პოლონეთის პრეზიდენტმა ანდჟეი დუდამ განაცხადა, რომ ნატომ სასწრაფოდ უნდა გაზარდოს თავდაცვის ხარჯები, რათა ის არ გახდეს რუსეთის თავდასხმის შემდეგი სამიზნე.
გერმანულ კვლევაზე დაყრდნობით, დუდამ თქვა, რომ ახალი მტკიცებულებები ვარაუდობენ, რომ რუსეთის პრეზიდენტი პუტინი აორმაგებს თავის გადასვლას ომის ეკონომიკისკენ, ნატოზე თავდასხმის მიზნით, 2026 ან 2027 წლებში.
,,განგაშის ზარები რეკავს. ჩვენ გვაქვს ორი ან სამი წელი, როცა შეგვიძლია გავზარდოთ ჩვენი ძალისხმევა, მოვაგროვოთ საბრძოლო მასალა და ვაწარმოოთ იარაღი, რათა მაქსიმალურად გაზარდოს ევროპული უსაფრთხოება, მოვემზადოთ და დავრწმუნდეთ, რომ შეჭრა არ მოხდება”, – თქვა დუდამ.
მისი თქმით, მიზანია ისეთი შემაკავებელი მექანიზმის შექმნა, რომელიც უზრუნველყოფს რომ ალიანსის წევრებზე თავდასხმა არ მოხდეს: “ეს არის მთელი აზრი, რადგან არც ერთ ჩვენგანს არ სურს ომი”.
მანამდე მედიაში გავრცელდა ინფორმაცია, რომ გერმანიის სადაზვერვო სამსახურებმა მთავრობისთვის მოამზადა რუსეთის მხრიდან სამხედრო საფრთხის ანალიზი, რომელიც პროგნოზირებს, რომ “2026 წლიდან” მას შეუძლია შეტევა ჩრდილოატლანტიკური ალიანსის წევრი ქვეყნების ტერიტორიაზე.
