დღე: ივლისი 25, 2022

ირაკლი კობახიძის მხრიდან ჟურნალისტის შეურაცხყოფას საქართველოს პრეზიდენტი გამოეხმაურა. როგორ სალომე ზურაბიშვილი აცხადებს, ეს უკადრისი საქციელია. „კატეგორიულად ვგმობ ბატონი ირაკლი კობახიძის უკადრის საქციელს. ასეთი გამოსვლა არ ეკადრება ამ ქვეყანას, არ ეკადრება ჩვენს კულტურას, არ ეკადრება ჩვენს ტრადიციებს, არ ეკადრება ჩვენს ზრდილობას. “ათასად კაცი დაფასდა, ათიათასად – ზრდილობა!” ეს მხოლოდ და მხოლოდ პოლიტიკურ სისუსტეს ამჟღავნებს!“,- წერს სალომე ზურაბიშვილი. ,,შენ ხარ არახამია, როგორც ის არ არის კაცი, ასევე, შენ არ ხარ ქალი – რომ ლაპარაკობ, პირი მოიწმინდე”- ირაკლი კობახიძე ჟურნალისტს

,,ქართული ოცნების” აღმასრულებელი მდივანი, მამუკა მდინარაძე  ევროკომისიის დადგენილ 12 პუნქტთან დაკავშირებით, ოპოზიციის მიერ ალტერნატიული სამუშაო ჯგუფების შექმნას ეხმიანება.  მდინარაძის შეფასებით, მსგავსი ქმედებებით, ოპოზიცია ევროკავშირის რეკომენდაციებს საბოტაჟს უწყობს. ,,ტექნიკური პარლამენტის შექმნა უბრალოდ ხერხია, სამუშაო ჯგუფების შექმნაზე პასუხისმგებელია საქართველოს პარლამენტი, მაშინ ვიაროთ ასე ჯგუფ-ჯგუფად და ვიმუშაოთ, ეს არის აბსოლუტური უმეცრება და უპასუხისმგებლობა გამომდინარე იქიდან, რომ პარალელური ჯგუფები არაფერს აკეთებენ, ეს არის სუსტი, პიარული სვლა ევროკავშირის რეკომენდაციების საბოტაჟისთვის”,- განაცხადა მამუკა მდინარაძემ. შეგახსნებთ,  ოპოზიციამ ევროკომისიის 12 პუნქტთან დაკავშირებით სამუშაო შეხვედრები დღეს დაიწყო.

„ქართული ოცნების“ თავმჯდომარე ირაკლი კობახიძე ეხმაურება სამუშაო შეხვედრებს, რომლებიც ოპოზიციამ ევროკომისიის მიერ დადგენილ 12 პუნქტთან დაკავშირებით დღეიდან დაიწყო. კობახიძის შეფასებით, ოპოზიციას არ სურს, ქვეყანამ მიიღოს კანდიდატის სტატუსი და აჩვენებენ, რომ  საბოტაჟისკენ არიან მიმართულნი. ,,ძალიან მარტივად ჩანს, მათ აქვთ ერთადერთი მიზანი, რომ საქართველომ არ მიიღოს კანდიდატის სტატუსი. ეს არის ერთადერთი ამოცანა, სწორედ ამის გამო ისინი აანონსებენ ისეთ ნაბიჯებს, რომელიც არის მიმართული პირველი პუნქტის დარღვევისკენ, ანუ პოლარიზაციისკენ, და ასევე ისინი არ არიან ჩართული დანარჩენი 11 პუნქტის შესრულებაში. ეს ყველაფერი, კიდევ ერთხელ, აჩვენებს იმას, რომ მათ არ სურთ ქვეყანამ მიიღოს კანდიდატის სტატუსი. ამიტომ…

,,ქართული ოცნების“ თავმჯდომარე ირაკლი კობახიძემ,  უკრაინის რადას ფრაქცია „ხალხის მსახურის“ ლიდერის დავით არახამიას გუშინდელ განცხადებასთან დაკავშირებით დასმულ შეკითხვაზე, ,,მთავარი არხის” ჟურნალისტს ასე უპასუხა: „კაგებეშნიკი არის მამათქვენი, ეს შემიძლია გითხრათ..სირცხვილია, სახე დაკარგეთ..ნუ კანკალებ, სახე დაკარგე. შენც ხარ დავით არახამია, როგორც არახამია არ არის კაცი, ისე შენც არ ხარ ქალი. სახე დაკარგე, თავი დაკარგე პოლიტიკა ამად გიღირს? სირცხვილია…. “ნაცმოძრაობის” გულისთვის სახე დაკარგე. ქალი აღარ ხარ რა.. ქალის სახე დაკარგე… რომ ლაპარაკობ, პირი მოიწმინდე.. სააკაშვილივით გაქვს პირი, დაემსგავსე ყველაფრით შენს ბელადს. სააკაშვილს ჰგავხარ პირითაც…სამარცხვინო შენ….“,- მიმართა კობახიძემ ჟურნალისტს.

,,ქართული ოცნების“ თავმჯდომარე ირაკლი კობახიძე უკრაინის რადაში პარტია „ხალხის მსახურის“ ფრაქციის ლიდერის, დავით არახამიას განცხადებას ეხმიანება. კობახიძის თქმით, სანქციებს არახამიას უკრაინელი ხალხი დაუწესებს, რადგან მისი შეფასებით, „ხალხის მსახურის“ ლიდერი ძალიან ბევრ რამეზე არის პასუხისმგებელი. „ყველამ კარგად იცის, ეს კაცი ვინ არის. რაც შეეხება სანქციებს, ერთადერთი, ვის მიმართაც მემგონი ამოქმედდება სანქციები, ეს არის თვითონ არახამია და მას სანქციას გამოუტანს უკრაინელი ხალხი იმ ყველაფრის გამო, რაც მან მოუტანა უკრაინას. არახამია არის ძალიან ბევრ რამეზე პასუხისმგებელი და ამას ყველაფერს შეაფსებს პირველ რიგში უკრაინელი ხალხი. არახამია არ არის კაცი და მის განცხადებებზე კომენტარის გაკეთებას…

სახელმწიფო უსაფრთხოების სამსახურის ყოფილი მაღალჩინოსნის, სოსო გოგაშვილის ადვოკატის განცხადებით, გოგაშვილი უახლოეს პერიოდში  სხვადასხვა საკითხებზე ისაუბრებს და შესაბამის მტკიცებულებებსაც გამოაქვეყნებს. ,,დღეს არაფერი არ იგეგმება ახალი, მაგრამ იგი აანონსებს, რომ უახლოეს პერიოდში ასევე სხვადასხვა საკითხებზე ისაუბრებს და შესაბამის მტკიცებულებებსაც გამოაქვეყნებს. ამბობს, რომ ეს მოხდება ძალიან მალე… განგვიცხადეს ამ საქმის გამომძიებლებმა, რომ მათ სურთ, რომ მთლიანად გაასაიდუმლონ საქმის მასალები. შესაბამისად, ადვოკატებსაც შეგვეზღუდება, ვისაუბროთ ამ საქმის ირგვლივ დეტალებზე,” – განაცხადა გოგაშვილის ადვოკატმა.

მიხეილ სააკაშვილს დღეს ახალი კვლევა ჩაუტარეს. სააკაშვილის დედის, გიული ალასანიას განცხადებით, ოჯახმა მიმართა ამერიკულ ფირმა “აკერმანს”, იურისტები და სამედიცინო ექსპერტების გამოგზავნის მიზნით. გიული ალასანია უცხოელი ექსპერტებისთვის ლიცენზიის დროულ აღიარებას ითხოვს. ,,საკმაოდ სუსტად იყო, ძლივს მოძრაობდა. ერჩია, რომ წოლილიყო და დაწოლილი დავტოვე. დღეს გაუკეთეს და ჯერჯერობით არ ვიცი პასუხი. წონაში იკლებს, დრო გადის და გაუმჯობესებას მე ვერ ვხედავ. როგორც გამოირკვა საჭიროა, აქაური ლიცენზია ჰქონდეთ ექიმებს. ზოგიერთ შემთხვევაში ეს ხდება 1 საათში, ზოგიერთ შემთხვევაში შეიძლება, წლები დასჭირდეს. არ ვიცი, მაგრამ მე ძალიან მეჩქარება”,- განაცხადა გიული ალასანიამ.

,,ნაციონალური მოძრაობის“ წევრი, ხატია დეკანოიძე   უკრაინის რადაში პარტია „ხალხის მსახურის“ ფრაქციის ლიდერის, დავით არახამიას განცხადებას ეხმიანება. დეპუტატი ეთანხმება არახამიას და აღნიშნავს, რომ საქართველო ცივილიზებული სამყაროს გვერდით არ დგას. „ძალიან მნიშვნელოვანია, გვესმოდეს, თუ რა პოზიცია დაიკავა საქართველოს ხელისუფლებამ. მას სრულიად ვეთანხმები – დიახ, იანუკოვიჩები მიდიან და თუ მშვიდობიან გადაბარებით არ მიდიან, მას ხალხი რევოლუციის გზით აგდებს. მთავარია, გვესმოდეს უკრაინაში მიმდინარე ომში საქართველოს ხელისუფლება ვის მხარეს დადგა. სამწუხაროდ, საქართველო ცივილიზებული სამყაროს გვერდით არ დგას“,- განაცხადა ხატია დეკანოიძემ. ოპოზიციონერი დეპუტატის თქმით, ნებისმიერი განცხადება, რომელსაც უკრაინის ოფიციალური წარმომადგენლები აკეთებენ, უნდა განვიხილოთ იმ კონტექსტში, რას…

პარლამენტის ვიცე-სპიკერი ლევან იოსელიანი უკრაინის პრეზიდენტის გარემოცვის უახლოესი წევრის, ქართველი წარმომავლობის დავით არახამიას განცხადებებთან დაკავშირებით პოზიციას აფიქსირებს. როგორც დეპუტატი განმარტავს, მას საუბარს ვერავინ აუკრძალავს, თუმცა, რასაც ამბობს, სწორი არ არის. „მიუხედავად იმისა, რომ არახამიას ქართული გვარი აქვს, საქართველოს მოქალაქე არ არის, ამიტომ საქართველოს შიდა პოლიტიკურ საკითხებში სხვა ქვეყნის მოქალაქის ჩარევა სწორი არ არის. შეიძლება, მას თავისი მოსაზრება ჰქონდეს, მაგრამ ასეთი ფორმით სხვა ქვეყნის პოლიტიკაში ჩარევა სცდება იმ ურთიერთობებს, რაც უკრაინასა და საქართველოს შორის წლების განმავლობაში არსებობდა. რაც ნამდვილად ვიცი, არის ის, რომ ასეთი სახის ჩარევა შიდა პოლიტიკაში და ყველას კრიტიკა, ვინც მათ…

,,გირჩის“ წევრი ალექსანდრე რაქვიაშვილი  უკრაინის რადაში პარტია „ხალხის მსახურის“ ფრაქციის ლიდერის, დავით არახამიას განცხადებას ეხმიანება. რაქვიაშვილის შეფასებით, არახამიას განცხადება  რევოლუციასთან დაკავშირებით არასერიოზულია. „რაც შეეხება მის განცხადებას მშვიდობიან რევოლუციაზე, თუ არახამიას თავისი თავი ჩე გევარა ჰგონია და შეუძლია, ქვეყანაში ჩამოვიდეს, რაღაც რევოლუცია მოაწყოს, არ მგონია, ეს ასე იყოს. რევოლუციები ასე არ ტარდება. მთავრობა ქმნის გარემოს, სადაც რევოლუცია შესაძლებელია და ვინც არ უნდა იყოს ლიდერი, რევოლუცია შეიძლება, მოხდეს. არ მგონია, ეს სერიოზულად იყოს ნათქვამი. საერთოდ, ჩემი აზრით, ჩე გევარა ცუდი ადამიანი იყო, მიუხედავად იმისა, რომ რევოლუცია ადამიანის უფლებაა და თუ რეჟიმი ცუდად…

,,სტრატეგია აღმაშენებლის“ ლიდერის, გიორგი ვაშაძის განცხადებით, ოპოზიციური პარტიები, სამოქალაქო სექტორი და საერთაშორისო ექსპერტები იწყებენ პროცესს, რომელიც ზეინკლუზიურია. მისივე თქმით, ბევრი კანონის დამუშავება უნდა მოხდეს სექტემბრამდე, რათა დადგინდეს  12-ვე პუნქტთან მიმართებით რა არის გასაკეთებელი. „დღეს ძალიან მნიშვნელოვან პროცესს ვიწყებთ, რომელიც ზეინკლუზიურია. სრულ თანხვედრაში ვართ ოპოზიციური პარტიები, სამოქალაქო სექტორი და საერთაშორისო ექსპერტები, რომელთან ერთადაც დღეს სამი სამუშაო ჯგუფის შეხვედრა გვექნება. რაც შეეხება სად გადაიკვეთება კანონპროექტები, რომელსაც ჩვენ დავწერთ და რომელსაც „ქართული ოცნება“ დაწერს, ეს ყველაფერი გადაიკვეთება კომიტეტებზე და სესიებზე. ძალიან მწყობრი და სწორი სტრატეგია გვაქვს. მესმის, შესაძლოა, ზოგიერთისთვის რთულად აღსაქმელია, რას ვაკეთებთ, მაგრამ…

პარლამენტის საგარეო ურთიერთობათა კომიტეტის თავმჯდომარის, ნიკოლოზ სამხარაძის განცხადებით, უკრაინულ კანონის მიხედვით, ბიძინა ივანიშვილი ვერანაირად ვერ ჯდება ოლიგარქის განმარტებაში, თუმცა ჯდებიან სხვა ადამიანები, რომლებიც ოპოზიციას წარმოადგენენ. სამხარაძის თქმით, ყველასთვის ნათელია, ვინ ახდენს გავლენას ოპოზიციურ მედიებზე, ვის აქვს საკუთარი პარტიები. „ჩვენი მხრიდან დეოლიგარქიზაციასთან დაკავშირებით განცხადება გაკეთებული იყო უკრაინულ კანონზე დაყრდნობით. თუ უკრაინულ კანონს შევხედავთ, რა თქმა უნდა, ბიძინა ივანიშვილი ვერანაირად ვერ ჯდება ოლიგარქის განმარტებაში, თუმცა ჯდებიან სხვა ადამიანები, რომლებიც ოპოზიციას წარმოადგენენ. ჩემი პირადი პოზიციაა, რომ ვისურვებდი, ასეთი სახის კანონი საქართველოში გვქონდეს და ამ კანონით იმ ოლიგარქებსა და მდიდარ ადამიანებს შეეზღუდოთ პოლიტიკასა და მედიაზე გავლენების არსებობა,…

2022 წლის 25 ივლისს, საქართველოს საგარეო უწყებაში გაიმართა საგარეო საქმეთა მინისტრის ილია დარჩიაშვილისა და  გაერო-ს გენერალური ასამბლეის 76-ე სესიის პრეზიდენტის, აბდულა შაჰიდის შეხვედრა, რომელიც საქართველოს პირველი ოფიციალური ვიზიტით ეწვია. როგორც ილია დარჩიაშვილმა შეხვედრის შემდგომ განაცხადა, აღნიშნული ვიზიტი გაერთიანებული ერების ორგანიზაციასთან მჭიდრო თანამშრომლობისა და ორგანიზაციის მუშაობაში საქართველოს აქტიური ჩართულობის ნათელი დადასტურებაა. შეხვედრაზე სხვა საკითხებთან ერთად ყურადღება გამახვილდა საქართველოს ოკუპირებულ რეგიონებში გართულებულ უსაფრთხოების, ადამიანის უფლებებისა და ჰუმანიტარულ მდგომარეობაზე და რუსეთის მიერ აღებული საერთაშორისო ვალდებულებების შესრულების აუცილებლობაზე. საგარეო საქმეთა მინისტრმა მადლობა გადაუხადა გენერალური ასამბლეის პრეზიდენტს საქართველოს სუვერენიტეტისა და ტერიტორიული მთლიანობის მტკიცე მხარდაჭერისთვის. შეხვედრაზე…

პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძე, უკრაინის რადაში პარტია „ხალხის მსახურის“ ფრაქციის ლიდერის, დავით არახამიას განცხადებას ეხმიანება. სამხარაძის თქმით, დავით არახამიას ინტერესი აქვს, დააზიანოს ქართული ხელისუფლება და სახელმწიფო. ,,უკრაინის ხელისუფლებაში არიან გარკვეული ადამიანები, ვინც საქართველოს იმიჯს მიზანმიმართულად აზიანებენ. ვიდრე ჩვენ სანქციები შეგვეხება, მანამდე არახამიას არაფერი ეტკინოს. დავით არახამიას ინტერესი აქვს, დააზიანოს ქართული ხელისუფლება და სახელმწიფო, მაგრამ ეს ინტერესი ვისგან მოდის, არ ვიცი და შეიძლება, ბევრი სპეკულაცია იყოს – ეს არის „ნაციონალური მოძრაობისგან“, რუსეთისგან თუ სხვა დაინტერესებული ძალებისგან. ამის განხილვაში ვერ შევალ, თუმცა ფაქტია, რომ კვირა არ გავა ისე, ამ…