გერმანიაში, ქალაქ რუსტში შოუს მიმდინარეობის დროს, აუზთან დადგმული კონსტრუქციები ჩამოიშალა და წყალში ჩავარდა. შემთხვევა საფრანგეთისა და შვეიცარიის საზღვრებთან, ქალაქ რუსტში, ევროპა-პარკში მოხდა.
დაშავდა ხუთი მსახიობი და ორი მაყურებელი.
შემთხვევას მსხვერპლი არ მოჰყოლია.
პარკის განცხადებით, აუზი დაბზარულია და მასზე დამაგრებული მყვინთავის პლატფორმები, საიდანაც აკრობატები ხტებოდნენ, ორშაბათს ნაშუადღევს შოუს დროს ჩამოინგრა.
