პოლონეთის საგარეო საქმეთა მინისტრის, ზბიგნევ რაუს განცხადებით, რუსეთის მიერ ზაპოროჟიეს ატომურ ელექტროსადგურზე თავდასხმის შემთხვევაში ვარშავის პასუხი იქნება “ადეკვატური”.
“ეს იქნება სრულიად ახალი ვითარება. ამიტომ ჩვენ ადეკვატურად ვუპასუხებთ”, – განაცხადა რაუმ.
მინისტრმა დასძინა, რომ ასეთი დარტყმა ნატოს ტერიტორიის მნიშვნელოვან ნაწილს შეეხება.
,,ამიტომ, ამას შესაბამისი რეაგირება დასჭირდება. და ნუ ელით, რომ ზუსტად გეტყვით, რა იქნება ეს პასუხი”, – ხაზგასმით აღნიშნა მინისტრმა.
შეგახსენებთ, უკრაინის შეიარაღებულმა ძალებმა განაცხადეს, რომ რუსებმა შესაძლოა მალე დაიწყონ მზადება ზაპოროჟიეს ატომურ ელექტროსადგურზე პროვოკაციებისთვის – მათ ასაფეთქებელი ნივთიერებების მსგავსი ობიექტები მოათავსეს ორი ელექტროსადგურის სახურავებზე.