დღე: მაისი 12, 2020

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, შეზღუდვების მოხსნისა და შემსუბუქების პერიოდში მოქალაქეებმა თავიანთი ქცევა თავად უნდა გააკონტროლონ, რათა ქვეყანაში მიღწეული შედეგი შენარჩუნდეს. „რეგულაციების შესუსტება-შენელება, შემცირება, შეზღუდვების თანდათანობით მოხსნა არ ნიშნავს ჩვენი ქვეყნის მოქალაქეების თავისუფალ ქცევას. მეტ-ნაკლებად ქართველებმა, თავიანთი განსხვავებული ხასიათის მიუხედავად, მაინც ძალიან კარგად გადალახეს ეს პერიოდი და შეზღუდვებს დაემორჩილნენ, როგორც მოქალაქეები, ისე დანარჩენებიც. აქედან გამომდინარე, ვნახეთ, რომ შედეგებიც ძალიან კარგი გვაქვს. აქედან გამომდინარე, მივმართავ მოსახლეობას, ყველას, რომ ამ ღონისძიებების მოხსნასთან ერთად, თვითონ უნდა გადაწყვიტოს, რომ აუცილებლად გააგრძელოს ის მაქსიმალური თვითშეზღუდვა. არ არის აუცილებელი, ვიღაცამ შეგზღუდოს. როცა შენ…

ინფექციური საავადმყოფოს კლინიკური დირექტორის, მარინა ეზუგბაიას ინფორმაციით ახალი გამოვლენილი შემთხვევა საკარანტინე სივრცეს უკავშირდება. მარინა ეზუგბაია დაავადების კლების დადებით დინამიკაზე საუბრობს. „გუშინ გვყავდა 630 დადასტურებული პაციენტი და შემოგვემატა მხოლოდ ერთი. გამოჯანმრთელებული გვყავს 349 პაციენტი და დღეს პირველად შეგვიძლია ვთქვათ, რომ გამოჯანმრთელებულმა გაუსწრო დადასტურებულს. სულ 279 მკურნალობს, 379 გამოჯანმრთელებულია. ახალი შემთხვევა ერთი პაციენტია, რომლის ოთხი კონტაქტი მოძიებულია და პისიერ კვლევა განმეორებას საჭიროებს, თუ მცა უმეტეს შემთხვევაში, როდესაც განმეორებას ითხოვს ტესტი, უარყოფითია. ახალი ინფიცირებულის წყარო ჯერ – ჯერობით დგინდება, ეს ადამიანი არის საკარანტინე სივრციდანაა,“ – განაცხადა ეზუგბაიამ.

საქართველოში კორონავირუსის ერთი ახალი შემთხვევა გამოვლინდა. ამის შესახებ ინფორმაცია მთავრობის სპეციალურ ვებგვერდზე, stopcov.ge-ზე ცოტა ხნის წინ განახლდა. ვებგვერდის ინფორმაციით, ამ დროისთვის საქართველოში კორონავირუსის 639 შემთხვევაა დადასტურებული. გამოჯანმრთელდა კიდევ 32 პაციენტი – სულ გამოჯანმრთელებულთა რაოდენობა 349-ს შეადგენს. ამასთან, უცხოეთიდან სამკურნალოდ გადმოყვანილია საქართველოს სამი მოქალაქე. ახალი კორონავირუსის შედეგად, ქვეყანაში 11 პაციენტი გარდაიცვალა. კარანტინის რეჟიმში 4769 მოქალაქე იმყოფება, ხოლო სტაციონარში მეთვალყურეობის ქვეშ – 414.