დღე: აგვისტო 6, 2019

“საქართველოსთან ურთიერთობის ნორმალიზება მხოლოდ იმ შემთხვევაში გახდება შესაძლებელი, თუ ქართული მხარე ოსი ხალხის გენოციდს და სამხრეთ ოსეთის დამოუკიდებლობას აღიარებს”, – ამის შესახებ ცხინვალის ოკუპირებული რეგიონის ე.წ. პრეზიდენტმა, ანატოლი ბიბილოვმა განაცხადა. მისი თქმით, ასეთი სიმამაცის გამოჩენა ქართველ პოლიტიკოსებს არ შეუძლიათ. „თუ ქართული მხარე გენოციდს არ აღიარებს, არ შეიძლება რამე სახის ურთიერთობაზე საუბარი. ამისთვის მათ უნდა მოაწერონ ხელი ძალის გამოუყენებლობის მემორანდუმს და აღიარონ სამხრეთ ოსეთის რესპუბლიკის დამოუკიდებლობა, თუმცა ქართველ პოლიტიკოსებს ასეთი პასუხისმგებლობის აღება და პოლიტიკური სიმამაცის გამოჩენა არ შეუძლიათ. დღევანდელ საქართველოს ამერიკა მართავს. სანამ ამერიკული ჰეგემონია გაგრძელდება, სანამ არ გამოჩნდებიან პოლიტიკოსები, რომლებიც…

“ტვ პირველის” მფლობელი, ვატო წერეთელი გამოკითხვაზე დაიბარეს. ამის შესახებ ის სოციალურ ქსელში წერს. ვატო წერეთელი აღნიშნავს, რომ პროკურატურაშია დაბარებული, თუმცა ამბობს, რომ კითხვებს მხოლოდ მაგისტრი მოსამართლის თანდასწრებით უპასუხებს.  “პროკურატურაში დამიბარეს. ნებისმიერ კითხვაზე გავცემ პასუხს მხოლოდ მოსამართლის თანდასწრებით, თუმცა წინასწარ გეუბნებით, “ტვ პირველს” არ მოგაგუდინებთ! ეს ტელევიზია არც არავის გავლენის ქვეშ გადავა და არც არავის ტრენდზე! შანსი გაქვთ ნული! ყველას ვერ დაიჭერთ! ყველას ვერ დააშინებთ!” – წერს ვატო წერეთელი. 

ბრიტანეთში საქართველოს საელჩო საქართველოს მოქალაქეების საყურადღებოდ განცხადებას ავრცელებს. „გაცნობებთ, რომ ქ.ლონდონში საქართველოს საელჩოს საკონსულო სამსახური მისამართის შეცვლის გამო, 7 აგვისტოდან 12 აგვისტომდე მოქალაქეთა მიღებას ვერ განახორციელებს. გადაუდებელი საჭიროების შემთხვევაში, როგორიცაა საქართველოში გასამგზავრებლად დასაბრუნებელი მოწმობის გაცემა, დაგვიკავშირდით საკონსულოს ცხელ ხაზზე: 07872064830. გთხოვთ, პასპორტის, პირადობის მოწმობის, სანოტარო აქტების, თარგმნის დამოწმებისა და სხვა საკონსულო მომსახურების თაობაზე შეკითხვები მოგვწერეთ საკონსულოს ელ-ფოსტაზე: london.con@mfa.gov.ge. საკონსულო მომსახურება განახლდება 12 აგვისტოდან საელჩოს ახალ მისამართზე. საქართველოს საელჩოს ახალი მისამართი: Embassy of Georgia20 Saint George’s SquarePimlicoLondonSW1V 2HP“, – აღნიშნულია საელჩოს მიერ გავრცელებულ ინფორმაციაში.

ქართველი პატიმარი, რომელიც მემინგენის ციხიდან გაიქცა, სამართალდამცველებმა ბავარიაში დააკავეს. პოლიციიის თქმით, ქართველი რომელიც თავდაპირველად თურქ პატიმართან ერთად გაიქცა, მარტო მგზავრობისას დააკავეს. მეორე პატიმარს კი ჯერ კიდევ ეძებენ. მემინგენის ციხიდან პატიმრები ეზოში სეირნობის დროს გაიქცნენ და ახლოს მდებარე რკინიგზის ხაზის საშუალებით მიიმალნენ. ქართველი პატიმარი ბინის ქურდობის მუხლით იყო ბრალდებული და წინასაგამოძიებო პატიმრობაში იმყოფებოდა.