თვე: მარტი 2022

ვლადიმერ პუტინის განკარგულებას, რომელიც ხვალიდან ამოქმედდება, საფრანგეთი და გერმანია არ დაემორჩილება. საუბარია რუსული გაზის შესყიდვისთვის რუსულ ბანკში რუბლის ანგარიშის გახსნაზე, წინააღმდეგ შემთხვევაში, რუსეთი მათ გაზს არ მიაწვდის. პუტინის გზავნილს საფრანგეთი და გერმანია უკვე გამოეხმაურა და ღიად დააფიქსირეს, რომ რუბლით ვაჭრობას არ აპირებენ. „ხვალ შეიძლება იყოს ისეთი ვითარება, რომ აღარ იქნება რუსული გაზი. ჩვენზეა დამოკიდებული, რომ მოვამზადოთ ამ სცენარებისთვის და ჩვენ ვემზადებით”, – განაცხადა საფრანგეთის ეკონომიკის მინისტრმა. პუტინმა „არამეგობრულ ქვეყნებს“ ახალი სანქციები დაუწესა და აიძულებს ანგარიში რუბლში გახსნან

ნატოს გენერალური მდივნის, იენს სტოლტენბერგის განცხადებით, ნატო არის ერთიანი უკრაინის საკითხთან დაკავშირებით და ცალსახაა, რომ რუსეთმა უნდა დაასრულოს უაზრო ომი. „რუსეთმა უნდა დაასრულოს უაზრო ომი, გამოიყვანოს თავისი ჯარები და კეთილი ნებით ჩაერთოს მოლაპარაკებებში. ნატოს ძირითადი ამოცანაა ყველა მოკავშირის დაცვა. ჩვენ დამატებით ათასობით ჯარისკაცი გადავისროლეთ ალიანსის აღმოსავლეთ ფლანგზე. ნატო არის ერთიანი და ძლიერი“ – განაცხადა ნატოს გენერალურმა მდივანმა. მისივე თქმით, რუსეთი არ ასრულებს იმ განცხადებებს, რასაც თავად ახმოვანებს და ძალების გადახალისებას ახდენს. „ველოდებით უფრო დიდ შეტევას, რომელიც მეტ ტანჯვას მოიტანს“ – სტოლტენბერგი რუსეთზე

გაეროს გენერალური მდივნის განცხადებით, ტყუილია რუსეთის გადაწყვეტილება უკან დახევისა და უკრაინის გარკვეული წერტილებიდან ძალების გაყვანის შესახებ. „ჩვენი დაზვერვის მონაცემებით, რუსული დანაყოფები არ გამოდიან უკრაინის ტერიტორიიდან. ისინი მხოლოდ პოზიციებს იცვლიან. რუსეთი ცდილობს, გადაჯგუფდეს და მიიღოს ახალი რესურსები, გააძლიეროს შეტევა დონბასის რეგიონში. იგივეს აკეთებს ის კიევსა და სხვა ქალაქებზე. შეიძლება ველოდოთ დამატებით შეტევას,  რომლებიც კიდევ უფრო დიდ ტანჯვას მოიტანს“ – განცხადა ნატოს გენერალურმა მდივანმა. „რუსეთი მუდმივად იტყუება“ – ნატოს გენერალური მდივანი

ნატოს გენერალურმა მდივანმა იენს სტოლტენბერგმა უკრაინაში მიმდინარე საომარ მოქმედებებთან დაკავშირებით მედიისთვის განცხადებები გააკეთა, როგორც სტოლტენბერგმა აღნიშნა, რუსეთი მუდმივად იტყუება და მისი სიტყვები სანდო არ არის. „რუსეთი მზად იყო, განეხორციელებინა სრულმასშტაბიანი შეჭრა უკრაინაში. ჩვენ მოვემზადეთ უარესისთვის ვიდრე იყო რუსთის სრულმასშტაბიანი შეჭრა უკრაინაში. მართალია მოვემზადეთ უარესისთვის, თუმცა, გვქონდა უკეთესის იმედი. ყველა ძალისხმევა გამოვიყენეთ რუსეთის დიალოგში ჩასართველად, თუმცა, მოსკოვმა არაერთგზის გვითხრა უარი და საბოლოოდ, გადაწყვიტა შეეწყვიტა დიპლომატიური ურთიერთობები“ – განაცხადა ნატოს გენერალურმა მდივანმა. მისი შეფასებით, რასაც რუსეთი ამბობს, არასდროს ასრულებს. „ჩვენ  გავაძლიერეთ მხარდაჭერა და გავამაგრეთ ნატოს აღმოსავლეთ ფლანგი, რამაც კიდევ უფრო გააძლიერა უკრაინა.…

გაერთიანებულმა სამეფომ სანქციებში კიდევ რამდენიმე პირი მოაქცია. ამჯერად, დიდი ბრიტანეთის „შავ სიაში“ იმ მედიის წარმომადგენლები მოხვდნენ რომლებიც ომის პროპაგანდაში იყვნენ ჩართულები და ასევე, სამხედრო პირები. სანქციებში მოექცა ტელეწამყვანი სერგეი ბრილევი, Gazprom-Media-ს აღმასრულებელ დირექტორ ალექსანდრე ჟაროვი, RT-ის მმართველ დირექტორი ალექსეი ნიკოლოვი და Sputnik International-ის ხელმძღვანელი ანტონ ანისიმოვი.  ბრიტანეთში შესვლა ასევე ეკრძალება გენერალ-პოლკოვნიკი მიხაილ მიზინცევს, რომელსაც „მარიუპოლის ყასაბს“ უწოდებენ. სანქციები სულ 14 პირს შეეხო. დიდი ბრიტანეთის საგარეო საქმეთა მდივნის ლიზ ტრასის განმარტებით, რუსეთის საინფორმაციო ომი ტყუილებზეა აგებული. „სანქციების ბოლო სერიის სამიზნეს წარმოადგენენ უსირცხვილო პროპაგანდისტები, რომლებიც ავრცელებენ პუტინის ყალბ ამბებსა და ნარატივებს“, – განაცხადა ლიზ…

ოკუპირებული აფხაზეთის ე.წ. უშიშროების საბჭოს მდივანი ტაშს უკრავს „სამხრეთ ოსეთის“ გადაწყვეტილებას რუსეთის შემადგენლობაში შევიდეს. როგორც შამბა აცხადებს, იგივე, აფხაზეთთან დაკავშირებით ვერ მოხდება, რადგანაც, კონსტიტუცია ამას არ ითვალისწინებს. „მსგავსი განწყობები არც პოლიტიკურ წრეებში და არც აფხაზეთის საზოგადოებაში არსებობს.  ჩვენი კონსტიტუცია, კანონმდებლობა არ იძლევა საშუალებას და საზოგადოებაში არ არსებობს რუსეთის ფედერაციაში გაწევრიანებასთან დაკავშირებით განწყობები. ჩვენ მძიმე ფასი გადავიხადეთ დამოუკიდებლობისთვის, ეს არის ჩვენი ხალხის რამდენიმე თაობის ხანგრძლივი ბრძოლის შედეგი. ასე რომ, ეს საკითხი ჩვენს წრეებში არ განიხილება”, – განაცხადა მან. შამბას განცხადების პარალელურად, წელიწადზე მეტია, აფხაზეთში მომზადებულია დოკუმენტი, რომელიც აფხაზეთის „გარუსებას“ ითვალისწინებს. კერძოდ,…

შეერთებული შტატები უკრაინას რუსეთთან ომის დასაძლევად მაქსიმალურ მხარდაჭერას უცხადებს, თუმცა, დამატებით, უსაფრთხოების გარანტიებზე პასუხისმგებლობას ვერ იღებს. როგორც  პრეზიდენტის ადმინისტრაციის კომუნიკაციების დირექტორი  ქეით ბედინგფილდი აცხადებს, პრეზიდენტი ჯო ბაიდენი არ აპირებს ისეთი გადაწყვეტილების მიღებას, რომელიც ვაშინგტონსა და მოსკოვის სამხედრო დაპირისპირებას გამოიწვევს. „პრეზიდენტი ბაიდენი არ ესწრაფვის პირდაპირ კონფლიქტს ამერიკის შეიარაღებულ ძალებსა და რუსეთის შეიარაღებულ ძალებს შორის.  მუდმივ დისკუსიაში ვართ უკრაინასთან, თუ როგორ დავეხმაროთ მათ სუვერენიტეტისა და უსაფრთხოების დაცვაში, მაგრამ არ არსებობს კონკრეტული დეტალები უსაფრთხოების გარანტიებთან დაკავშირებით, რომლებზეც ამ მომენტში შემიძლია, ვისაუბრო“, – განმარტავს ქეით ბედინგფილდმა.

კრემლი  აფხაზეთში მედია ცენტრს ქმნის, რომელიც რუსულ პროპაგანდაზე იმუშავებს. აღნიშნული თემის მოსაგვარებლად, მოსკოვმა ოკუპირებულ აფხაზეთში მთავარი პროპაგანდისტი მარგარიტა სიმონიანი გაგზავნა. სოხუმში მედიაცენტრი გახსნის ცერემონია ოფიციალურად ჩატარდა და ის ე.წ. საგარეო საქმეთა სამინისტროს შენობაში განთავსდა. როგორც ღონისძიებაზე სიმონიანმა და ოკუპირებული აფხაზეთის „ხელისუფლების“ წარმომადგენლებმა განაცხადეს, რუსეთის მოქალაქეები მეტ ინფორმაცის უნდა ფლობდნენ აფხაზეთზე და ის რუსებისთვის მიმზიდველი უნდა იყოს. საუბარია იმაზე, რომ აფხაზეთში რუსეთთან დაკავშირებით ბევრი პოზიტიური ინფორმაცია გავრცელდეს  და მეტი დადებითი განწყობა გაჩნდეს და პირიქით, რუსეთის მოქალაქეები ჩავიდნენ აფხაზეთში. „მინდა, რომ აფხაზეთი ფართოდ გაიცნონ მათ, ვინც ჯერ კიდევ არ იცნობენ. ეს არის…

ოკუპირებული სამხრეთ ოსეთის ტერიტორიაზე რეფერენდუმისთვის ემზადებიან. ცხინვალი საოკუპაციო რეჟიმი ოფიციალურად ადასტურებს, რომ მოსახლეობა ითხოვს რუსეთის შემადგენლობაში შესვლას ა ეს რეფერენდუმითაც დადასტურდება. „რუსეთის შემადგენლობაში შესვლასთან დაკავშირებით რეფერენდუმი 10 აპრილის შემდეგ გაიმართება“, – აცხადებს „პრეზიდენტის“ პრესმდივანი დინა გასიევა. შეგახსენებთ, რომ ოკუპირებულ ცხინვალში 10 აპრილს ე.წ. საპრეზიდენტო არჩევნებია დანიშნული. ამის შემდეგ კი ცხინვალი საკუთარ თავს რუსეთის შემადგენლობაში განიხილავს. „რუსეთთან გაერთიანება არის ჩვენი სტრატეგიული მიზანი“ – სამხრეთ ოსეთი რუსეთის შემადგენლობაში შესვლას ელოდება

პრეზიდენტმა ზელენსკი ოფიციალურად დაადასტურა, რომ საქართველოდან უკრაინის ელჩი გაწვეულია. მან დიპლომატიურ დოკუმენტს ხელი უკვე მოაწერა. ვიდეომიმართვაში, ვოლოდიმირ ზელენსკი იმ მიზეზებზეც საუბრობს, არამც ელჩის გაწვევა გამოიწვია. პრეზიდენტმა, საქართველოსთან ერთად, ელჩი მაროკოდანაც გაიწვია. როგორც პრეზიდენტმა განმარტა, ამ ელჩებმა ვერ მიაღწიეს იმას, რომ ქვეყნები სადაც არიან წარმოდგენილები, უკრაინას გვერდით დამდგარიყვნენ. „არიან ადამიანები, რომლებიც სხვებთან ერთად მუშაობენ სახელმწიფოს დასაცავად იმისთვის, რომ უკრაინამ საკუთარი მომავლის არჩევა შეძლოს. ჩვენ ვაფასებთ თითოეული ასეთი ადამიანის ქმედებას. არსებობენ ისეთებიც, რომლებიც მხოლოდ იმაზე ფიქრობენ, რომ დარჩნენ იქ, სადაც არიან. დღეს ხელი მოვაწერე, მაროკოდან ელჩის გამოწვევას. ასევე, დაბრუნებულია ელჩი საქართველოდან. დიდი პატივისცემით,…

რუსეთ-უკრაინის ომში დაღუპული მებრძოლი დავით გობეჯიშვილი საქართველოში ჩამოასვენეს.  მებრძოლს აეროპორტში ახლობლები და რიგითი მოქალაქეები დროშებითა და სანთლებით დახვდნენ. დავით გობეჯიშვილი 26 მარტს, ქალაქ ირპენში დაიღუპა. მისი გადმოსვენება კი ამ დრომდე ვერ მოხერხდა. ქართველ მებრძოლს, სხვა მებრძოლების მსგავსად,  სამხედრო პატივით დაკრძალავენ. უკრაინა-რუსეთის ომში ოთხი ქართველი მებრძოლი დაიღუპა. კიდევ ერთი მებრძოლი, რომელიც უკრაინაში 19 მარტს გარდაიცვალა, საქართველოში ჯერ კიდევ არ ჩამოუსვენებიათ. მარიუპოლში  შექმნილი მძიმე ვითარების გამო, მისი გადმოსვენება ვერ ხერხდება. დავით გობეჯიშვილი დასვენებულია ქაშუეთის ეკლესიაში, სადაც სამოქალაქო პანაშვიდი იმართება. დღის ბოლოს კი მას  ტყიბულში გადაასვენებენ კვირას დაკრძალავენ.

უკრაინა-რუსეთის დელეგაციების სამშვიდობო მოლაპარაკება ხვალ, 1 აპრილს ვირტუალურ რეჟიმში გაგრძელდება. როგორც უკრაინული მხარის დელეგაციის ხელმძღვანელი დავით არახამია აცხადებს, სამუშაო ფორმატზე შეთანხმება უკვე არსებობს.  

თეთრი სახლი უკრაინითვის მორიგი ფულადი დახმარების შესახებ ინფორმაციას ავრცელებს. ინფორმაციის მიხედვით, უკრაინა აშშ-სგან პირდაპირი საბიუჯეტო დახმარების სახით 500 მილიონ დოლარს მიიღებს. გუშინ, აღნიშნულ საკითხზე ჯო ბაიდენი ვოლოდიმირ ზელენსკის ტელეფონით ესაუბრა. „ლიდერებმა განიხილეს, როგორ მუშაობს აშშ განუწყვეტლივ, რომ უკრაინის მიერ უსაფრთხოების სფეროში მოთხოვნილი ძირითადი დახმარება დააკმაყოფილოს. ასევე, განიხილეს, რა გავლენა იქონია კონფლიქტზე მიწოდებულმა შეიარაღებამ და რა შეიძლება გავაკეთოთ  პარტნიორებთან ერთად, უკრაინელი სამხედროების დასახმარებლად, რომ მათ დაიცვან თავიანთი ქვეყანა“ – ვკითხულობთ განცხადებაში.  

საქართველოს ოკუპირებული ტერიტორიის ე.წ. პრეზიდენტი  აცხადებს, რომ მალე დადგება „ისტორიული დღე“ როცა სამხრეთ ოსეთი რუსეთის შემადგენლობაში იქნება. „ძვირფასო თანამოქალაქეებო! სამხრეთ ოსეთის რესპუბლიკა, რუსეთის ფედერაცია და მთელი მსოფლიო ახლა გარდამტეხ მომენტს განიცდის. რუსული სამყარო დღეს იცავს მათ ინტერესებს, ვინც მისი ერთგულია, ვინც ეწინააღმდეგება ნაციზმს, პატივს სცემს უნივერსალურ ადამიანურ ღირებულებებს და ფუნდამენტურ უფლებებს და ნორმებს, რომლებიც მიღებულია მთელ საერთაშორისო საზოგადოებაში. 2008 წელს  რუსეთმა გადაწყვიტა დაეცვა ოსი ხალხი და ეღიარებინა სამხრეთ ოსეთის რესპუბლიკის დამოუკიდებლობა, რისთვისაც ყოველთვის მადლობელი ვიქნებით რუსეთის ფედერაციის ხელმძღვანელობისა და ხალხის. მადლობა, ძმებო და დებო. ეს იყო ისტორიული გადაწყვეტილება, რომელმაც სამხრეთ…

ახალგაზრდა უკრაინელი ქალი, რომელიც რუსმა ოკუპანტებმა გააუპატიურეს, ამჟამად უსაფრთხოდ იმყოფება, თუმცა, მისი ფსიქოლოგიური მდგომარეობა საკმაოდ მძიმეა. როგორც უკრაინის შს მინისტრის მრჩეველი ანტონ გერაშჩენკო აცხადებს, 33 წლის ქალი იხსენებს, რომ ოკუპანტებმა ჯერ მისი ქმარი მოკლეს, შემდეგ, ქალი იარაღის მუქარით აიძულეს, ტანსაცმელი გაეხადა. მას რუსი სამხედროები რიგრიგობით, რამდენიმე საათის განმავლობაში აუპატიურებდნენ. მსხვერპლი ყვება, რომ მცირეწლოვანი შვილი ამ დროის განმავლობაში სხვა ოთახში იმალებოდა. როდესაც მოძალადეებმა დაიძინეს, დედა შვილთან ერთად სახლიდან ფეხით გაიქცა. მამის გარდაცვალების შესახებ ბავშვმა ამ დრომდე არაფერი იცის.  

რუსეთის საგარეო მინისტრი სერგეი ლავროვი ჩინეთში იმყოფება და ოფიციალურ შეხვედრებს მართავს. ერთ-ერთი საკითხი, რასაც ლავროვი ჩინეთთან განიხილავს ამერიკისა და დასავლეთის სანქციებია და ჩინეთს დახმარებას სთხოვს. კრემლის მიერ გავრცელებული ინფორმაციით, ჩინეთისა და რუსეთის საგარეო საქმეთა მინისტრებმა დაგმეს დასავლეთის სანქციები და მას  უკანონო და კონტრპროდუქტიული უწოდეს. ჩინეთის საგარეო მინისტრი ვან ი ლავროვს ჩინეთის აღმოსავლეთ პროვინცია ანჰოიში შეხვდა. „მინისტრებმა დეტალური გაცვალეს პოზიციები უკრაინის გარშემო შექმნილ სიტუაციასთან დაკავშირებით. რუსეთის საგარეო საქმეთა მინისტრმა ჩინელ კოლეგას მიაწოდა ინფორმაცია სპეციალური სამხედრო ოპერაციის პროგრესზე და კიევის რეჟიმთან მოლაპარაკებების პროცესის დინამიკაზე“, – აცხადებენ რუსეთის საგარეო უწყებაში. უწყების ინფორმაციით, მხარეებმა…

ოკუპანტებმა  ალყაში მოქცეულ ქალაქ-ნავსადგურ მარიუპოლში „წითელი ჯვრის“ შენობას ცეცხლი გაუხსნეს. აღნიშნულ ინფორმაციას უკრაინის ომბუდსმენი, ლუდმილა დენისოვა ავრცელებს. სახალხო დამცველი მსოფლიო თანამეგობრობას მოუწოდებს, შესაბამისი ზომები მიიღოს. „ოკუპანტებმა „წითელი ჯვრის“ საერთაშორისო კომიტეტის შენობა მიზანში ამოიღეს. მტრის თვითმფრინავებმა და არტილერიამ ცეცხლი გაუხსნეს შენობას, რომელზეც თეთრ ფონზე, წითელი ჯვარი იყო გამოსახული, რაც დაჭრილებისა და ჰუმანიტარული ტვირთის არსებობის შესახებ მიუთითებს. ეს რუსეთის არმიის მორიგი ომის დანაშაული. ერთადერთი, ვინც წითელი ჯვრით აღნიშნული შენობები და ავტომობილები დაბომბა, იყო ჰიტლერის ჯარები. მოვუწოდებ, მსოფლიო თანამეგობრობას, დაგმოს, ოკუპანტი ქვეყნის ბარბაროსული ქმედებებს“ – აცხადებს  დენისოვა.  

უკრაინული მედიის ინფორმაციით, ოკუპანტებმა ქალაქ ხერსონში მღვდელი გაიტაცეს. თვითმხილველები ამბობენ, რომ უკრაინის მართლმადიდებლური ეკლესიის მღვდელმსახური, სერგეი ჩუდინოვიჩი ოთხშაბათს, დილის 8:30 საათზე ეკლესიიდან სამმა პირმა უცნობი მიმართულებით წაიყვანა. ადგილზე მყოფ მოქალაქეებს კი საბუთები და მობილურები, კერძოდ კი შეტყობინების გასაგზავნი სოციალური ქსელების პირადი ანგარიშები შეუმოწმეს. თვითმხილველების ინფორმაციით, უცნობმა პირებმა ვინაობა არ გაამხილეს და არც საბუთები წარადგინეს. “უკრაინსკაია პრავდას” განცხადებით, სერგეი ჩუდინოვიჩი ხერსონში მდებარე  ღვთისმშობლის ტაძრის წინამძღვარი და ცნობილი საზოგადო მოღვაწეა.

რუსულ-უკრაინული მოლაპარაკებებისა და კონკრეტული დადებითი პოზიციების გამოხატვის პარალელურად, რუსეთის პრეზიდენტი ისევ იმუქრება. როგორც პუტინი აცხადებს, მარიუპოლის მიმართულებით ცეცხლი მანამ არ შეწყდება, სანამ უკრაინელი ჯარისკაცები არ დანებდებიან. „რთული ჰუმანიტარული სიტუაციის გადასაჭრელად უკრაინელმა ნაციონალისტმა სამხედროებმა უნდა შეწყვიტონ წინააღმდეგობა და დაყარონ იარაღი“, – ასეთია კრემლის გზავნილი.  

ამ წუთებში, უკრაინის პრეზიდენტი ვოლოდიმირ ზელენსკი ნორვეგიის პარლამენტს მიმართავს. პრეზიდენტი ნორვეგიის მთავრობას შეიარაღებით დახმარებას სთხოვს და ჩამონათვალსაც კი უგზავნის, რა სჭირდება მას. „ჩვენ გვჭირდება ხომალდების საწინააღმდეგო სისტემები. ასევე, ჰაერსაწინააღმდეგო და ჯავშნიანი მანქანების საწინააღმდეგო სისტემები, რათა დავიცვათ ჩვენო თავისუფლება და თქვენი თავისუფლება. სანქციები ერთადერთი გზაა რუსეთის შესაჩერებლად, სანქციების პაკეტი ყოველკვირეულად უნდა იზრდებოდეს. მადლობელი ვარ, რომ თქვენ შეუერთდით ევროკავშირის სანქციებს, თუმცა, მინდა, კიდევ ერთი რამ გააკეთოთ. ევროპული კომპანიები არ უნდა ეხმარებოდეს მას, ვინც ათასობით ადამიანი გაანადგურა და გაანადგურა ქალაქები. კომპანიებმა უნდა შეაჩერონ რუსეთის შესაძლებლობები, გაანადგურონ მეზობლები. როგორ შეგიძლიათ მიაწოდოთ მათ საზღვაო აღჭურვილობა, როდესაც ისინი…

„თავისუფლება უნდა იყოს აღჭურვილი უფრო მეტად იარაღით, ვიდრე ტირანია“ – უკრაინის პრეზიდენტი ამ წუთებში ნორვეგიის პარლამენტს მიმართავს. პრეზიდენტი ნორვეგიას მადლობას უხდის დახმარებისთვის და მეტს ითხოვს, განსაკუთრებით კი შეიარაღებას. „რუსეთი ანადგურებს დემოკრატიას, ის ანადგურებს დემოკრატიის საფუძვლებს. ეს აგრესია ჩვენს საზღვრებს სცდება. ევროპის კონტინენტის ბედი ახლა წყდება უკრაინის მიწაზე,  უკრაინის ცასა და უკრაინის ზღვაში. ჩვენს ერთად უნდა დავდგეთ, რომ გავაჩეროთ რუსული აგრესია. მადლობელი ვარ თქვენი, კონკრეტული დახმარებისთვის, როგორც შეიარაღების თვალსაზრისით, ისე სხვა მიმართულებით. ეს არის ბრძოლა თავისუფლებისთვის ტირანიის წინააღდეგ. რუსეთი ახალ ძალებს აგზავნის ჩვენს გასანადგურებლად. უფრო მეტი უნდა გავაკეთოთ ამ ომის შესაჩერებლად.…

“კრემლი დადებითად აფასებს, რომ უკრაინულმა მხარემ დაიწყო თავისი წინადადებების კონკრეტული ფორმულირება” – აცხადებს პუტინის პრესსპიკერი დიმიტრი პესკოვი. პესკოვი ეხმაურება მედიის განცხადებებს, რუსეთის უკრაინიდან გასვლის შესახებ და ამბობს, რომ მოლაპარაკებებით პროფესიონალები არიან დაკავებულები, რუსული მხარის პოზიცია კი ყველასთვის ცნობილია. „არავითარი სტალინგრადი კალენდარში არ გვაქვს და არც უნდა იყოს. მთავარია , ემოციებისგან თავის შეკავება. მოლაპარაკებებით პროფესიონალები არიან დაკავებულები, მათ უნდა ვენდოთ. რუსული მხარის პოზიცია კარგადაა ცნობილი, ის ლოგიკურია, გააჩნია გამჭვირვალე საფუძველი და ეს პოზიცია არ შეცვლილა“ – აღნიშნა პესკოვმა.

კრემლის პრესსპიკერის განცხადებით, ყირიმი არის ის თემა, რომელიც არანაირ მოლაპარაკებას ექვემდებარება და ეს საკითხი დღის წესრიგში არც არასდროს დადგება. „ყირიმი რუსეთის ნაწილია. ეს საკითხი არ განიხილება. გამორიცხულია რუსეთის რომელიმე რეგიონის შემდგომი ბედი ვინმესთან განვიხილოთ“ – განმარტავს პუტინის პრესსპიკერი დიმიტრი პესკოვი. შეგახსენებთ, რომ ერთ-ერთი საკითხი, რომელზეც თურქეთში რუსულ-უკრაინულმა მხარემ იმსჯელა, სწორედ ყირიმი იყო. როგორც უკრაინული დელეგაციის წევრი –  მიხეილო პოდოლიაკი აცხადებს, ყირიმზე შეთანხმება ცალკე უნდა მოხდეს და არა ერთიან კონტექტსში და ამ თემაზე მსჯელობა მაქსიმუმ 15 წლის განმავლობაში უნდა დასრულდეს.

უკრაინული მხარის ინფორმაციით, ოკუპანტები ყველანაირ სისასტიკეზე მიდიან. პრემიერ-მინისტრის მოადგილის ვადიმ დენისენკოს განცხადებით, მტერმა ცხედრებიც კი დანაღმა. ადგლოვრივი ხელისუფლება მოქალაქეებს მოუწოდებს, თავი შეიკავონ გადაადგილებისა და სახლებში დაბრუნებისაგან. „ძალიან ბევრი ნაღმია ყველგან. დანაღმულია ცხედრებიც კი.  ვისაც უნდა ირპენში დაბრუნება, საკუთარ სახლში დარჩეს, თუ ასეთი არსებობს. ნ აქ ვპოულობთ დანაღმულ ცხედრებს. გეტყვით როდის იქნება შესაძლებელი დაბრუნება. რუსეთის უკან დახევაზე საუბარი ნაადრევია”- განაცხადა დენი სენკომ.