დაავადებათა კონტროლისა და საზოგადოებივი ჯანდაცვის ეროვნული ცენტრი ზაფხულის მაღალ ტემპერქტურასთან დაკავშირებით მოსახლეობის რისკ ჯგუფებზე საუბრობს და რეკომენდაციებს აძლევს.
როგორც ცენტრში განმარტავენ, მაღალი ტემპერატურით გამოწვეული მთავარი რისკებია:
· დეჰიდრატაცია (გაუწყლოვნება, ორგანიზმში წლის დეფიციტი)
· გადახურება, რომელმაც შესაძლოა გააუარესოს გულის დაავადებებისა და სუნთქვასთან დაკავშირებული პრობლემების მქონე პირთა ჯანმრთელობის მდგომარეობა;
· სითბური გამოფიტვა;
· სითბური დაკვრა.
როგორც ცენტრში განმარტავენ, რომ მაღალი ტემპერატურა გავლენას ახდენენ ნებისმიერი ადამიანის ჯანმრთელობაზე, თუმცა მაღალი ტემპერატურით გამოწვეული ჯანმრთელობის პრობლემების ყველაზე მოწყვლად ჯგუფს განეკუთვნებიან:
· 75 წლისა და უფროსი ასაკის ხანდაზმულები
· ბავშვები, განსაკუთრებით ახალშობილები
· ქრონიკული დაავადებების, განსაკუთრებით კი გულ-სისხლძარღვთა და სასუნთქი სისტემის დაავადებების მქონე პირები
· გადაადგილების პრობლემის (მაგ., პარკინსონის დაავადება, ინსულტი) მქონე პირები
· ფსიქიკური ჯანმრთელობის სერიოზული პრობლემების მქონე პირები
· გარკვეულ პრეპარატებზე მყოფი პირები, მ.შ. პრეპარატებზე, რომლებიც გავლენას ახდენენ ოფლის გამოყოფასა და ტემპერატურის კონტროლზე
· ალკოჰოლის ჭარბი მომხმარებლები და წამალდამოკიდებული (ნარკოტიკების მომხმარებლები) პირები
· ფიზიკურად აქტიური პირები (მაგ., მძიმე ფიზიკურ სამუშაოებში ჩართული პირები, სპორტსმენები).