დღე: ოქტომბერი 20, 2022

,,ლუკაშენკოს რეჟიმი რუსეთის ომის თანამონაწილე გახდა, ევროკავშირი მოუწოდებს ბელარუსს, თავი შეიკავოს ასეთი ქმედებებისგან, ყველა, ვინც მონაწილეობს ამ ომში, პასუხს აგებს,”- ამის შესახებ ევროკომისარმა, ოლივერ ვარჰეიმ ევროპარლამენტის პლენარულ სხდომაზე განაცხადა. ვარჰეი ბელარუსს  აფრთხილებს, არ მიიღოს პირდაპირი მონაწილეობა რუსულ ომში, რომელსაც ევროკავშირის მხრიდან სანქციები მოჰყვება. „ადამიანის უფლებების უხეში დარღვევის ზრდის გარდა, ლუკაშენკოს რეჟიმი უკრაინის წინააღმდეგ რუსეთის ომის თანამონაწილე გახდა. ევროკავშირმა კატეგორიულად დაგმო ბელარუსის ჩართვა უკრაინის წინააღმდეგ აგრესიაში, მოუწოდა ბელარუსს, თავი შეიკავოს ასეთი ქმედებებისგან და შეასრულოს საკუთარი საერთაშორისო ვალდებულებები, მათ შორის, დაიცვას ბირთვული გაუვრცელებლობის ხელშეკრულება. მოვუწოდებთ ბელარუსის ხელისუფლებას, თავი შეიკავონ ამ დანაშაულებრივ ქმედებებში ქვეყნის…

ჩეჩნეთის ლიდერი, რამზან კადიროვი ამტკიცებს, რომ  მისი სამი არასრულწლოვანი ვაჟი უკრაინაში, ფრონტის ხაზზე იმყოფება. კადიროვის თქმით, მისი ვაჟები “რამდენიმე დღეა, ჩეჩნეთის რესპუბლიკის დელეგაციის შემადგენლობაში, აქტიურად ეძებენ იჩქერიის ბატალიონების წევრებს”. ,,ახმათი, ელი და ადამი ეწვივნენ ფრონტის ხაზს, სადაც ამჟამად სასტიკი ბრძოლები მიმდინარეობს უკრაინელ ნაციონალისტებთან. როგორც ჩეჩენ ჯარისკაცებს შეეფერებათ, ისინი მაშინვე საქმეს შეუდგნენ”, – განაცხადა კადიროვი. ცნობისთვის, 3 ოქტომბერს კადიროვმა გამოაცხადა, რომ თავის არასრულწლოვან შვილებს უკრაინის ფრონტის ხაზზე უშვებდა. მისი შვილები ახმატი, ელი და ადამი 16, 15 და 14 წლისები არიან. კადიროვის თქმით, მათი სამხედრო მომზადება ადრეულ ასაკში დაიწყო.

,,ევროპამ უსაფრთხოების ახალი სისტემა რუსეთის გარეშე უნდა ააშენოს,” – ამის შესახებ სტრასბურგში ევროპარლამენტის პლენარულ სხდომაზე ევროკომისარმა, ოლივერ ვარჰეიმ განაცხადა. მისივე თქმით, პრაღის სამიტის მონაწილეებმა აღიარეს, რომ უკრაინაში რუსეთის შეჭრა გახდა პირდაპირი თავდასხმა ევროპულ და გლობალურ წესრიგზე. „შეხვედრის დროს დაისვა მთავარი კითხვა – რა პრინციპებით უნდა მოვაწყოთ პოლიტიკური წესრიგი და უსაფრთხოება ევროპაში? უახლოეს მომავალში შეუძლებელია, წარმოვიდგინოთ უსაფრთხოების ახალი წესრიგი ან მშვიდობის ახალი არქიტექტურა ევროპაში, სადაც რუსეთი შეიძლება, იყოს განუყოფელი ნაწილი. ის რჩება გეოგრაფიულ მეზობლად და საერთაშორისო სისტემის წევრად, მაგრამ ახლა ჩვენ უნდა ავაშენოთ ახალი ევროპული უსაფრთხოების წესრიგი კრემლის გარეშე“, – განაცხადა…

უკრაინის შეიარაღებული ძალების გენერალური შტაბი რუსი ოკუპანტების სამხედრო დანაკარგის შესახებ განახლებულ ინფორმაციას ავრცელებს. გენშტაბის ინფორმაციით, ოკუპანტებმა ომის დაწყებიდან დღემდე, დაახლოებით 66 650 ჯარისკაცი დაკარგეს. გენშტაბის ცნობით, ოკუპანტების სამხედრო დანაკარგი ასეთია:​ ჯარისკაცი – დაახლოებით 66 650; ​ტანკი – 2 567; ჯავშანტექნიკა – 5 255; საარტილერიო სისტემა – 1 646; სარაკეტო სისტემა – 372; საზენიტო საბრძოლო სისტემა – 189; თვითმფრინავები – 296; ვერტმფრენი – 243; ოპერატიულ-ტაქტიკური უპილოტო საფრენი აპარატი – 1 311; საკრუიზო რაკეტები – 329; საავტომობილო ტექნიკა და საწვავის ავზები – 4 005; გემი/ნავი/კატარღა – 16; სპეციალური აღჭურვილობა – 147.

ომის შესწავლის ინსტიტუტის ექსპერტების განცხადებით, ​ხერსონში არსებულ ვითარებასთან დაკავშირებული  რუსი მაღალჩინოსნების განცხადებები საინფორმაციო ფონის წინასწარ შექმნას ჰგავს, რითაც შემდეგ ტერიტორიიდან გასვლას გაამართლებენ. ექსპერტების პროგნოზით, რუსული ძალები შეეცდებიან კახოვკის ჰიდროელექტროსადგურის დამბის დაზიანებას და ამით, ერთი მხრივ, გადაფარავენ უკან დახევას და მეორე მხრივ, შეანელებენ უკრაინელების წინსვლას ტერიტორიის დატბორვითა და წინაღობის შექმნით. მათივე განცხადებით, დამბის დარღვევისა და მისგან გამოწვეული მსხვერპლისთვის ბრალს უკრაინას დასდებენ. როგორც ექსპერტები აღნიშნავენ, ოკუპირებული ტერიტორიებიდან მოსახლეობის „ევაკუაცია“, რეალურად მათი გამოსახლება და რუსეთში გადასახლებაა, რასაც რეგიონის ეთნიკური წმენდა უდევს საფუძვლად.

შეერთებული შტატების პრეზიდენტის ჯო ბაიდენის განცხადებით, ვლადიმერ პუტინი გრძნობს, რომ ის წარმოუდგენლად რთულ ვითარებაში. ამის შესახებ ბაიდენმა თეთრ სახლში გამართულ ბრიფინგზე განაცხადა. ,,ვფიქრობ, ვლადიმერ პუტინი გრძნობს, რომ ის წარმოუდგენლად რთულ ვითარებაშია. ეს ჩემთვის იმაში გამოიხატება, რომ როგორც ჩანს, მისი ერთადერთი ხელმისაწვდომი ინსტრუმენტი უკრაინაში ცალკეული მოქალაქეებისადმი სასტიკი მოპყრობაა. ამით პუტინი ცდილობს, რომ ისინი დააშინოს და დანებება აიძულოს. თუმცა, ისინი ამის გაკეთებას არ აპირებენ”.

უკრაინის პრეზიდენტმა, ვოლოდიმირ ზელენსკიმ რუსი ოლიგარქებისა და რუსული კომპანიების წინააღმდეგ სანქციების დაწესების შესახებ ორ განკარგულებას მოაწერა ხელი. ამის შესახებ უკრაინის უსაფრთხოებისა და თავდაცვის საბჭოს მდივანმა, ალექსეი დანილოვმა უკრაინული მედიის ეთერში განაცხადა. „დღეს უკრაინის პრეზიდენტმა სანქციების ამოქმედების შესახებ ორ განკარგულებას მოაწერა ხელი, რომლებიც შემუშავებული იყო უსაფრთხოებისა და თავდაცვის საბჭოს მიერ. ეს ძალიან დიდი, რთული და შრომატევადი სამუშაო იყო. მას შემდეგ, რაც დღეს ეს სანქციები გამოქვეყნდება, ვფიქრობ, იქ რუსეთის ფედერაციის ოლიგარქების საკმაოდ მოულოდნელი გვარები იქნება და ძალიან ბევრი კომპანია, საწარმო”, – განაცხადა დანილოვმა.