დღე: აპრილი 25, 2020

ინფექციური საავადმყოფოს დირექტორი თენგიზ ცერცვაძე აცხადებს, რომ კირონავირუსის შემთხვევების მატება იქნება და პიკი საქართველოში თვის ბოლოსთვისაა მოსალოდნელი. „თუმცა, პირადად მე არ მგონია, რომ ეს ასე იოლად მოხერხდება. მაინც ვფიქრობ, რომ ჯერ იქნება მატება, სადღაც თვის ბოლოს მივაღწევთ პიკს, შემდეგ იქნება პლატო, და შემდეგ შეიძლება, წავიდეს ვთქვათ დაღმავალი გზით. ჩემი პოზიცია ასეთია, რომ ჩვენ მოგვიწევს ვირუსთან, ამ „კოვიდთან“ თანაცხოვრება, ე.წ. კოჰაბიტაცია“, – განაცხადა თენგიზ ცერცვაძემ.

პირველი საუნივერსიტეტო კლინიკის დირექტორის, ლევან რატიანის განცხადებით, პრეპარატ “პლაქველინის” გამოყენების სქემა ამართლებს, მაგრამ მისი განმარტებით, თუ დადგა მისი პროტოკოლიდან ამოღების საჭიროება, ამას აუცილებლად გააკეთებენ. “საბედნიეროდ FDA-ს პრეპარატი ნუსხიდან არ ამოუღია. დღეს უკვე 9 პაციენტი გაეწერა კლინიკიდან გამოჯანმრთელებული, ლეტალობის ინდექსი ძალიან დაბალი გვაქვს – ეს მიუთითებს იმაზე, რომ ამ პრეპარატის გამოყენების სქემა ამართლებს. ხვალ თუ დაიდო შედეგი, რომ უნდა ამოვიღოთ პლაქველინი პროტოკოლიდან, აუცილებლად ამოვიღებთ. ჩვენ მას კრიტიკულ პაციენტებში ვიყენებთ. ამ ეტაპამდე ჩვენს კლინიკაში “პლაქველინისგან” გართულებული შემთხვევა არ დაფიქსირებულა,”- განაცხადა პირველი საუნივერსიტეტო კლინიკის დირექტორმა, ლევან რატიანმა. 

დღეს პირველ საუნივერისტეტო კლინიკაში, ლევან რატიანის ინიციატივით, COVID-19-ის წინააღმდეგ მებრძოლი ექიმები შეიკრიბნენ.  დისკუსიის დასრულების შემდეგ, ლევან რატიანმა აღნიშნა, რომ ამ შეკრებით მათ საზოგადოებას ანახეს, რომ ექიმები მუდმივად ქვეყნისა და პაციენტების სამსახურში არიან.  “ექიმები ინტერნეტ სივრციდან სამუშაო სივრცეში გადმოვედით, ეს იმიტომ, რომ ჩვენ ადამიანებს ერთიანი სქემით ვუმკურნალოთ. დღევანდელი შეკრება იყო ჩემი ინიციატივა. ქვეყნის ექიმები ერთად ვართ, ჩვენ ერთი ოჯახი ვართ და თქვენს სამსახურში გვიგულეთ, სანამ ეს ჩვენს ქვეყანას დასჭირდება,”- განაცხადა ლევან რატიანმა. 

საქართველოში ახალი კორონავირუსისგან კიდევ შვიდი პაციენტი გამოჯანმრთელდა. ჯამში, ქვეყანაში კოვიდ-19 139-მა ადამიანმა დაამარცხა. ამ დროისთვის საქართველოში კორონავირუსის 456 შემთხვევა არის დადასტურებული. გარდაცვლილია 5 პაციენტი. ამასთან, კარანტინის რეჟიმში 5206 მოქალაქე იმყოფება, ხოლო სტაციონარში მეთვალყურეობის ქვეშ – 571.

ბელარუსის პრეზიდენტ ალექსანდრ ლუკაშენკოს განცხადებით, ახალი კორონავირუსის პანდემია ღვთის სასჯელია, რომელიც მან კაცობრიობას მოუვლინა, რადგან ადამიანები არასათანადო ცხოვრების წესს მისდევდნენ და ეკოლოგიას არ უფრთხილდებოდნენ. „მე ერთხელ ვთქვი, რომ ღმერთმა დაინახა, რა დაუდევრად ვექცევით ეკოლოგიას. დაინახა, რომ ჩვენი ცხოვრების წესი საერთოდ არ შეესაბამება იმ კრიტერიუმებს, რაც უნდა იყოს დაცული. ამის გამო თავში ჩაგვარტყა“, – განაცხადა ლუკაშენკომ. ბელარუსში ახალი კორონავირუსით ინფიცირებულია 9 590 ადამიანი, გარდაიცავალა 67 პაციენტი.

შსს-ს ინფორმაციით, ბოლო 24 საათის განმავლობაში, სამართალდამცველების მიერ განხორციელებული მონიტორინგის შედეგად, მთელი ქვეყნის მასშტაბით, საგანგებო მდგომარეობის რეჟიმის და ე.წ. კომენდანტის საათის შეზღუდვების დარღვევის 85 ახალი ფაქტი გამოვლინდა. პოლიციამ, 24 აპრილის 21 საათიდან 25 აპრილის დილის 6 საათამდე, ე.წ. კომენდანტის საათის დარღვევის ფაქტზე, მთელი ქვეყნის მასშტაბით 65 მოქალაქე დააჯარიმა. სამართალდამცველებმა მგზავრთა გადაყვანისა და ავტომობილით გადაადგილების წესის დარღვევის ფაქტზე კიდევ 20 პირი დააჯარიმეს. შინაგან საქმეთა სამინისტრო კვლავ მოუწოდებს მოქალაქეებს, დაიცვან საგანგებო მდგომარეობის ფარგლებში დაწესებული შეზღუდვები. საგანგებო მდგომარეობის რეჟიმის დარღვევა იწვევს ადმინისტრაციულ პასუხისმგებლობას – ფიზიკური პირის დაჯარიმებას 3 000 ლარით, ხოლო იურიდიული პირის…

„იძულებული გავხდით, მუშევანი, ხატისოფელი და ვანათი ჩაგვეკეტა. იქ არის პოლიციური დანაყოფები, რომლებიც აკონტროლებენ მოსახლეობის გადაადგილებას შესვლას და გამოსვლას, ეს არის იძულებითი ღონისძიება”, – ამის შესახებ ქვემო ქართლის გუბერნატორმა შოთა რეხვიაშვილმა განაცხადა. “მუშევანში ოჯახური კლასტერია დაინფიცირებული, ისევე როგორც ხატისოფელში. ჩვენ მაქსიმალურად გვინდა მოვუწოდოთ ადამიანებს, რომ შეგნებულად მიუდგნენ ამ გამოწვევას და მაქსიმალურად შეზღუდონ კომუნიკაცია და დარჩნენ სახლში“, – განაცხადა რეხვიაშვილმა. მისივე თქმით, ბოლნისის მუნიციპალიტეტში ეპიდემიოლოგები არიან გაძლიერებეული ჯგუფებით წარმოდგენილი და მაქსიმალურად შემჭიდროვებულ ვადაში ძალიან ბევრი საკვლევი მასალა აიღეს. „მაქსიმალურად შევეცდებით გამოვრიცხოთ რისკები, მოვიცვათ მჭიდრო კონტაქტები და გავარკვიოთ რეალურად მდგომარეობის სიმძიმე, თუმცა მართვადია პროცესი. კიდევ ერთხელ ვამბობ…

თბილისის ინფექციური საავადმყოფოს სამედიცინო დირექტორის მარინა ეზუგბაიას განცხადებით, გუშინ მთელი ქვეყნის მასშტაბით კორონავირუსზე დიდი რაოდენობით კვლევა ჩატარდა. მისივე თქმით, გუშინ დილიდან დღემდე 25 დადასტურებული შემთხვევა დაემატა და გახდა 456 დადასტურებული შემთხვევა. „გამოჯანმრთელებულების რაოდენობაც დიდია, ჯამში 18 ადამიანი გამოჯანმრთელდა და ამ ეტაპზე 132 გამოჯანმრთელებული გვყავს. ამ ეტაპზე 323 პაციენტი მკურნალობს კლინიკაში. გუშინდელი დღე იყო ისეთი, როდესაც მთელი ქვეყნის მასშტაბით ძალიან დიდი რაოდენობით კვლევა ჩატარდა. ეს იყო აგრესიული კვლევის შედეგები და პლუს ბოლნისის ყველა კონტაქტის კვლევა. ერთდროულად იყო ჩატარებული მნიშვნელოვნად დიდი რაოდენობა წინა დღეებთან შედარებით. ეს 25 დადასტურებული ახალი შემთხვევა ასეთი ჯამური მონაცემის შედეგია. ვიმედოვნებთ,…

ქუთაისის ინფექციურ საავადმყოფოს დღეს გამოჯანმრთელებული კიდევ ერთი პაციენტი დატოვებს. ეს იქნება კლინიკაში კორონავირუსისგან გამოჯანმრთელებული უკვე მე-14 პაციენტი. ამ დროისათვის, ქუთაისის ინფექციურ საავადმყოფოში კორონავირუსის დიაგნოზით 23 პაციენტია მოთავსებული. პაციენტებს შორის კრიტიკულად არც ერთის მდგომარეობა არ ფასდება.

საქართველოში კორონავირუსის 12 ახალი შემთხვევა გამოვლინდა. ჯამში, ამ დროისთვის ქვეყანაში კორონავირუსის 456 შემთხვევაა დადასტურებული. ამასთან, ქვეყანაში კორონავირუსის შედეგად გარდაცვლილია ხუთი პაციენტი. გამოჯანმრთელებულია 132 მოქალაქე. კარანტინის რეჟიმში იმყოფება 4949, ხოლო სტაციონარში მეთვალყურეობის ქვეშ – 555 პირი.