17 მაისს, ლგბტ თემის საწინააღმდეგო აქციაზე დაზარალებულებს საქართველოს ბიუჯეტმა 193 500 ევრო უნდა გადაუხადოს. აღნიშნული გადაწყვეტილება ადამიანის უფლებების ევროპულმა სასამართლომ მიიღო.
საუბარია 2013 წლის 17 მაისის საქმეზე, რომლის სახელწოდებაა – „ქალთა ინიციატივების მხარდამჭერი ჯგუფი და სხვები საქართველოს წინააღმდეგ.“ განაჩენის მიხედვით, დაზარალებულებმა 193 500 ევროს სახით ფულადი დახმარება უნდა მიიღონ.
ევროპული სასამართლოს დადგენილებით, დაზარალებულებთან დაკავშირებით დაირღვა ადამიანის უფლებათა კონვენციის მე-3 მუხლი, რაც არაადამიანურ და დამამცირებელ მოპყრობას გულისხმობთ; ასევე. მე- 14 მუხლი, რომელიც დისკრიმინაციას ეხება და მე-11 მუხლი, რომელიც შეკრების თავისუფლებას უკავშირდება.
სასამართლოს გადაწყვეტილებით, სახელმწიფომ ვერ უზრუნველჰყო ლგბტ თემის დაცვა დემონსტრანტებისგან.
