იტალიაში საქართველოს 29 წლის მოქალაქე დააკავეს. ახალგაზრდა კაცს ბრალად ფსონების ცენტრის დაყაჩაღება ედება.
პოლიციის საქმის მასალებიდან ირკვევა, რომ 20 მარტს ქართველი ფსონების ცენტრში სამზარეულოს დანით შეიჭრა და მუქარით 6 000 ევრო წაიღო. ის პოლიციამ რამდენიმე დღის შემდეგ დააკავა.
ქართველის სახლის ჩხრეკისას სამართალდამცავებმა ნაძარცვი თანხა ამოიღეს. გარდა ამისა, იქვე, ნაგვის ურნაში ნაპოვნია მისი ტანსაცმელი, რომლითაც ცენტრი დააყაჩაღა.