თვე: მაისი 2020

დაავადებათა კონტროლის ეროვნული ცენტრის ხელმძღვანელმა საზოგადოებას კიდევ ერთხელ მოუწოდა, პირადი და საზოგადოებრივი ჰიგიენის დაცვისკენ. ამის საჭიროება ამირან გამყრელიძემ პირბადის არასწორად გამოყენების შესახებ ცნობების გავრცელების გამო დაინახა. „რაღაც მომესმა და არ მგონია, რომ ზოგიერთ სამარშრუტოში პირბადეებს მძღოლი არიგებს და მერე უკან იღებსო. პირდაპირ გეტყვით, ეს არის დანაშაული და ის უნდა აღიკვეთოს შესაბამისი ორგანოების მიერ , – განაცხადა ამირან გამყრელიძემ. მისი თქმით, პირბადე იმიტომ არის ერთჯერადი ხმარების ატრიბუტი, რომ ის ერთჯერადად, ერთმა ადამიანმა უნდა მოიხმაროს. „პირდაპირ გეტყვით, ეს არის დანაშაული და ის უნდა აღიკვეთოს შესაბამისი ორგანოების მიერ. ზოგადად, პირადი და საზოგადოებრივი ჰიგიენის დაცვა კორონავირუსთან…

დაავადებათა კონტროლის ეროვნული ცენტრის არაგადამდებ დაავადებათა დეპარტამენტის უფროსის, ლელა სტურუას განცხადებით, მსოფლიოში ყოველწლიურად თამბაქოს მოხმარებით რვა მილიონი ადამიანი იღუპება. როგორც ლელა სტურუამ განაცხადა, საქართველოში თამბაქოს მოხმარებით დაღუპულთა რიცხვი 11 ათასს აჭარბებს. „წელს, კოვიდის პერიოდში ძალიან ბევრმა სხვადასხვა ინდუსტრიამ შეცვალა თავისი მოქმედება და ბიზნესი. მაგალითად, ღვინისა და ალკოჰოლის მწარმოებელმა კომპანიებმა დაიწყეს სადეზინფექციო ხსნარების წარმოება. ტექსტილზე და მსუბუქ მრეწველობაზე მომუშავეებმა დაიწყეს ნიღბების წარმოება. თამბაქოს ინდუსტრიამ არაფერი შეცვალა და კიდევ უფრო გააძლიერა თავისი მარკეტინგული, ლობისტური მოქმედებები. გვესმის, რომ ბევრი ქვეყანა, მით უმეტეს დაბალი და საშუალო შემოსავლების ქვეყანა, იძულებულია, გარკვეული შენაწირები მიიღოს თამბაქოს ინდუსტრიიდან, მაგრამ ეს უკან არ უნდა წევდეს იმ ფაქტს, რომ მსოფლიოში თამბაქოს მოხმარებით იღუპება რვა მილიონი…

“თამბაქო პირიქით, ამძიმებს კოვიდ ინფექციას, მწეველი ადამიანები უფრო მოწყვლადი ხდებიან, უფრო ადვილად უვითარდებათ სხვადასხვა გართულებები, მათ შორის სამწუხაროდ ფატალური გამოსავლით”, – ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა. გამყრელიძემ თამბაქოს მოხმარების გავლენებზე „თამბაქოს გარეშე“ მსოფლიო დღესთან დაკავშირებით გამართულ პრესკონფერენციაზე, ფეისბუქლაივისას ისაუბრა. „რაც შეეხება თამბაქოს და კოვიდს. ორივე აზიანებს სასუნთქ სისტემას და სასუნთქი სისტემების გავრცელებას უწყობს ხელს. ერთის მხრივ, თამბაქოს ერთ-ერთი მოდების წერტილი არის, ისეთი დაავადება, როგორიცაა ფილტვების ობსტრუქციული დაავადება, რომელსაც დაახლოებით ყოველწლიურად ორიდან სამ მილიონამდე ადამიანის სიცოცხლე მიაქვს და სწორედ გულსისხლძარღვთა სხვა დაავადებების, თამბაქოსა და კოვიდის შეუღლება, უკვე მრავალი კვლევით დადგინდა. არის კოვიდის მეტად უფრო…

ბოლნისის მუნიციპალიტეტში დღეს „კოვიდ-19“-ის 18 ახალი შემთხვევა გამოვლინდა. მათ შორის 17 მუშევანიდანა, ხოლო ერთი შემთხვევა სამედიცინო პერსონალს უკავშირდება. მუშევანში მოსახლეობის გაფართოებული ტესტირება მიმდინარეობს. სულ სოფელში 574 საკვლევი მასალა იყო აღებული. საერთო ჯამში, ბოლო ორ დღეში 20 ახალი შემთხვევა დადასტურდა. მუშევანი და გეტა კვლავ ჩაკეტილია.

საქართველოში კორონავირუსის 26 ახალი შემთხვევა გამოვლინდა. ამის შესახებ თბილისის ინფექციური საავადმყოფოს სამედიცინო დირექტორმა, მარინა ეზუგბაიამ განაცხადა. მისივე თქმით, გამოჯანმრთელდა კიდევ ხუთი პაციენტი. ამ დროისთვის, საქართველოში  კორონავირუსის 783 შემთხვევაა დადასტურებული, გამოჯანმრთელებულთა რაოდენობა სულ 605-ს შეადგენს. ახალი კორონავირუსის შედეგად, ქვეყანაში 12 პაციენტი გარდაიცვალა. კარანტინის რეჟიმში 3031 მოქალაქე იმყოფება, ხოლო სტაციონარში მეთვალყურეობის ქვეშ – 262.

ოკუპირებული აფხაზეთიდან დამწვრობის ცენტრში ექვსი წლის ბავშვი გადმოიყვანეს. მას ზურგსა და კიდურების უკანა მხარეს ძლიერი დამწვრობა აქვს მიღებული. დამწვრობის ცენტრის ხელმძღვანელის, გუგა ქაშიბაძის განცხადებით, მცირეწლოვანმა დამწვრობა მდუღარე წყლით მიიღო. მისივე ინფორმაციით, ბავშვს უტარდება შესაბამისი მკურნალობა.

ზუგდიდის ინფექციური საავადმყოფოს ლაბორატორიაში დღეს კორონავირუსზე 116 ტესტი ჩატარდა და ყველას პასუხი უარყოფითია. მათ შორის იყო რუხის საავადმყოფოს ორი პაციენტის საკვლევი მასალა, რომლებიც კლინიკაში კოვიდინფექციის სამკურნალოდ არიან მოთავსებული. ორივე მათგანის მეორე შუალედური პასუხი კორონავირუსზე ისევ უარყოფითია და ხვალ ორივე დატოვეს საავადმყოფოს. ე რთი პაციენტი თეთრიწყაროს კლასტერს განეკუთვნება, მეორეს თურქეთში მოგზაურობის ისტორია აქვს.

ინფექციონისტი მაია ბუწაშვილი დახურულ სივრცეში კონდიციონერების აკრძალვის მომხრე არ არის, რადგან მიიჩნევს, რომ სიცხეში პირბადეების მოხმარება კიდევ უფრო რთული იქნება. „ასე ხელაღებით კონდიცირების აკრძალვა არ შეიძლება, ამან შესაძლოა, პირბადეების მოხმარება გააუარესოს, რადგან სიცხეში პირბადის გაკეთება კიდევ უფრო რთულდება, ხშირად სველდება პირბადე და ხშირად უნდა გამოიცვალონ, ამიტომ, რთულად წარმოსადგენია, რომ პირბადეები ადამიანებმა ნორმალურად გამოიყენონ. ამასთან, შეიძლება ორგანიზმი გადახურდეს, რაც სერიოზული სტრესია ორგანიზმისთვის და ეს ჯანმრთელობისთვის საზიანოა – ორგანიზმს ინფექციებისადმი დაცვა შეიძლება, გაუუარესოს“, – განაცხადა მაია ბუწაშვილმა. მისივე თქმით, საერთაშორისო ორგანიზაციები არ ავრცელებენ ასეთ კატეგორიულ რეკომენდაციას, რომ კონდიცირება უნდა აიკრძალოს შენობებში. „აშშ-ში,…

“ნუ ნერვიულობს ოპოზიცია, ჩვენ ყველა დანაპირებს ვასრულებთ, წყალტუბოს აღორძინება დაიწყება გეგმაზომიერად, ისე, როგორც ითქვა”, – ამის შესახებ ეკონომიკისა და მდგრადი განვითარების მინისტრმა, ნათია თურნავამ განაცხადა. მინისტრის თქმით, პანდემიამ ბევრი პროცესი შეანელა, თუმცა საბოლოოდ წყალტუბოს პროექტს ეს არ დაეტყობა. „კორონავირუსმა, რა თქმა უნდა, შეანელა ბევრი პროცესი, მაგრამ ეს საბოლოო ჯამში, არანაირად არ დაეტყობა წყალტუბოს პროექტს და ამის დასტურია თუნდაც აბასთუმნის პროექტი, რომელიც ბიძინა ივანიშვილისა და „ქართუ“ ფონდის ქველმოქმედების საფუძველზე, კერძო ბიზნესის ჩართულობით ხორციელდება. ნახეთ, როგორ ხორციელდება ეს აბასთუმანში. ასეთივე აღმავლობა ძალიან სწრაფად დაიწყება წყალტუბოში. ზოგიერთი ოპოზიციონერი, რომლებსაც ახლა, ამ კორონავირუსის ეპიდემიის შემდეგ გაახსენდათ თურმე, რა ხდება წყალტუბოში,…

დაავადებათა კონტროლის ეროვნული ცენტრის ხელმძღვანელის დაკვირვებით, ავტობუსებში პატიოსნად იცავდნენ წესებს, თუმცა მიკროავტობუსებში არა. ამირან გამყრელიძის თქმით, ეს ადამიანები გასაფრთხილებელი არიან. ​„გაიხსნა და ამუშავდა საზოგადოებრივი ტრანსპორტი, მობილობის ყველაზე ძლიერი მექანიზმი. ანუ გაიზარდა სერიოზულად მობილობა. გუშინ მე ვაკვირდებოდი, ქალაქში როცა გადავადგილდებოდი, რამდენად იცავდნენ წესებს და გამიხარდა, ბევრ ავტობუსში რომ ვუყურებდი, თუმცა არა მიკროავტობუსებში და გასაფრთხილებელია ეს ხალხი. ავტობუსებში პატიოსნად იცავდნენ წესებს. დღეს, ვიდრე სამსახურში მომიწევდა მოსვლა, დილით მომიწია ერთ დიდ საჯარო დაწესებულებაში მისვლა და გამიხარდა, რომ ძალიან მოწესრიგებული იყო ადამიანის მიღების, რიგში დგომის და დამცავი საშუალებებით აღჭურვილობის ატრიბუტები. თქვენი საშუალებით, მივმართავ საქართველოს…

“საქართველოში „პლაქვენილით“ ნამკურნალებ არც ერთ ავადმყოფზე გართულება არ დაფიქსირებულა”, – ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა.  გამყრელიძემ საზოგადოებას შეახსენა, რომ არც ერთ წამალს არ აქვს პირდაპირ კორონავირუსულ ინფექციაზე პირდაპირი ზემოქმედების უნარი და სიმპტომების მიხედვით ხდება მკურნალობის დანიშვნა. ​„პლაქვენილის“ შეჩერება მოხდა გაიდლაინებში, ჯანმრთელობის მსოფლიო ორგანიზაციის რეკომენდაციის საფუძველზე, რადგან დაიდო რამდენიმე კვლევა, მათ შორის ერთ-ერთი, ბოლო რომელიც გამოქვეყნდა „ლანცეტში“. მაგრამ, ხაზს ვუსვამ, რომ საქართველოში „პლაქვენილით“ ნამკურნალებ არც ერთ ავადმყოფზე გართულება არ დაფიქსირებულა და „პლაქვენილი“ დღესაც კიდევ გამოიყენება მრავალი ქვეყნის სხვადასხვა გაიდლაინებში. გარდა ამისა, ხაზს ვუსვამ, „პლაქვენილი“ არის კარგად შესწავლილი…

“თვითშეზღუდვები დავიწესოთ და ცხოვრების წესი მაინცდამაინც არ გავიხალისოთ”, – ამის შესახებ ჟურნალისტებს თბილისის ინფექციური საავადმყოფოს სამედიცინო დირექტორმა, მარინა ეზუგბაიამ განუცხადა.​ ეზუგბაიას თქმით, ქვეყანაში არის კორონავირუსის ზომიერი კონტროლირებადი მატება, მაგრამ ეს უნდა შენარჩუნდეს და არ მოხდეს უმართავი სიტუაცია. ​„მოსახლეობამ იცის, როგორ უნდა მოიქცეს. არ მინდა, რომ მათ ყოველთვის შევახსენო და არასასიამოვნო იყოს, მაგრამ, როგორც მოქალაქისა და ინფექციონისტის თხოვნა იქნება, რომ მეტ-ნაკლებად თავი შევიკავოთ ზედმეტი გასვლებისგან. გვაქვს ზომიერი კონტროლირებადი მატება, მაგრამ ეს რომ შევინარჩუნოთ და ჩვენთან არ მოხდეს უმართავი სიტუაცია. ალბათ, არ მოხდება, რადგან თავი აქამდე ასე მოვიტანეთ. მოქალაქეები დიდი პასუხისმგებლობით უდგებოდნენ ამ…

საქართველოში კორონავირუსისგან კიდევ 24 ადამიანი გამოჯანმრთელდა. ამის შესახებ ინფორმაცია ვებგვერდ StopCov.ge-ზე გამოქვეყნდა. საერთო ჯამში ქვეყანაში კორონავირუსი 757 ადამიანს დაუდასტურდა, აქედან 600 უკვე გამოჯანმრთელდა. საქართველოში კორონავირუსით გარდაიცვალა 12 ადამიანი. კარანტინის რეჟიმში 2 966 ადამიანი რჩება, სტაციონარში მეთვალყურეობის ქვეშ კი – 250.

საქართველოში კორონავირუსით კიდევ 11 ადამიანი დაინფიცირდა. ამის შესახებ ინფორმაცია ვებგვერდ StopCov.ge-ზე გამოქვეყნდა. საერთო ჯამში ქვეყანაში კორონავირუსი 757 ადამიანს დაუდასტურდა, აქედან 600 უკვე გამოჯანმრთელდა. საქართველოში კორონავირუსით გარდაიცვალა 12 ადამიანი. კარანტინის რეჟიმში 2 966 ადამიანი რჩება, სტაციონარში მეთვალყურეობის ქვეშ კი – 250.

“ქვემო ქართლის სამი მუნიციპალიტეტი – ბოლნისი, მარნეული და თეთრიწყარო საქართველოში ყველაზე მეტად დაზიანდა. ამ სამ მუნიციპალიტეტში გვაქვს 260-მდე კოვიდდადებითი შემთხვევა”, – ამის შესახებ, დღეს სოფელ მუშევანში ვიზიტისას დაავადებათა კონტროლის ეროვნული ცენტრის ხელმძღვანელმა ამირან გამყრელიძემ განაცხადა. მისი თქმით, აქედან ყველაზე დაზიანებულია ბოლნისის მუნიციპალიტეტი. „თვითონ ბოლნისში კი განსაკუთრებით, სოფელი მუშევანი. რადგან ასეთი დაზიანებულია, გვინდოდა მთელი სოფლის გამოკვლევა მასობრივად, მაგრამ დამყოლობა იყო ცოტა რთული. ბევრი ვიმუშავეთ და მინდა დიდი მადლობა გადავუხადო ადგილობრივ ხელისუფლებას“, – განაცხადა გამყრელიძემ.