უკრაინის პირველი ლედი ოლენა ზელენსკა უკრაინაში იმყოფება. მან დღეს კონგრესში შეხვედრა განმარტა, სადაც, მისი მეუღლის, უკრაინის პრეზიდენტის ანალოგიურად, ამერიკას მეტი იარაღი სთხოვა.
„სამწუხაროდ, ომი არ დასრულებულა, ტერორი გრძელდება. მოგმართავთ ყველას სახელით, ვინც დაიღუპნენ, იმ ადამიანების სახელით, რომლებმაც დაკარგეს ხელები და ფეხები, მათ სახელით, ვინც ჯერ კიდევ ცოცხლები და კარგად არიან და ვინც ელოდება ოჯახების დაბრუნებას ფრონტიდან. ვითხოვ ისეთ რამეს, რისი თხოვნაც არასდროს მენდომებოდა, ვითხოვ იარაღს“, – განაცხადა უკრაინის პირველმა ლედიმ კონგრესში სიტყვით გამოსვლისას.
ოლენა ზელენსკას განცხადებით, მეტი იარაღი იქნება მეტი იმედი იმისა, რომ ომი მალე დასრულდება.
„არ ვიცი, შეძლებს თუ არა ჩემი შვილი სკოლაში დაბრუნებას; არ ვიცი, შეძლებს თუ არა ჩემი ქალიშვილი სასწავლო წლის დასაწყისში უნივერსიტეტში სწავლას და ნორმალურ სტუდენტურ ცხოვრებას. მე არ შემიძლია პასუხის გაცემა. საჰაერო თავდაცვის სისტემების ქონის შემთხვევაში კი ჩვენ გვექნებოდა პასუხები“ – განაცხადა უკრაინის პირველმა ლედიმ.
ოლენა ზელენსკამ ამერიკის შეერთებულ შტატების მადლობა გადაუხადა იმ ძალისხმევისთვის, რაც უკრაინის დასახმარებლად კეთდება.
