„როგორც კომუნისტური პარტია აიკრძალა თავის დროზე, ისევე უნდა აიკრძალოს „ქართული ოცნება“, – ამის შესახებ “ტრიბუნას” ლიდერმა, დავით ჭიჭინაძე განაცხადა. მისი თქმით, მმართველი გუნდის ყოველი ქმედება დამღუპველია ქვეყნისთვის.
„როგორც კომუნისტური პარტია აიკრძალა თავის დროზე, ისევე უნდა აიკრძალოს „ქართული ოცნება“. იმდენად დამღუპველია ქვეყნისთვის და ხალხისთვის ყველა მათი მოქმედება. თან, რაც ამათ გააკეთეს, არავის და არასოდეს უქნია – ერი დაცალეს, გამოშიგნეს ფაქტიურად! იკრიბებიან კომუნისტურ სახალხო ყრილობებზე და საბჭოური, დესპოტური მეთოდებით მოქმედებენ. მოკლედ, ვისაც ამ არალეგიტიმური პარლამენტის ყურება სიამოვნებს, ცირკში იარონ ჯობია, ის უფრო შინაარსია, ხოლო ვისაც ნამდვილად რაღაცის შეცვლა უნდა, ისინი რუსთაველზე იყვნენ 20 ივნისს და 24-ში უფრო მეტი უნდა მოვიდეს”,- განაცხადა ჭიჭინაძემ.
