ყველა, ვინც აფხაზეთის დამოუკიდებლობა აღიარა, სოხუმში „დამოუკიდებლობის დღის“ აღსანიშნავ ღონისძიებაზე მიწვეულია. როგორც ოკუპირებული აფხაზეთის დე ფაქტო პრეზიდენტი რაულ ხაჯიმბა აცხადებს, მიწვეულ სტუმრებს შორის რუსეთის პრეზიდენტი ვლადიმერ პუტინი და რუსეთის პრემიერ-მინისტრი დიმიტრი მედვედევიც არიან.
„მოსაწვევი ყველა იმ ქვეყნების ლიდერს გავუგზავნეთ, ვინც ჩვენი დამოუკიდებლობა აღიარა. კერძოდ, შესაბამისი წერილები გავუგზავნეთ რუსეთის პრეზიდენტს, რუსეთის პრემიერ-მინისტრს, ასევე რუსეთის პოლიტიკური ხელმძღვანელობის რიგ წარმომადგენლებს“, – განაცხადა დე ფაქტო პრეზიდენტმა.
ღონისძიებაში მონაწილეობას ის სუბიექტებიც მიიღებენ, ვინც საომარი მოქმედებების პერიოდში აფხაზეთის გვერდით იდგა.
