დღე: აგვისტო 17, 2019

საქართველოს საგარეო საქმეთა მინისტრმა, დავით ზალკალიანმა საოკუპაციო ხაზთან, სოფელ გუგუტიანთკარში ის ადგილი დაათვალიერა, სადაც რუსმა სამხედროებმა რკინის ღობეები დაამონტაჟეს. მინისტრი ადგილობრივ მოსახლეობასაც შეხვდა. „ჩემთვის მნიშვნელოვანი იყო დღეს აქ სიტუაციის ადგილზე გაცნობა, რადგან ერთია ინფორმაცია, რასაც ვიღებთ და მეორე – ადგილზე ნანახი მდგომარეობა. სიტუაცია არის ძალიან დამთრგუნველი, საქართველოს ტერიტორიის ოკუპაცია გრძელდება და ეს ფაქტობრივი ანექსიისკენ გადადგმული ქმედებებია. როდესაც 7 აგვისტოს ჩვენთვის გახდა ეს ცნობილი, საგარეო საქმეთა სამინისტროში იყვნენ მოწვეული დიპლომატიური კორპუსის წარმომადგენლები და ყველას ვთხოვეთ, ფაქტს მოჰყოლოდა მკაცრი შეფასება. ამის შემდეგ, მეორე დღეს გაეროს უშიშროების საბჭოს ფორმატში, პარტნიორ ქვეყნებთან კომუნიკაციის შემდეგ გაიმართა დებატები.…

“საკონტრაქტო სამხედრო მოსამსახურეებისთვის ბინების მშენებლობა, რომლის ვალდებულება სახელმწიფომ 2007 წელს აიღო, წელს დასრულდება”, – ამის შესახებ საქართველოს პრემიერ-მინისტრმა, მამუკა ბახტაძემ წეროვანში მდებარე სარეაბილიტაციო ცენტრში სამხედრო მოსამსახურეებთან შეხვედრისას განაცხადა. მთავრობის მეთაურმა წეროვანში ახალი სარეაბილიტაციო ცენტრის მშენებლობა დაათვალიერა, რომლის დასრულება წლის ბოლომდე იგეგმება და ამერიკელ პარტნიორებს პროექტის განხორციელებაში გაწეული დახმარებისთვის განსაკუთრებული მადლობა გადაუხადა. „წეროვანში შენდება ახალი სარეაბილიტაციო ცენტრი ჩვენი გმირი ჯარისკაცებისთვის, რომლებიც საქართველოს ტერიტორიული მთლიანობისთვის ბრძოლაში და საერთაშორისო მისიებში დაიჭრნენ. ეს იქნება მსგავსი სტანდარტით და ტექნოლოგიებით აღჭურვილი ერთადერთი ცენტრი ჩვენს რეგიონში და მსურს, ამ პროექტის მხარდაჭერისთვის ჩვენს ამერიკელ პარტნიორებს განსაკუთრებული მადლობა გადავუხადო.…

გუგუტიანთკარში რუსი ოკუპანტები მეორე დღეა აღარ გამოჩენილან, თუმცა საოკუპაციო რეჟიმის წარმომადგენლებმა ადგილზე მავთულხლართები უკვე გაავლეს. ოკუპანტებმა მოსახლეობას სახლების დასაშლელად 3 დღიანი ვადა მისცეს, რომელიც დღეს იწურება. სახლების დემონტაჟი თითქმის დასრულებულია. ჯერჯერობით უცნობია, აღმოჩნდება თუ არა ოკუპანტების მიერ შემოღობილ ტერიტორიაზე წყლის რეზერვუარი, რომლითაც სოფელი მარაგდება. გუგუტიანთკარში რუსი ჯარისკაცების გამოჩენიდან უკვე 11 დღე გავიდა, თუმცა ადგილზე ამ დრომდე არ ჩასულა გორის მერი. კონსტანტინე თავზარაშვილი შვებულებაში იმყოფება და დასვენების დასრულების შემდეგ გეგმავს საოკუპაციო ხაზთან მცხოვრებ მოსახლეობასთან შეხვედრას.  გუშინ სოფელ გუგუტიანთკარში დიპლომატიური კორპუსის წარმომადგენლები ჩავიდნენ. მათ შორის იყო 8 ელჩი, რომლებიც ვითარებას ადგილზე გაეცნენ.