იაშვილის სახელობის ბავშვთა ცენტრალური საავადმყოფოს სამედიცინო დირექტორის, თსსუ-ის პროფესორის, ივანე ჩხაიძის განცხადებით, სეზონურ ვირუსთან დაკავშირებით მოსალოდნელია ორი პიკი.
„თუ გავითვალისწინებთ სტატისტიკას კორონავირუსის პანდემიამდე არსებული ვითარების, შეგვიძლია ვთქვათ, რომ ნოემბრიდან მარტის ბოლომდე საქართველოში რესპირატორული ვირუსების მატების პერიოდია პიკით დეკემბერ-იანვარში. ასევე გვქონდა მეორე მცირე პიკი მარტის ბოლოს – აპრილის დასაწყისში. თუ ამ სტატისტიკას დავეყრდნობით იანვრის თვე იქნება მაღალი აქტივობის პერიოდი და თებერვლიდან შემთხვევის კლება უნდა აღინიშნოს“ – აღნიშნა ივანე ჩხაიძემ „მედიაცენტრ მთავართან“.
