დღე: ივლისი 14, 2022

40-ზე მეტი ქვეყანა ერთობლივ განცხადებას ავრცელებს, რომელიც  უკრაინის მიერ რუსეთის წინააღმდეგ გაეროს საერთაშორისო სასამართლოში შეტანილი სარჩელის მიმართ მხარდაჭერას გამოხატავს. ხელმომწერი ქვეყნები მიესალმებიან უკრაინის ძალისხმევას, უზრუნველყოს საერთაშორისო სამართლის პატივისცემა. მათივე განცხადებით, სასამართლოს შეუძლია შეასრულოს თავისი ფუნდამენტური ფუნქცია დავების მშვიდობიანი გადაწყვეტის ხელშეწყობის კუთხით. ,,ჩვენ კიდევ ერთხელ ვუჭერთ მხარს უკრაინის განცხადებას, რომელიც ახორციელებს სამართალწარმოებას რუსეთის ფედერაციის წინააღმდეგ გაეროს საერთაშორისო სასამართლოში გენოციდის დანაშაულის პრევენციისა და დასჯის შესახებ 1948 წლის კონვენციის შესაბამისად, რომელიც ცდილობს დაადგინოს, რომ რუსეთს არ აქვს კანონიერი საფუძველი უკრაინაში სამხედრო მოქმედებების განსახორციელებლად. გენოციდის დაუსაბუთებელი ბრალდებების საფუძველზე”, – ნათქვამია განცხადებაში. ამასთან, ქვეყნები კიდევ…

მიმდინარე წლის 12 ივლისს აშშ-ის კონგრესში ინიცირებულ იქნა მნიშვნელოვანი საკანონმდებლო აქტი, რომელიც კიდევ ერთხელ ადასტურებს აშშ-ის მზარდ ინტერესსა და მტკიცე მხარდაჭერას რეგიონისა და საქართველოს მიმართ, – აღნიშნულ ინფორმაციას  საქართველოს საგარეო საქმეთა სამინისტრო ავრცელებს. აშშ-ის სენატორებმა ჯინ შაჰინმა (დემოკრატი  – ნიუ ჰემფშირი) და მიტ რომნიმ (რესპუბლიკელი  – იუტა) სენატში წარადგინეს ორპარტიული კანონპროექტი – 2022 წლის შავი ზღვის უსაფრთხოების აქტი, რომელიც აშშ-ის ადმინისტრაციას შავი ზღვის რეგიონთან მიმართებაში სტრატეგიის შემუშავებას ავალებს. „კანონპროექტის მიხედვით, ევროკავშირისა და ნატო-ს აღმოსავლეთ საზღვართან, რუსეთის მიერ 2014 და 2022 წლებში უკრაინაში, ხოლო 2008 წელს საქართველოში სამხედრო შეჭრის შემდგომ, შავი…

კანადის პრემიერ-მინისტრის, ჯასტინ ტრუდოს განცხადებით, „ჩრდილოეთის ნაკადი 1“-ის ტურბინის რუსეთისთვის დაბრუნების გადაწყვეტილება ძალიან რთული იყო. მისი თქმით, კანადა  განაგრძობს უკრაინის მხარდაჭერას. „სანქციები მიმართულია პუტინისა და მისი თანაშემწეების მიმართ და არ არის განკუთვნილი ჩვენი მოკავშირეებისა და მათი მოსახლეობისთვის ზიანის მისაყენებლად“, – განაცხადა ტრუდომ. ცნობისთვის, მილსადენის ტურბინის დაბრუნებასთან დაკავშირებით გამოწვეული პრობლემების გამო, რუსეთმა გასულ კვირას ევროპას გაზის მიწოდება შეუმცირა და მიზეზად ტურბინის არქონა დაასახელა. კანადამ კი გერმანიისთვის „ჩრდილოეთ ნაკადი 1“-ის გაზსადენის შეკეთებული ტურბინის დაბრუნების გადაწყვეტილება მიიღო.  

,,ირლანდია გაფართოების პოლიტიკის მომხრეა და ეს გულისხმობს საქართველოსაც, რომელიც შედარებით პატარა ქვეყანაა, მაგრამ ევროპაში ძალიან სტრატეგიული მდებარეობა უკავია და ამ ქვეყანას სჭირდება ჩვენი დახმარება, მხარდაჭერა და სოლიდარობა,” – ამის შესახებ ირლანდიის საგარეო საქმეთა მინისტრმა, საიმონ კოვენმა ირლანდიის პარლამენტის საგარეო საქმეთა და თავდაცვის გაერთიანებული კომიტეტის სხდომის ფარგლებში გამართული მოსმენის დროს, სენატორ გარი განანის კითხვაზე პასუხად განაცხადა. სენატორმა შეკითხვით მიმართა ირლანდიის საგარეო უწყების ხელმძღვანელს და დაინტერესდა, თუ რა პოზიცია აქვს ირლანდიის მთავრობას საქართველოსთვის ევროკავშირის კანდიდატის ქვეყნის სტატუსის მინიჭებასთან დაკავშირებით. ირლანდიის საგარეო უწყების ხელმძღვანელის თქმით, საქართველოსთან მიმართებით მიღებული გადაწყვეტილება ევროკავშირში არ განიხილება როგორც…

დონეცკის რეგიონალური სამხედრო ადმინისტრაციის უფროსის, პაველ კირილენკოს ინფორმაციით, დონეცკის რეგიონში გასული დღის განმავლობაში რუსული დაბომბვის შედეგად 3 მშვიდობიანი მოქალაქე დაიღუპა, 5 კი დაშავდა. ,,რუსეთი კლავს მშვიდობიან მოსახლეობას! 13 ივლისს რუსებმა დონბასში 3 მშვიდობიანი მოქალაქე მოკლეს: 2 ჩასოვოი იარში და 1 ნიკოლაევკაში. კიდევ 5 ადამიანი დაშავდა”, – განაცხადა კირილენკომ.

,,ჩვენ გვჭირდება უფრო მეტად დისლოცირებადი და თავსებადი ძალები, რომლებიც მზად არიან მოაგვარონ საფრთხეებისა და რისკების სრული სპექტრი. ეს ნიშნავს, რომ ევროკავშირის წევრმა ქვეყნებმა მეტი უნდა დახარჯონ თავდაცვაზე,”- ამის შესახებ საგარეო საქმეთა და უსაფრთხოების პოლიტიკის საკითხებში უმაღლესმა ევროკომისარმა, ჯოზეფ ბორელმა განაცხადა. მისი თქმით, ევროპა ახლა უფრო მეტი იარაღს უნდა იძენდეს. „ის ფაქტი, რომ ევროკავშირის წევრმა ქვეყნებმა განაცხადეს თავდაცვის ხარჯების გაზრდის შესახებ საერთო ჯამში დაახლოებით 200 მილიარდი ევროთი, მისასალმებელია. თუმცა, თუ არ გაიზრდება წილი, რომელიც ერთობლივ შემუშავებასა და შესყიდვაზე იხარჯება, არსებობს რისკი, რომ ამ დამატებითი ინვესტიციების დიდი ნაწილი დაიკარგება“, – განაცხადა ჯოზეფ…

როგორც, ნატო-ს გენერალურმა მდივანმა იენს სტოლტენბერგმა ევროპარლამენტარებთან შეხვედრაზე განაცხადა, რომ  საქართველოზე მთავარი ფოკუსი კვლავ რეფორმებზეა, რათა დაეხმარონ მათ ნატო-ს წევრობისკენ სვლაში. მისივე თქმით,  ახალ წევრთან დაკავშირებით ნებისმიერი გადაწყვეტილება მოითხოვს ნატო-ს ყველა წევრის თანხმობას. ,,არის სამი ქვეყანა, რომელიც ნატო-ს წევრობისკენ ისწრაფვის, ესაა უკრაინა, საქართველო და ბოსნია-ჰერცოგოვინა. საქართველოზე მთავარი ფოკუსი კვლავ რეფორმებზეა, რათა დავეხმაროთ ნატო-ს წევრობისკენ სვლაში. ჩვენს შესახებ იცით, რომ ნებისმიერი გადაწყვეტილება ახალ წევრთან დაკავშირებით მოითხოვს ერთიან მხარდაჭერას. ყველა წევრის თანხმობაა საჭირო და ჩვენ არ გვაქვს შეთანხმება ნატო-ში, რომ ახლა გადავდგათ მომდევნო ნაბიჯი და გვქონდეს სამოქმედო გეგმა. ფოკუსირება განახორციელეთ რეფორმებზე და…

რუსეთმა, უკრაინამ, თურქეთმა და გაერომ უკრანული მარცვლეულის ექსპორტთან დაკავშირებით შეთანხმებას მიაღწია. შეთანხმება მილიონობით ტონა უკრაინულ მარცვლეულს ეხება, რომელიც რუსეთის გამო შავი ზღვის ნავსადგურებშია ჩარჩენილი და რუსეთი გატანის უფლებას არ იძლევა. როგორც თურქეთის თავდაცვის მინისტრმა განაცხადა, ოთხმხრივ შეხვედრაზე შეთანხმდნენ, რომ მოლაპარაკებების შედეგად, მარშრუტების უსაფრთხოების უზრუნველსაყოფად, საკოორდინაციო ცენტრის შექმნაზე შეთანხმება მოხდა. ნავსადგურის კონტროლში კი ოთხივე მხარე მიიღებს მონაწილეობას. შეგახსენებთ, რომ მსოფლიოში რუსეთი და უკრაინა ხორბლის ერთ-ერთი მსხვილი იმპორტიორია. უკრაინაში ომის გამო კი მსოფლიოში მარცვლეულზე დეფიციტი შეიქმნა და შიმშილის საფრთხეც კი დადგა.