გუმათში, ნამახვანჰესის საწინააღმდეგო აქციის მონაწილე 8 პირი, რომელიც სამართალდამცველებმა გუშინ დააკავეს, დღეს სასამართლოს შენობიდან გათავისუფლდნენ. წყალტუბოს რაიონულ სასამართლოში დაკავებულების პროცესი გადაიდო.
სასამართლო სხდომა 4 ივნისს ჩაინიშნა. დაცვის მხარემ მოსამართლეს შუამდგომლობა წარუდგინა, სადაც საუბარი იყო დამატებითი მტკიცებულებების გაცნობის საჭიროებაზე, რისთვისაც ადვოკატმა დრო ითხოვა. მოსამართლემ კი, საქმის განხილვამდე, რვავე პირი გაათავისუფლა.
რვავე პირს ადმინისტრაციული კოდექსის 166-ე და 173-ე მუხლების დარღვევას ედავებიან.