, თუმცა, უკრაინული მხარის მოთხოვნაა, რუსეთმა შეთანხმების პირობები დაიცვას და შეასრულოს.    

უკრაინის შეიარაღებული ძალების გენერალური შტაბი ადასტურებს გავრცელებულ ინფორმაცის, რომ რუსეთს უკრაინაში ცოცხალი ძალა  საქართველოს ოკუპირებული ტერიტორიებიდან გადაჰყავს. „რუსეთის ფედერაციის შეიარაღებული ძალების რეკრუტირების მიზნით, საქართველოს ოკუპირებული ტერიტორიებიდან ქ. უკრაინის ტერიტორიაზე მე-4 (ცხინვალის რეგიონი, სამხრეთ ოსეთი) და მე-7 (აფხაზეთი) სამხედრო ბაზები გადაიყვანეს. მე-4 სამხედრო ბაზიდან უკრაინაში გაგზავნეს სამი ჯავშანტრანსპორტიორი, ასევე 1200-მდე რუსი და ოსი სამხედრო მოსამსახურე, ხოლო მე-7 სამხედრო ბაზის ქვედანაყოფებიდან ორი ჯავშან ტრანსპორტიორი და დაახლოებით 800 ადამიანი“, – აცხადებენ გენერალურ შტაბში. რამდენიმე დღის უკან ვიდეოც კი გავრცელდა, როგორ გადიოდნენ გარკვეული შენაერთდები ოკუპირებული ცხინვალიდან.  

რუსეთის საგარეო  მინისტრი ჩინეთში ჩავიდა. საერთაშორისო მედიის ინფორმაციით, სერგეი ლავროვი ოფიციალური ვიზიტის ფარგლებში იმყოფება, რომლის მასპინძელი ჩინეთია. ვიზიტის დეტალებთან დაკავშირებით ინფორმაცია არ ვრცელდება, თუმცა, საერთაშორისო ექსპერტები ვარაუდობენ, რომ ლავროვის ჩინეთში ჩასვლის ერთ-ერთი მიზეზი უკრაინის ომი და ჩინეთის მხარდაჭერაა.

მიუხედავად იმისა, რომ თურქეთში, გუშინ გამართული შეხვედრის შემდეგ, რუსულმა მხარემ გარკვეული პოზიციებიდან ჯარის გაყვანის შესახებ განცხადება გააკეთა, თავად უკრაინის პრეზიდენტი და პენტაგონი აღნიშნულ ინფორმაციას არასანდოს უწოდებს. უფრო მეტიც, როგორც პენტაგონში განმარტავენ, უკრაინა მორიგი დარტყმისთვის მზად უნდა იყოს. „ბოლო დღეების განმავლობაში, კიევის შემოგარენიდან რუსეთის ჯარის მცირე ნაწილმა უკან დაიხია. რუსეთს კვლავ შეუძლია ქალაქზე მასობრივი სისასტიკე განახორციელოს. გვჯერა, რომ ეს პოზიციის ცვლილებაა და არა რეალური ჯარის გაყვანა და ყველანი მზად უნდა ვიყოთ, უკრაინის სხვა ტერიტორიებზე დიდი შეტევისთვის“, – აცხადებს  პენტაგონის პრესმდივანი ჯონ კიბრი. ანალოგიური პოზიციას აფიქსირებს უკრაინის პრეზიდენტი. როგორც ვოლოდიმირ ზელენსკი აცხადებს,…

ამერიკის შეერთებული შტატების სახელმწიფო დეპარტამენტი საკუთარ მოქალაქეებს აფრთხილებს, უკრაინის ან რუსეთის მიმართულებით გამგზავრებისგან თავი შეიკავოს. როგორც თეთრ სახლში განმარტავენ, არსებობს ცნობები იმის შესახებ, რომ რუსი ჯარისკაცები ამერიკის მოქალაქეების გამოყოფას ახდენენ და ხდება მათო ევაკუაცია რუსეთის ან ბელორუსის მიმართულებით, რაც ასევე საფრთხის შემცველია. როგორც თეთრ სახლში აცხადებენ, შტატები მოკლებულია შესაძლებლობას რუსეთის ტერიტორიაზე მყოფ ამერიკის მოქალაქეებს დახმარება გაუწიოს.  

უკრაინის პრეზიდენტი იწონებს ბრიტანეთის პრემიერის განცხადებას, რომ უკრაინაში ცეცხლის შეწყვეტა რუსეთისთვის სანქციების მოხსნის საფუძველი ვრ იქნება. როგორც ზელენსკი განმარტავს, სანქციები არ უნდა მოიხსნას, პირიქით, უნდა გამკაცრდეს. „სანქციების მოხსნის საკითხი ჯერჯერობით  ვერც  დადგება, ვიდრე ეს ომი არ დასრულდება, ვიდრე ჩვენ არ დავიბრუნებთ ყველაფერს, რაც გვეკუთვნის და ვიდრე არ აღვადგენთ სამართლიანობას. პირიქით, სანქციები ყოველკვირეულად უნდა გამკაცრდეს და უნდა იყოს ღირებული“ – აცხადებს პრეზიდენტი.    

დიდი პრიტანეთის პრემიერის განცხადებით, რუსეთის მხრიდან ცეცხლის შეწყვეტა არ არის საკმარისი საფუძველი, რომ რუსეთს დაწესებული სანქციები მოეხსნას. „პრემიერ-მინისტრმა განაცხადა, რომ მხოლოდ ცეცხლის შეწყვეტა არ იქნება საკმარისი საფუძველი, რომ ბრიტანეთმა რუსეთს დაწესებული სანქციები მოუხსნას. პრემიერის შეფასებით, ზეწოლა რუსეთის პრეზიდენტ ვლადიმერ პუტინზე უნდა გაიზარდოს, როგორც სამომავლო ეკონომიკური ზომებით, ასევე სამხედრო დახმარების მიწოდებით და მოხდეს რუსეთის კურსის სრული ცვლილება“, – აცხადებს ბორის ჯონსონის პრესსპიკერი.

უკრაინის პრეზიდენტი დანიის პარლამენტში სიტყვით გამოვიდა. ვოლოდიმირ ზელენსკიმ პარლამენტარებს რუსეთის წინააღმდეგ სანქციების გამკაცრება სთხოვა. პრეზიდენტის განცხადებით, ალყაშემორტყმულ ქალაქ მარიუპოლში, რომელიც მთლიანად განადგურდა და რჩება 100 000-ზე მეტი ადამიანი, სადაც წყლის ნაცვლად გამდნარ თოვლს იყენებენ. „რუსეთს სურს, რომ უკრაინისგან ნანგრევების და ლტოლვილების მეტი არაფერი დარჩეს. 2000-ზე მეტი უკრაინელი ბავშვის ადგილსამყოფელი უცნობია, რომლებიც გაიტაცეს და რუსეთში წაიყვანეს. გთხოვთ თქვენ და მთელ მსოფლიოში დემოკრატიულ საზოგადოებას, უნდა გავაძლიეროთ სანქციები რუსეთის წინააღმდეგ. უნდა დავთმოთ რუსული ნავთობი. არა რუსეთის ფედერაციასთან ვაჭრობას. დახურეთ პორტები რუსული გემებისთვის და ეს უნდა იყოს ევროკავშირში სოლიდარობის პოლიტიკა ყველა წევრ სახელმწიფოს შორის“,…

რუსეთის პრეზიდენტის თანაშემწემ, ვლადიმირ მედინსკიმ, დღევანდელი შეხვედრის შემდეგ მედიასთან განაცხადა, რომ რუსეთი უკრაინის ევროკავშირში გაწევრიანების წინააღმდეგი არ არის. მისივე განმარტებით, კიევი პირობას დებს რომ სამხედრო ალიანსებში არ გაწევრიანდება. “კიევი პირობას დებს, რომ უარს იტყვის სამხედრო ალიანსებში გაწევრიანებაზე, უცხოური სამხედრო ბაზების განთავსებაზე და გარანტორი ქვეყნების თანხმობის გარეშე სამხედრო წვრთნების ჩატარებაზე. უსაფრთხოების გარანტიები არ ვრცელდება ყირიმისა და სევასტოპოლის ტერიტორიაზე, უკრაინა უარს ამბობს ყირიმისა და სევასტოპოლის სამხედრო გზით დაბრუნების სურვილზე და აცხადებს, რომ ეს შესაძლებელია მხოლოდ მოლაპარაკების გზით. რა თქმა უნდა, ეს არანაირად არ შეესაბამება ჩვენს პოზიციას, მაგრამ უკრაინამ საკუთარი მიდგომა ჩამოაყალიბა”- განაცხადა მედინსკიმ.

თურქეთის საგარეო საქმეთა მინისტრი, მევლუთ ჩავუშუღლუ აცხადებს, რომ რუსეთსა და უკრაინას შორის დღევანდელი მოლაპარაკებებით მხარეებმა მნიშვნელოვან პროგრესს მიაღწიეს. ჩავუშუღლუ განმარტავს, რომ ზოგიერთ საკითხზე მხარეები შეთანხმდნენ  და იმედოვნებს, რომ  გარკვეული საკითხები უფრო მაღალ დონეზე განიხილება. “დღეს ვხედავთ, რომ შეხვედრაზე  პროგრესი მიღწეულია. ზოგიერთ საკითხზე მიღწეული იქნა კონსენსუსი და ურთიერთგაგება. დღევანდელი მოლაპარაკებების შემდეგ ყველაზე მნიშვნელოვანი პროგრესი იქნა მიღწეული. ჩვენ გვჯერა, რომ უფრო რთული საკითხები უფრო მაღალ დონეზე განიხილება. დღის წესრიგში ჯერ მინისტრების, შემდეგ კი ორი ქვეყნის ლიდერის შეხვედრაა“, – აღნიშნა ჩავუშოღლუმ.

სტამბულში დასრულებული რუსულ-უკრაინული მოლაპარაკების შემდეგ, რუსები უკან იხევენ და უკრაინის გარკვეული ტერიტორიებიდან ჯარის ნაწილი გაჰყავთ. უკრაინის შეიარაღებული ძალების გენშტაბის ინფორმაციით, რუსეთის სამხედრო ძალების ნაწილი კიევისა და ჩერნიგოვის ოლქებიდან გადის. მათივე განმარტებით, ეს როტაციის კუთხით არსებულ პრობლემებს უკავშირდება. ინფორმაცია შეხვედრის დასრულების შემდეგ რუსული დელეგაციის ხელმძღვანელმაც დაადასტურა. ვლადიმირ მედინსკის განცხადებით,  რუსეთი რადიკალურად ამცირებს სამხედრო მოქმედებებს კიევისა და ჩერნიგოვის ოლქის მიმართულებით. რუსეთი უკრაინის გარკვეულ ნაწილში საბრძოლო მოქმედებებს შეაჩერებს

უკრაინის საგარეო მინისტრის გაფრთხილებას, რომ დელეგაციის წევრებმა შეხვედრაზე ჭამისგან, დალევისგან და ზედაპირებზე შეხებისგან თავი შეიკავო, რუსული მხარე გამოეხმაურა და დასცინა. რუსეთის საგარეო საქმეთა სამინისტროს სპიკერი მარია ზახაროვა აცხადებს, რომ  ახლა  უკვე გასაგებია, რატომაც მოახდინა უკრაინულმა მხარემ მათი დელეგაციის წევრის ლიკვიდირება. „აჰა, ახლა გასაგებია კიევში უკრაინელმა ძალოვნებმა რატომ ჩაცხრილეს მათი მომლაპარაკებელი დენის კირეევი – ის ჭამდა, სვამდა და ზედაპირებს ეხებოდა რუსეთთან მოლაპარაკებებზე“,- განაცხადა ზახაროვამ. შეგახსენებთ, რო მას შემდეგ რაც გავრცელდა ინფორმაცია უკრაინული დელეგაციის რამდენიმე წევრის მოწამვლასთან დაკავშირებით დმიტრო კულებამ დელეგაციის წევრებს რჩევა მისცა. რაც შეეხება დენის კირეევს, ის, თავიდან მოლაპარაკებებში უკრაინულ მხარეს…

რუსული დელეგაციის წარმომადგენელმა ვლადიმერ მედინსკიმ, სტამბულში მოლაპარაკების დასრულების შემდეგ განაცხადა, რომ რუსეთი კიევსა და ჩერნიგოვში გარკვეულ საბრძოლო მოქმედებებს შეწყვეტს. რუსული დელეგაციის ხელმძღვანელმა ისიც აღნიშნა, რომ საუბარი არ არის მოქმედებების სრულ შეწყვეტაზე. მედინსკიმ უკრაინულ მხარეს კონსტრუქციული უწოდა და იმედი გამოთქვა, რომ რუსულ მხარესთან ითანამშრომლებენ. „რუსული ხელისუფლება იმედს გამოთქვამს, რომ კიევში გადაწყვეტილებებს მიიღებენ და ნორმალური თანამშრომლობისთვის, ნორმალურ პირობებს შექმნიან”- განაცხადა მან მედიასთან. შეგახსენებთ, რომ მხარეები დღევანდელი შეხვედრით მეტნაკლებად კმაყოფილები არიან და ომის დასრულების წინაპირობას ხედავენ. მოსკოვი უკრაინას პუტინი-ზელენსკის შეხვედრას ერთი პირობით სთავაზობს

თურქეთში, რუსულ-უკრაინული მოლაპარაკების ერთ-ერთი თემა ორი პრეზიდენტის შეხვედრა იყო. როგორც რუსული დელეგაციის ხელმძღვანელი ვლადიმირ მედინსკი აცხადებს, ეს იმ შემთხვევაში მოხდება, თუ, უკრაინა შეთანხმების დოკუმენტს ხელს მოაწერს. „პრეზიდენტების შეხვედრას თან  უნდა ახლდეს საგარეო საქმეთა მინისტრების მიერ სამშვიდობო ხელშეკრულების ხელმოწერა. სახელმწიფო მეთაურების შეხვედრა შესაძლებელია მაშინ, როცა მზად იქნებ შეთანხმების დოკუმენტი ხელმოსაწერად ჯერ შეთანხმება მომზადდება, შემდეგ მას მომლაპარაკებლები დაადასტურებენ, ვიზას დაადებენ საგარეო მინისტრები და ამოს შემდეგ შედგება სახელმწიფო მეთაურების შეხვედრა დოკუმენტის ხელმოსაწერად. ეს მარტივი არ არის“ – ასეთია რუსეთის ულტიმატუმი რომელიც მედიასთან ვლადიმირ მედინსკიმ გააჟღერა. ასევე, აღნიშნა, რომ უკრაინული მხარის წინადადებები პრეზიდენტ პუტინთან…

რუსულ-უკრაინულ მოლაპარაკებაზე ორ მთავარ საკითხზე შეთანხმებას თითქმის მიაღწიეს, თუმცა, შეხვედრა ხვალაც გაგრძელდება. უკრაინა თანხმობას აცხადებს უარი თქვას ნატოს წევრობაზე და სანაცვლოდ მიიღოს მყარი გარანტიები. კერძოდ, გაეროს უშიშროების საბჭომ საკუთარ თავზე აიღოს უკრაინის უსაფრთხოება. დავით არახამიას განცხადებით, აღნიშნული გარანტიები დოკუმენტალურად უნდა გაფორმდეს. ასევე, რუსეთის მხრიდან, უკრაინის ოკუპირებულ ტერიტორიებს განსაკუთრებული სტატუსი ექნება და ამ თემაზე საუბარი კიდევ გაგრძელდება. როგორც არახამია განმარტავს, უკრაინის სუვერენიტეტი და ტერიტორიული მთლიანობის საკითხი მოლაპარაკებას არ ექვემდებარება. შეხვედრის დასრულების შემდეგ, მედიასთან განცხადება მიხეილო პოდოლიაკმაც გააკეთა, მისი თქმით, დიდი ალბათობით, მოლაპარაკება შედეგამდე მივა, თუმცა, ნებისმიერ საკითხზე, რაზეც შეთანხმდებიან, უნდა ჩატარდეს რეფერენდუმი.…

​უკრაინულ-რუსული დელეგაციის წევრები შეხვედრით მეტ-ნაკლებად კმაყოფილები არიან და აცხადებენ, რომ პროგრესი არის. ერთ-ერთი საკითხი, რომელიც მხარეებმა განიხილეს, უკრაინის ტერიტორიაზე უცხო ქვეყნის სამშვიდობო ბაზების განთავსების საკითხი იყო და ასევე, ნატოს წევრობაზე უარი. უკრაინული მხარე აღნიშნულ შეთანხმებას მხოლოდ იმ შემთხვევაში დათანხმდება, თუ, გაეროს უშიშროების საბჭოს წევრი ქვეყნები უკრაინის უსაფრთხოების ვალდებულებას დოკუმენტალურად აიღებენ. საუბარია შემდეგ ქვეყნებზე: ამერიკა, საფრანგეთი, თურქეთი, გერმანია, კანადა, ისრაელი და პოლონეთი, რომლებიც უნდა გახდნენ უკრაინაში მშვიდობის გარანტორები. უკრაინის ტერიტორიული მთლიანობა კომპრომისს არ ექვემდებარება“ – რაზე შეთანხმდნენ მხარეები  

თურქეთში რუსეთ-უკრაინის მოლაპარაკება დასრულდა,   უკრაინის დელეგაციის წარმომადგენელმა მედიასთან იმ საკითხებზე ისაუბრა, რაც განიხილეს და რაც მოითხოვეს. „კომპრომისს არ ექვემდებარება საკითხი, რომელიც უკრაინის ტერიტორიულ მთლიანობას ეხება. ასევე, ვითხოვთ, იურიდიული ძალის მქონე დოკუმენტს, რომელიც უკრაინის უსაფრთხოებას ეხება. უკრაინამ შესაძლოა აიღოს ვალდებულება, საკუთარ ტერიტორიაზე არ განათავსოს უცხო ქვეყნის სამშვიდობო ბაზები და ასევე, არ გახდეს სამხედრო ალიანსის წევრი, თუმცა, ჩვენს მიერ მკაფიოდ იყო ნათქვამი რომ ამ პროცესმა ხელი უნდა შეუწყოს უკრაინის ევროკავშირში გაწევრიანებას. მნიშვნელოვანია გარანტორების არსებობს, რომლებიც აიღებენ პასუხისმგებლობა უკრაინაზე თავდასხმის შემთხვევაში. უკრაინა გააგრძელებს სვლას ევროკავშირისკენ. რაც შეეხება გარანტორებს, ისინი უნდა იყვნენ უშიშროების საბჭოს წევრები“ –…

საქართველოს საგარეო საქმეთა სამინისტროს ინფორმაციით, საქართველოს მოქალაქეების გაყვანის მიზნით უკრაინიდან პოლონეთის მიმართულებით მარშრუტი 30 მარტს შესრულდება. “ავტობუსები ლვოვი–ვარშავის მიმართულებით დამატებით გავა 30 მარტს უკრაინის დროით09:00 საათზე. მისამართი: ლვოვი, უნივერსიტეცკაია N 1, ივანო ფრანკოს პარკი, ლვოვის ნაციონალური უნივერსიტეტის მხრიდან. ავტობუსები გათვლილია 50 ადამიანზე, მოსახლეობის მშვიდობიანი ევაკუაციის მიზნით, აუცილებელია წინასწარ ჩაწერა, შემდეგ ნომრებზე: +380 (63) 376 77 68; +380 (63) 376 73 64“, – აღნიშნულია  უწყების ინფორმაციაში. უწყების ინფორმაციით, უკრაინაში განვითარებულ საომარ მდგომარეობასთან დაკავშირებით, საქართველოს დიპლომატიური მისიები კიევში, ოდესაში და ლვოვში განაგრძობენ საგანგებო, 24-საათიან რეჟიმში მუშაობას და ქმედით დახმარებას უწევენ საქართველოს მოქალაქეებსუკრაინის ტერიტორიის დატოვებისა და…

გაუჩინარებული თავდაცვის მინისტრი სერგეი შოიგუ გამოჩნდა. დღეს ის  რუსეთის შეიარაღებული ძალების სარდლობას შეხვდა და მკვეთრი განცხადება გააკეთა. როგორც მინისტრი აცხადებს უკრაინაში ოპერაცია მანამ არ დასრულდება, სანამ მიზანს არ მიაღწევენ. სერგეი შოიგუს განცხადებით, რუსეთი შეჩერებას არ აპირებს. მისი შეფასებით, რუსეთში წვევამდელების საგაზაფხულო გაწვევა ჩვეულებრივ გაგრძელდება. „ოპერაციის პირველი ეტაპის ძირითადი ამოცანების შესრულებულია. ახლა, ყურადღება მთავარ მიზანზე გადადის – დონბასის გათავისუფლება. გაზაფხულზე, სამხედრო სამსახურში გაწვეული რუსეთის მოქალაქეები არც ერთ ცხელ წერტილი არ გაიგზავნებიან. მიმდინარე წელს,  სამხედრო სამსახურში რუსეთის 134 500 წვევამდელი გაიგზავნება, რაც შარშანდელზე ბევრად მცირეა. 2 კვირაში, უკრაინაში 600 დაქირავებული მებრძოლი განადგურდა. 500-მა…

„ჩემი აზრით პრორუსობაა, როცა ოპონენტს არ ელაპარაკები არაფერზე და ხალხის მტრად აცხადებ. როცა სასამართლო ჯიბეში გიზის და მთელ ძალოვან ბიუროკრატიას ცენტრალიზებულად მართავ. როცა საზოგადოების ქცევას აკონტროლებ რეგულირებების და ბიუროკრატიების მეშვეობით, რომ უნებართვოდ ვერავინ ხელი ვერ გაანძრიოს, ესეც პრორუსობაა“ – აცხადებს „გირჩის“ დეპუტატი იაგო ხვიჩია და პრორუსულ საქმეებზე საუბრობს. დეპუტატმა სხდმათა დარბაზში  ის კოკრეტული ქმედებები ჩამოთვალა, რომელიც პრორუსულ საქმიანობას ამყარებს. „როცა კომუნისტური სისხლის სამართლის პოლიტიკას კიდევ უფრო მეტად ამკაცრებ, ესეც პრორუსობაა; მშვიდობიანი მოქალაქეების დარბევაც პრორუსული ქცევაა; როცა საქმის ნაცვლდ სადღეგრძელოებით საუბრობ, რათა ვერავინ გაიგოს რა ჩაიფიქრე, ესეც პრორუსობაა. თუმცა. ერთ-ერთი ყველაზე…

კრემლის განმარტებით, რუსეთში მოღვაწე ოლიგარქი რომან აბრამოვიჩი რუსული დელეგაციის ოფიციალური წევრი არ არის. როგორც ვლადიმირ პუტინის პრესსპიკერი განმარტავს, ბიზნესმენი თურქეთში  ორივე მხარის თანხმობით ჩავიდა. „ბიზნესმენ რომან აბრამოვიჩის დასწრება უკრაინისა და რუსეთის დელეგაციებს შორის მოლაპარაკებებზე ორივე მხარის მიერ არის შეთანხმებული. აბრამოვიჩი რუსულ დელეგაციას არ წარმოადგენს. ის  ჩართულია კონტაქტების უზრუნველყოფაში რუსულ და უკრაინულ მხარეებს შორის. ის არ წარმოადგენს დელეგაციის ოფიციალურ წევრს. აბრამოვიჩი თურქეთში მიმდინარე მოლაპარაკებაში რუსულ მხარეს არ წარმოადგენს“ – აცხადებს პესკოვმა. შეგახსენებთ, რომ პესკოვის მოლაპარაკებებში ჩართვის თემა მას შემდეგ გახდა აქტუალური, რაც გაჟონა ინფორმაციამ, რომ ის პრეზიდენტ ზელენსკისაც შეხვდა და თურქეთში ადრეც…