უკრაინის პრზიდენტის ინფორმაციით, Balenciaga-ს კრეატიული დირექტორი დემნა გვასალია United24-ის ელჩი გახდა “უკრაინის აღდგენის” მიმართულებით. როგორც ვოლოდიმირ ზელენსკი აცხადებს, ამ გადაწყვეტილების მიზანი იძულებით გადაადგილებული უკრაინელების დახმარებაა.
“Balenciaga-ს კრეატიული დირექტორი დემნა გვასალია ჩვენი ფანდრაიზინგის პლატფორმის United24-ის ელჩი გახდა “უკრაინის აღდგენის” მიმართულებით, რათა დროებით იძულებით გადაადგილებულ პირებს დაეხმაროს. BALENCIAGA-მ სპეციალური სვიტერი შექმნა პლატფორმის მხარდასაჭერად. ასეთი სვიტერების გაყიდვიდან მიღებული მოგების 100% გადაირიცხება “უკრაინის აღდგენის” მიმართულებით”, – აცხადებს ვოლოდიმირ ზელენსკი.