თვე: აგვისტო 2019

“ომის წინ, აფხაზეთში 347 000 ამომრჩეველი იყო. გუშინ ჩატარებულ ე.წ. არჩევნებზე კი 118 000 ადამიანმა მიიღო მონაწილეობა, ანუ თითქმის 3-ჯერ ნაკლებმა. როდესაც ამომრჩეველთა ორი მესამედი ამ ტერიტორიიდანაა განდევნილი, რომელ არჩევნებზე შეიძლება იყოს საუბარი”, – ამის შესახებ აფხაზეთის ა.რ. უმაღლესი საბჭოს თავმჯდომარემ, ჯემალ გამახარიამ ოკუპირებულ აფხაზეთში ჩატარებულ ე.წ. არჩევნებზე საუბრისას განაცხადა “მედიაცენტრ მთავარში”. გამახარიას თქმით, პირადად მისთვის, სულერთი არ არის ვინ იქნება არჩეული დე-ფაქტო მმართველად. მისი განცხადებით, აფხაზების მიერ არჩეული ლიდერი არასდროს წავა რუსეთთან გაერთიანებაზე. “პირადად ჩემთვის, როგორც იქაური მაცხოვრებლისთვის, სულერთი არ არის ვინ იქნება იქ დე-ფაქტო მმართველი. აფხაზების მიერ არჩეული დე-ფაქტო ლიდერი, არასდროს…

ევროპისა და ამერიკის ქვეყნებმა ერთობლივი განცხადებით დაგმეს ოკუპირებულ აფხაზეთის რეგიონში გამართული ე.წ საპრეზიდენტო არჩევნები და მოუწოდეს რუსეთის ფედერაციას, უკან წაიღოს თავისი უკანონო გადაწყვეტილება საქართველოს, აფხაზეთისა და ცხინვალის რეგიონების ე.წ. დამოუკიდებლობის აღიარების შესახებ. ინფორმაციას საქართველოს საგარეო საქმეთა სამინისტრო ავრცელებს. პოლონეთის მხარის ინიციატივით, ევროპისა და ამერიკის თხუთმეტმა სახელმწიფომ ერთობლივი განცხადება გაავრცელა, რომელსაც „მედიაცენტრი მთავარი“ უცვლელად გთავაზობთ.  „ამერიკის შეერთებული შტატები, ბულგარეთი, დიდი ბრიტანეთი, ესტონეთი, ირლანდია, კანადა, ლატვია, ლიეტუვა, ნორვეგია, პოლონეთი, რუმინეთი, შვედეთი, უკრაინა, ფინეთი, ჩეხეთი არ აღიარებენ აფხაზეთის რეგიონში 2019 წლის 25 აგვისტოს დე-ფაქტო სტრუქტურების მიერ ჩატარებული ე.წ. საპრეზიდენტო არჩევნების ლეგიტიმურობას და არ ცნობენ მის შედეგებს. ანალოგიურად, ჩვენ არ ვაღიარებთ საქართველოს ცხინვალის რეგიონში/სამხრეთ ოსეთში 2019 წლის 9 ივლისს გამართულ ე.წ საპარლამენტო…

პენიტენციური დაწესებულებები მარიამობის დღესასწაულთან დაკავშირებით, ამანათებს დღეს და ხვალ, 09:00-დან 18:00 საათამდე მიიღებენ. როგორც სპეციალური პენიტენციური სამსახურის განცხადებაშია ნათქვამი, ამანათების მიღების პროცესს ისინი შეუფერხებლად უზრუნველყოფენ. „კანონით დადგენილი წესით, პენიტენციური დაწესებულებები ამანათებს 26 და 27 აგვისტოს 09:00-დან 18:00 საათამდე მიიღებენ. სპეციალური პენიტენციური სამსახური ამანათების მიღების პროცესის შეუფერხებლად წარმართვას უზრუნველყოფს“, – ნათქვამია პენიტენციური სამსახურის განცხადებაშია.

საქართველოს კათოლიკოს-პატრიარქის მოსაყდრის, მეუფე შიო მუჯირის განცხადებით, საქართველოს კათოლიკოს-პატრიარქის, უწმინდესისა და უნეტარესის, ილია მეორის მღვდელმთავრად კურთხევით დაიწყო დიდი აღორძინება საქართველოს ეკლესიაში. როგორც მეუფემ სამების საკათედრო ტაძარში საკვირაო ქადაგებისას აღნიშნა, საქართველოს პატრიარქი მღვდელმთავრად სწორედ 25 აგვისტოს აკურთხეს. მან პატრიარქს დღევანდელი დღე მიულოცა. “დღევანდელ კვირას დაემთხვა ილია მეორის მღვდელმთავრად კურთხევის თარიღი და მინდა მივულოცო მას. მადლობა მინდა ვუთხრა მთელი მისი ღვაწლისთვის. მისი მღვდელმთავრად კურთხევით დაიწყო დიდი აღორძინება საქართველოში, საქართველოს ეკლესიაში”, – აღნიშნა მეუფე შიომ.

“აგვისტო, როგორც საქართველოში ასევე მსოფლიოში, მაღალი ტემპერატურის გამო ხანძარსაშიში პერიოდია, რაც ზრდის რისკებს. აქედან გამომდინარე მოვუწოდებთ მოსახლეობას მაქსიმალურად გამოიჩინონ ყურადღება”, – ამის შესახებ ეროვნული სატყეო სააგენტოს უფროსის მოადგილემ, დავით ალადაშვილმა განაცხადა. ალადაშვილმა სოფელ საყავრესთან მომხდარ ხანძარზეც ისაუბრა და აღნიშნა, რომ მის ლიკვიდაციაში სატყეო სააგენტოს თანამშრომლები არიან ჩართული, ამასთან, კერების დამუშავებაში 60-მდე მეტყევე მონაწილეობს. მისივე თქმით, დილით არსებული მდგომარეობის მიხედვით გადაწყდება, იქნება თუ არა საჭირო სამუშაოებში ვერტმფრენების ჩართვა ხვალაც. „დღეს მთელი დღის განმავლობაში ინტენსიური სამუშაოების შედეგად მოხერხდა ხანძრის ლოკალიზება. ამ ეტაპისთვის ხანძრის გავრცელების არეალი არის შეზღუდული, ვითარება ექვემდებარება კონტროლს. ინტენსიურად მუშაობენ ჩვენი მეხანძრე-მაშველები, მობილიზებულია შესაბამისი ტექნიკა,…

საერთაშორისო საზოგადოების ზეწოლის შემდეგ, ბრაზილიის პრეზიდენტმა ჟაირ ბოლსონარუმ ამაზონის ტყეში ხანძრის სალიკვიდაციოდ შესაძლოა, ჯარი გაგზავნოს. ამაზონის ტყეში მაშტაბურ ხანძართან დაკავშირებით შეშფოთება გამოთქვეს დიდი ბრიტანეთის პრემიერ-მინისტრმა, ბორის ჯონსონმა და ამერიკის შეერთებული შტატების პრეზიდენტმა, დონალდ ტრამპმა, სხვა ლიდერებთან ერთად. საფრანგეთის პრეზიდენტი, ემანუელ მაკრონი და ირლანდიის პრემიერ-მინისტრი, ლეო ვარადკარი გამოვიდნენ ინიციატივით, იმ შემთხვევაში, თუ ბრაზილიის პრეზიდენტი გარემოს დაცვის კუთხით პოლიტიკას არ გადახედავს, ევროკავშირსა და ლათინური ამერიკის ქვეყნებს შორის მიღწეული სავაჭრო შეთანხმება შეჩერდეს. „დედამიწის ფილტვებად“ წოდებულ ამაზონის ტყეში ხანძარი გლობალური ეკოლოგიური კატასტროფის საფრთხეს შეიცავს, რადგან ტროპიკული ტყე პლანეტის ჟანგბადის 20%-ს გამოიმუშავებს.

ზუგდიდის N6 საჯარო სკოლის გარდაცვლილი დირექტორის, ია კერზაიას შვილი ბაჩანა შენგელია, დედის საქმეს სტრასბურგისთვის ამზადებს. შენგელია აპროტესტებს გენერალური პროკურატურის გადაწყვეტილებას, სს საქმის შეწყვეტსთან დაკავშირებით და აცხადებს, რომ საქმე პოლიტზირებულია. როგორც ბაჩანა შენგელიამ  „მედიაცენტრ მთავართან“ საუბრისას აღნიშნა, სასამართლოს ყველა ისტანციის მოვლის შემდეგ, მას გეზი სტრასბურგის სასამართლოსკე აქვს აღებული. „თავიდანმე ვაცხადებდი, რომ ეს საქმე იყო პოლიტიზირებული. ის შეწყვეტის შესახებ. აპრილში, როცა საქმეს გავეცანი,  დავრწმუნდი, რონ  ყველა მტკიცებულება და საპროცესო მოქმედება არასწორად იყო გაკეთებული, ვიდეოკადრებიც დაგვიანებით იყო ამოღებული, განადგურებული იყო მტკიცებულებები. საქმის გამოძიება ისე დაასრულეს, განათლების მინისტრი მიხეილ ბატიაშვილი არ კი დაუკითხავთ. ასევე,…

“რუსთავი2”-ის 100%-იანი წილის მფლობელი, ქიბარ ხალვაში განცხადებას ავრცელებს, რომელსაც “მედიაცენტრი მთავარი” უცვლელად გთავაზობთ. “საზოგადოებისათვის ცნობილია ბოლო დღეებში ტელეკომპანია “რუსთავი 2”-ში განვითარებული მოვლენები. ეს მოვლენები, კიდევ ერთი მტკიცებულებაა ჩემი ვარაუდისა, რომ სააკაშვილი და გვარამია მიზანმიმართულად ანგრევდნენ კომპანიას. ფაქტია, ტელევიზიის ფინანასური ნგრევის შემდეგ, გვარამია არხის თანამშრომლებზე გადაერთო და მათ წინააღმდეგ არნახული ფსიქოლოგიური შეტევა და ბულინგი წამოიწყო. საზოგადოებამ იცის, რომ იმ ჟურნალისტებს, რომლებიც “რუსთავი 2”-ში მუშაობდნენ, ჩვენ შევთავაზეთ სარედაქციო პოლიტიკაში ჩაურევლობა, დასავლური, ცივილიზებული სტანდარტით მუშაობა, რაც ნიშნავს კრიტიკულ, ობიექტურ და მიუკერძოებელ მაუწყებლობას. მიუხედავად იმისა, რომ არხიდან რამდენიმე ადამიანის კონკრეტული მიზეზებით გათავისუფლდა, ზოგიერთი თანამშრომლის…