,,ვის სურს, საქართველო დასუსტდეს და დაშორდეს ევროპულ ოჯახს? ეს პუტინია”- ევგენ ტომაკი

ევროპარლამენტარი ევგენ ტომაკის განცხადებით, საქართველო იმსახურებს გახდეს კანდიდატი ქვეყანა. მისი თქმით, საქართველო დასუსტება და ევროპულ ოჯახთან დაშორება მხოლოდ პუტინს სურს.

,,ქართველი ხალხი ევროპელი ხალხია. დიახ, ვნახეთ, რომ რაღაც წარუმატებლობები იყო მედიათავისუფლების საკითხებში, მაგრამ ვის სურს, რომ საქართველო დასუსტდეს და დაშორდეს ევროპულ ოჯახს? ვის სურს, რომ არ დაუახლოვდეს საქართველო ევროპას? ეს ბატონი პუტინია, ვისაც ეს ყოველივე სურს. ჩვენი რეაქცია უნდა იყოს მიმართული გაფართოებისკენ, რომ ვიყოთ უფრო მიზანმიმართული ჩვენს პოლიტიკაში საქართველოს მიმართ. ასევე, ქართველმა პოლიტიკოსებმა უნდა გაიგონ, რომ ევროკავშირი არ არის პროექტი, რომელსაც ესადაგება დაბალი სტანდარტები. ევროპულ პროექტებში არის ღირებულებები და სტანდარტები, რომელიც საქართველოს ავალდებულებს, რომ მათ პატივი სცეს და ეს ღირებულებები უნდა განხორციელდეს საქართველოში. საქართველო უნდა გახდეს კანდიდატი ქვეყანა “, – განაცხადა ტომაკიმ.

მსგავსი თემები