რეჯეფ თაიფ ერდოღანის განცხადებით, რუსეთისა და უკრაინის მოლაპარაკებები სწრაფად უნდა აღდგეს და ამ პროცესით ყველა მხარე უნდა იყოს დაინტერესებული.
როგორც თურქეთის პრეზიდენტმა დიდი ბრიტანეთის პრემიერ-მინისტრ რიში სუნაკთან საუბრისას აღნიშნა, სამშვიდობო პროცესი ყველას ინტერესებში უნდა შედიოდეს.
„რუსეთსა და უკრაინას შორის მოლაპარაკებებისთვის ნიადაგის უსწრაფესად აღდგენა ყველა მხარის ინტერესებში იქნებოდა”, – აღნიშნა ერდოღანმა.
შეგახსენებთ, რომ თურქეთის პრეზიდენტის ჩართულობითა და ინიციატივით რუსეთ-უკრაინას შორის მოლაპარაკებები არაერთხელ გაიმართა და მათ შორის თურქეთშიც.