„ნაციონალურ მოძრაობას“ არ მოწონს საქართველოს გამორჩეული, პოზიტიური შედეგი“ – დიმიტრი ხუნდაძე

  •  

 „უცხო არ არის, რომ „ნაციონალურ მოძრაობას“ და  მის პოლიტიკურ მეგობრებს არაფერი მოწონთ. არ მოსწონთ თუნდაც ის, რომ  კოვიდთან ბრძოლის  გზაზე საქართველომ გამორჩეულად პოზიტიური შედეგი აჩვენა და ჩვენ პრაქტიკულად მინიმალური დანაკარგებით გავედით ამ ფონს“, – განაცხადა პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარემ, დიმიტრი ხუნდაძემ.

მისივე თქმით, პანდემიის რეჟიმში ძალიან ბევრმა ქვეყანამ, რომელსაც  უფრო მეტი გამოცდილება და რესურსი ჰქონდა,  როგორც ინსტიტუციონალურად, ასევე ფინასურად, საკმაოდ მძიმე შედეგები მიიღეს. 

„ჩვენს ოპონენტებს ეს არ მოწონთ იმიტომ, რომ მათ ეს შედეგი აშინებთ. მოდის არჩევნები და ნებისმიერი წარმატებული საქმე, თუნდაც ეს წარმატება  მოსახლეობის ჯანმრთელობის შენარჩუნებაზე  გადიოდეს, რა თქმა უნდა, არ აწყობთ. მათი მიზანი მხოლოდ პოლიტიკური სარგებელია. ისინი სიკეთეს ვერ დაინახავენ, რადგან არ სურთ ამის დანახვა“, – აღნიშნა დიმიტრი ხუნდაძემ.​

მსგავსი თემები