ბენზინში ტყვიის მაღალი შემცველობა არ აღმოჩნდა, ჰაერის მთავარი დამაბინძურებელი გამონაბოლქვია

  •  

აღებული ბენზინის ნიმუშებიდან, რომელიც საქართველოს მასშტაბით ჩატარდა, ტყვიის გადაჭარბებული კონცენტრაცია არ დაფიქსირდა. რაც შეეხება დიზელის კვლევას, შედეგებს რამდენიმე დღეში ელოდებიან.

როგორც გარემოსდაცვითი ზედამხედველობის დეპარტამენტის უფროსმა ირაკლი მუკნიაშვილმა „მედიაცენტრ მთავარს“ განუცხადა, ბენზინთან დაკავშირებით 240 ნიმუში აიღეს, დიზელზე კი დაახლოებით 120.

„საქართველოში, ავტოგასამართი სადგურებიდან ავიღეთ სინჯები. მთლიანობაში, სულ 240 ოპერატორიდან ავიღეთ ნიმუშები. საუბარია როგორც მსხვილ ოპერატორებზე, ისე პატარ-პატარა მეწარმეებზე. შემოწმება ეხებოდა საწვავში ტყვიის შემცველობას.  სინჯების აღება მოხდა გაუფრთხილებლად. ნიმუშები გადავაგზავნეთ საერთაშორისო აკრედიტაციის მქონე ლაბორატორიაში და შემოწმებამ აჩვენა, რომ ტყვიის გადამეტება არც ერთ ნიმუშზე არ დაფიქსირდა“ – განუცხადა გარემოსდაცვითი ზედამხედველობის დეპარტამენტის უფროსმა ირაკლი მუკნიაშვილმა „მედიაცენტრ მთავარს“.  

რაც შეეხება დიზელის კვლევას, პასუხები ჯერჯერობით არ მიუღიათ: „მეორე შემოწმება დიზელზე ჩავატარეთ. აღებული გვაქვს დაახლოებით 120 სინჯი და მიმდინარეობს დამუშავება, ველოდებით პასუხს“.

კითხვაზე, რა რჩება ჰაერის ძირითად დამაბინძურებლად, ირაკლი მუკნიაშვილმა გვიპასუხა, რომ გამონაბოლქვი, ამ კუთხით ერთ-ერთი პრობლემაა.

„ჩვენი თემაა დაბინძურების წყარო, მისი აღმოჩენა და რეაგირების მოხდენა. მართალია, საწვავში ტყვია არ დაფიქსირდა, თუმცა, გამონაბოლქვი არის ერთ-ერთი სერიოზული პრობლემა. ნივთიერებები, რომელიც წვის შედეგად გამოიყოფა, არის ერთ-ერთი პრობლემური. თბილისში ძალიან ბევრი ავტომობილი მოძრაობს და ერთ-ერთი მნიშვნელოვანი სფერო სწორედ გამონაბოლქვია. გარდა ამისა, ჰაერის დაბინძურების წყაროა საწარმოები“.

მსგავსი თემები

3 Thoughts to “ბენზინში ტყვიის მაღალი შემცველობა არ აღმოჩნდა, ჰაერის მთავარი დამაბინძურებელი გამონაბოლქვია”

  1. I wanted to thank you for this wonderful read!!
    I absolutely enjoyed every bit of it. I have you book marked to look at new things
    you post…

  2. I like the valuable info you provide in your articles.
    I’ll bookmark your blog and check again here frequently.
    I am quite sure I’ll learn a lot of new stuff right here!
    Good luck for the next!

  3. Today, while I was at work, my cousin stole my iPad and tested to see if it can survive a forty foot
    drop, just so she can be a youtube sensation. My iPad is now broken and she has 83 views.
    I know this is completely off topic but I had to share it with someone!