საქართველოს მესამე პრეზიდენტი რუსული კანონის ხელახლა დაინიცირებას კიდევ ერთხელ ეხმაურება და პარალელებს ავლებს ყირგიზეთსა და ყაზახეთთან, რომლებმაც ეს კანონი უკვე მიიღეს.
,,ყირგიზეთშიც კანონი მეორე მცდელობით, 2 დღის წინ მიიღეს. შარშან საზოგადოებრივი უკმაყოფილების ფონზე, პრეზიდენტმა ჟაპაროვმა კანონი გაიწვია და წელს ხელახლა შემოიტანა. მანამდე ეს კანონი მიიღო ყაზახეთმა. მოსკოვის მთავარი ამოცანა, რაც პუტინმა პირველივე შეხვედრაზე განმიმარტა, არის პოსტსაბჭოთა სივრცეში დასავლეთის გავლენის ამოძირკვა და ამიტომ ის, რომ ოლიგარქმა მაგიდა ააყირავა და კანონი მეორედ შემოიტანა, საქართველოს წინააღმდეგ დიდი შეთქმულების ნაწილია.
ჩვენ ახლა, როგორც არასდროს, ერთიანობა, მობილიზაცია და შეუპოვრობა გვჭირდება. ჩვენ ეს გამოგვივა!
არ გავატანინებთ და არ ავარევინებთ!”, – ნათქვამია მიხეილ სააკაშვილის განცხადებაში.
