თურქეთიდან საქართველოში შემოტანილ კარტოფილში კიბო აღმოაჩინეს. 23 450 კილოგრამი დაავადებული კარტოფილი ექსპორტიორ ქვეყანაში დააბრუნეს.
როგორს შემოსავლების სამსახურში აცხადებენ, კვლევისთვის აღებულ ნიმუშში კარტოფილის კიბოს არსებობა დადასტურდა.
,,ფინანსთა სამინისტროს შემოსავლების სამსახური გაცნობებთ, რომ საბაჟო გამშვები პუნქტი ,,სარფის“ გავლით, თურქეთის რესპუბლიკიდან 23 450 კილოგრამი კარტოფილით დატვირთული ავტოსატრანსპორტო საშუალება შემოვიდა. საბაჟო დეპარტამენტის სანიტარიული, ფიტოსანიტარიული და ვეტერინარული კონტროლის სამმართველოს თანამშრომლების მიერ, ფიტოსანიტარიული პროცედურების განხორციელებისას, კვლევისთვის აღებულ ნიმუშში, კარტოფილის კიბოს (Synchytrium endobioticum) არსებობა დადასტურდა. საქართველოს მთავრობის N463 დადგენილების თანახმად, აღნიშნული საქონელი უკან, ექსპორტიორ ქვეყანაში გაბრუნებას დაექვემდებარა“, – ვკითხულობთ შემოსავლების სამსახურის მიერ გავრცელებულ განცხადებაში.
