„ანტისაოკუპაციო მოძრაობის“ ლიდერი სოციალურ ქსელში ფოტოებს აქვეყნებს და პოსტს წერს, როგორც ქაცარავა ამბობს ოკუპირებული ტერიტორიის სიახლოვეს აღმოაჩინეს ჭურვი და ამის შესახებ ინფორმირებულია სახელმწიფო უსაფრთხოების სამსახური:
ლოკაციას შეგნებულად არ ვასახელებთ.
„ჩვენი ერთ-ერთი ბოლო პატრულირების დროს, ოკუპაციის ხაზის მიმდებარედ, აღმოვაჩინეთ აუფეთქებელი ჭურვი СПГ-9.
ტროლების და ქოცაქტივისტბოტების საყურადღებოდ: შესაბამისი სტრუქტურები მყისიერად ჩავაყენეთ საქმის კურსში, მივიყვანეთ კონკრეტულ ადგილას, ვაჩვენეთ.
დიდი იმედი მაქვს, ეს ჭურვი უკვე განაღმულია.
ასე რომ მხოლოდ ერთი არგუმენტი გრჩებათ – ეს ჭურვი ჩვენ მივიტანეთ, დავდეთ და მერე დავუძახეთ პოლიციას. რისთვის? რა თქმა უნდა, თავს ვიპიარებთ. და რა თქმა უნდა, ხელისუფლებამ უნდა აღკვეთოს ჩვენი პროვოკაციები.
ასე რომ, შეგიძლიათ ეს პოსტი “გაატაროთ” , და ბოლოს:
ეს ჭურვი ერთმნიშვნელოვნად მიტანილი და დადებულია, მისი “შემთხვევით” იქ “მოხვედრა” გამორიცხულია.
პ.ს. მომავალ კვირაში გავაკეთებთ სპეციალურ განცხადებას ბორდერიზაციის ახალი ეტაპის შესახებ,“ -წერს ქაცარავა.
