მიხეილ სააკაშვილის ძმები, ამ წუთებში ჟურნალისტებს ხვდებიან და საგანგებო განცხადებას აკეთებენ. როგორც სააკაშვილის უფროსი ძმა აცხადებს, თუ სახელმწიფო კვალიფიციურ ადგილობრივ ექიმებს არ ენდობა, მოიწვიონ უცხოელი სპეციალისტები, რომლებიც მიხეილ სააკაშვილის მდგომარეობაზე დასკვნას დადებენ.
„მოგვიტევეთ, ემოციური ფონი მაღალია. საქმე ეხება ჩვენს ძმას. სახალხო დამცველთან არსებულმა კვალიფიციურ ექიმთა ჯგუფმა დადო დასკვნა მიშას ჯანმრთელობის შესახებ, რამაც ყველა დაგვარწმუნა მისი ჯანმრთელობის სავალალო მდგომარეობის შესახებ. ეს უკვე კარგადაც ჩანდა ვიზუალურად ბოლო პროცესების მიმდინარეობისას. ოჯახმა ექიმებთან ერთად მივმართეთ მთავრობას, საზოგადოებას და ავუხსენით რისკები, რამაც შეიძლება გამოიწვიოს ფატალური შედეგი. ამას მოყვა გონივრული ვადა და ეს ყველაფერი გავაკეთე იმისთვის რომ გვჯეროდა კეთილგონიერების და ჰუმანურობის, რომ სახელმწიფო ვალდებულია დაიცვას სიცოცხლის უფლება.
დაგემართათ ხალხო, საერთოდ რა ხდება? ჩვენს დავინახეთ ქილიკი, ღლიცინი, ცილების მიღებაზე, კვერცხების მიღებაზე და იგნორირება ექიმების დასკვნის. თუ ჩვენ არ ვენდობით ჩვენს მოქალქეებს, ექიმებს, მაშინ, მოვიწვიოთ საერთაშორისო კვალიფიციური სპეციალისტები. რომლებიც გადახედავენ მის მდგომარეობას და ამის მიხდვით გადაწყვიტეთ“ – აცხადებს სააკაშვილის ოჯახი, რომელიც მედიას მოქმედების სტრატეგიას აცნობს.
