ბავშვი, რომელიც სირიაში, ნანგრევების ქვეშ დაიბადა დეიდამ და ბიძამ იშვილეს. ამის შესახებ ინფორმაციას BBC ავრცელებს.
პატარა საავადმყოფოდან მას შემდეგ გაწერეს, რაც დნმ-ის ტესტმა დაადასტურა, რომ დეიდა მისი სისხლით ნათესავი იყო.
“ის ახლა ჩემი ერთ-ერთი შვილია, ეს გოგონა ჩვენთვის ძალიან ბევრს ნიშნავს, რადგან ამ ბავშვის გარდა მისი ოჯახიდან არავინ დარჩენილა”, – განაცხადა გოგონას ბიძამ.
დეიდამ და ბიძამ პატარას დედის სახელი დაარქვეს. მანამდე კი ოფიციალურმა პირებმა მის სახელად “აია” შეარჩიეს, რაც არაბულად სასწაულს ნიშნავს.
ჩვილს მიწისძვრის დროს, დედა, მამა, 4 და-ძმა და დეიდა დაეღუპა. მისი შვილად აყვანის სურვილს ათასობით ადამიანი გამოთქვამდა მსოფლიოს მასშტაბით.
