დღე: მაისი 8, 2020

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, საქართველოში გამოვლენილი კორონავირუსის რვა ახალი დადასტურებული შემთხვევის ინფიცირების წყაროები ცნობილია. „რვა ახალი დადასტურებული შემთხვევიდან აბსოლუტურას ყველას წყარო ცნობილია. არსებული წყაროდან არის. უბრალოდ ოთხი კარანტინის სივრციდან არის. დანარჩენი კონტაქტები არიან“,- დასძინა ეზუგბაიამ. მისივე თქმით, ამ დროისთვის კოვიდ-ცენტრებში 323 პაციენტი მკურნალობს. „გუშინ დილას, ამ დროისთვის, როგორც იცით, 615 დადასტურებული შემთხვევა იყო ქვეყანაში. დაგვემატა რვა ახალი დადასტურებული შემთხვევა და გვაქვს 623. გამოჯანმრთელებულები გუშინ იყო 275, დაგვემატა 13 და გვყავს 288. თუ ამ მონაცემებს ერთმანეთთან შევაჯერებთ და გამოვიანგარიშებთ, ამ ეტაპზე საქართველოში კოვიდცენტრებში 323 პაციენტი მკურნალობს“,- განაცხადა…

თბილისის ინფექციურ საავადმყოფოში ამ დროისთვის კორონავირუსით ინფიცირებული 44 პაციენტი მკურნალობს. სამედიცინო დირექტორის, მარინა ეზუგბაიას განცხადებით, ახალი შემთხვევა არ დამატებიათ. მისივე თქმით, პაციენტების ზოგადი მდგომარეობა უცვლელია. ეზუგბაიას განცხადებით, ინფექციურ საავადმყოფოში ერთი პაციენტის მდგომარეობა კვლავ კრიტიკულია, თუმცა გუშინ პირველად, დაავადების პროგრესირება არ შეიმჩნეოდა. “კვლავ ერთი მძიმე პნევმონიით გვყავს პაციენტი, რომლის მდგომარეობაც უკვე გაუმჯობესებულია და ალბათ ისიც გადაინაცვლებს საშუალო სიმძიმის პაციენტთა რიცხვში. დანარჩენი პაციენტები გვყავს საშუალო და მსუბუქი“, – განაცხადა მარინა ეზუგბაიამ. ამასთან, მარინა ეზუგბაია ამბობს, რომ ინფექციურ საავადმყოფოში ამ დროისთვის ექვსი მოზარდი რჩება. „მოზარდები გვყავდა თერთმეტი, დატოვა უკვე დაახლოებით ოთხმა, თუ ხუთმა პაციენტმა…

საქართველოში კორონავირუსით ინფიცირების შემთხვევათა რაოდენობა 8-ით გაიზარდა და 623 გახდა. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული. ამასთან, 13-ით გაიზარდა გამოჯანმრთელებულთა რაოდენობა და 288 გახდა. კარანტინის რეჟიმშია 4723 ადამიანი, ხოლო სტაციონარში მეთვალყურეობის ქვეშ – 446 პირი. ინფორმაციისთვის, საქართველოში კორონავირუსით 9 ადამიანი გარდაიცვალა. ამასთან, უცხოეთიდან სამკურნალოდ გადმოყვანილია საქართველოს 3 მოქალაქე.

ვახტანგ ბოჭორიშვილის სახელობის კლინიკის სამეთვალყურეო საბჭოს თავმჯდომარის, მაკა სოლოღაშვილის განცხადებით, კლინიკაში ამ დროისთვის კორონავირუსით ინფიცირებული 66 პაციენტი მკურნალობს მისივე თქმით, გამოჯანმრთელდა კიდევ ორი პაციენტი. საუბარია 18 წლამდე მოზარდსა და 88 წლის ქალზე. „გვაქვს გამოჯანმრთელება ერთი 18 წლამდე მოზარდის და 88 წლის ქალბატონის. ათი პაციენტის მდგომარეობა საყურადღებოა“, – განაცხადა მაკა სოლოღაშვილმა.