დღე: მაისი 23, 2024

რაჭაში, ავტოსაგზაო შემთხვევის შედეგად დაშავებული კიდევ ერთი მგზავრი გარდაიცვალა. მოქალაქე კლინიკაში დაზიანებებით შეიყვანეს, თუმცა ექიმებმა მისი გადარჩენა ვერ შეძლეს. ბოლო ინფორმაციით, ამბროლაურის კლინიკაში ხუთი ადამიანი რჩება, ოთხი კი სხვადასხვა კლინიკაში გადაიყვანეს. შემთხვევა, სოფელ აგარასთან, დილით მოხდა. თბილისის მიმართულებით მოძრავი სამარშრუტო ტაქსი გზიდან გადავარდა. შემთხვევის შედეგად, ერთი პირი ადგილზე დაიღუპა. მომხდარზე გამოძიება დაიწყო.

საქართველო დამოუკიდებლობის დღის აღსანიშნავად ემზადება. 26 მაისს, 106 წლის წინ პირველი რესპუბლიკის დაარსებას, 33 წლის წინ კი რუსეთის საბჭოთა ოკუპაციიდან დამოუკიდებლობის აღდგენა აღინიშნება. ქვეყნის 18 ქალაქში მასშტაბური ღონისძიებები გაიმართება. წვევამდელები ფიცს ერთდროულად ქვეყნის 6 ქალაქში დადებენ. ღონისძიებები თბილისში პირველი რესპუბლიკის მოედნიდან დაიწყება და კულმინაციას თავისუფლების მოედანზე მიაღწევს. 17:10 საათზე, იმ დროს, როდესაც ეროვნულმა საბჭომ საქართველოს დემოკრატიული რესპუბლიკის დამოუკიდებლობა გამოაცხადა, საქართველოს ყველა ცენტრალურ მოედანზე სახელმწიფო ჰიმნი აჟღერდება. წელს საქართველო დამოუკიდებლობის დღეს ისტორიაში პირველად, ევროკავშირის კანდიდატი ქვეყნის სტატუსით ხვდება.

უკრაინაში დაღუპული 36 წლის სერგო გორნაკაშვილი საბრძოლო მოქმედებებში ომის დაწყების პირველივე დღეებიდან იყო ჩართული. ის უკრაინაში ცხოვრობდა და 2012 წლიდან მოქალაქეობაც ჰქონდა მიღებული, წარმოშობით კი ახმეტის მუნიციპალიტეტის სოფელ ომალოდან იყო. დედაც და ცოლიც უკრაინის მოქალაქეები არიან. გორნაკაშვილს გავლილი აქვს სამხედრო წვრთნა აშშ-ის ბაზაზე, იყო ფეხბურთელი, აქტიურად უჭერდა მხარს ჯოხარ დუდაევს ჩეჩნეთ-რუსეთის ომის დროს. როგორც მისი ოჯახის ახლობელი ამბობს, ის ხარკოვის მიმართულებით ბრძოლისას, იმ დროს დაიღუპა, როდესაც თანამებრძოლების გადარჩენას ცდილობდა. ,,ყოველთვის იბრძოდა წინა ხაზზე. სულ გვქონდა კონტაქტი, თუ სად იყო… ხარკოვში, წინა ხაზზე ყოფნის დროს გადმოჰყავდა დაჭრილი თანამებრძოლები. ერთი გადმოიყვანა და…

,,ისინი იბრძვიან სწორედ ჩვენი ქვეყნის ევროპული მომავლისათვის, აქტიურად არიან ჩართული ამაში და სწორედ სტუდენტები არიან ისინი, ვისაც ჩვენ მომავალში უნდა ვანდოთ ჩვენი სახელმწიფოს მართვა და ბუნებრივია პასუხისმგებლობა გვაქვს ჩვენ სტუდენტების წინაშე”- ამბობს მაია კოპალეიშვილი, საკონსტიტუციო სასამართლოს ყოფილი მოსამართლე, პროფესორი და პარტია “ახალის” წევრი, რომელმაც გამჭვირვალობის შესახებ კანონის საწინააღმდეგო აქციების მონაწილე გაფიცულ სტუდენტებს დღეს თსუ-ს ეზოში საჯარო ლექცია ჩაუტარა. სტუდენტები, რომლებიც საჯარო ლექციას დაესწრნენ, ამბობენ, რომ ამგვარი აქტივობებით სურთ ხელისუფლებას დაანახონ, რომ ევროპული მომავლისთვის ბრძოლის შეწყვეტას არ აპირებენ. შეგახსენებთ, რომ სტუდენტებმა საპროტესტო კვირეული გამოაცხადეს, რომლის ფარგლებშიც მსვლელობებს და პერფორმანსებს აწყობენ. ახალგაზრდები…

თბილისში საზაფხულო ბაღების რაოდენობა 45-დან 50-მდე გაიზრდება. ამის შესახებ დედაქალაქის მერმა კახა კალაძემ თბილისის მუნიციპალიტეტის მთავრობის სხდომაზე განაცხადა. როგორც მან აღნიშნა, საზაფხულო ბაღებში ბავშვების რეგისტრაცია 5 ივნისს, 10:00 საათიდან დაიწყება და ელექტრონულად წარიმართება. „თბილისში საზაფხულო ბაღების პროექტში წელს სიახლე გვაქვს – ივლისში დედაქალაქში 45-ის ნაცვლად, 50 საბავშვო ბაღი იმუშავებს და 18 000-მდე აღსაზრდელს მოემსახურება. საზაფხულო ბაღებში რეგისტრაცია ელექტრონულად წარიმართება თბილისის საბავშვო ბაგა-ბაღების მართვის სააგენტოს ვებგვერდზე – kids.org.ge. რეგისტრაცია დაიწყება 5 ივნისს, 10:00 საათიდან და გაგრძელდება ივნისის ბოლომდე. ბაღებში ჩაირიცხებიან თბილისის ბაღებში რეგისტრირებული, 2-დან 6 წლამდე ასაკის აღსაზრდელები, მათ შორის ისინი,…

საქართველოს პროკურატურამ ქალაქ რუსთავში მეუღლისა და მეუღლის დედის დამამძიმებელ გარემოებებში ჩადენილი განზრახ მკვლელობის ფაქტზე ერთ პირს ბრალდება წარუდგინა. ,,შინაგან საქმეთა სამინისტროს მიერ ჩატარებული გამოძიებით დადგინდა, რომ 22 მაისს, რუსთავში, ბრალდებულმა მეუღლეს და მეუღლის დედას, რომლებიც ჩვილ ბავშვთან ერთად საბავშვო ეტლით გადაადგილდებოდნენ, გენდერის ნიშნით,შეუწყნარებლობის მოტივით,სანადირო თოფიდან მრავალჯერადი გასროლით, გულ-მკერდის არეში სიცოცხლისთვის სახიფათო, მძიმე ხარისხის დაზიანებები მიაყენა, რის შედეგადაც ორივე მათგანი შემთხვევის ადგილზე გარდაიცვალა. სამართალდამცველებმა ბრალდებული იმავე დღეს დააკავეს. მას ბრალდება საქართველოს სისხლის სამართლის კოდექსის 11 პრიმა, 109-ე მუხლის ,,ბ’’, ,,თ’’, ,,კ’’ და ,,ლ’’ ქვეპუნქტებით (ოჯახის ორი წევრის განზრახ მკვლელობა, ჩადენილი გენდერის…

„ნებისმიერ შემთხვევაში, რაიმე კონტექსტში მკვლელობის მცდელობის ფაქტის ხსენება გამაოგნებელია“- განაცხადა შალვა პაპუაშვილმა. პარლამენტის თავმჯდომარის განცხადებით, ის ამ საუბრის შესახებ ინფორმირებულია, თუმცა დეტალებზე ვერ ისაუბრებს. “ეს თავდასხმა მოყვანილი იყო როგორც მაგალითი. ეს, რა თქმა უნდა, გამაოგნებელია. ასეთი საუბრის დროს ამ კონტექსტში, შესაძლო გავლენების შესახებ ნებისმიერი სახით ამ მაგალითის მოყვანა გამაოგნებელია”-აცხადებს პაპუაშვილი.   „ევროკომისარი დამემუქრა, “ხომ ნახეთ, ფიცოს რა დაემართა და ძალიან ფრთხილად უნდა იყოთო“”- ირაკლი კობახიძე

პოლიტიკური პარტია „ევროპელი სოციალისტები“ „უცხოური გავლენისგამჭვირვალეობის შესახებ“ კანონთან დაკავშირებით ვენეციის კომისიის დასკვნის თაობაზე განცხადებას ავრცელებს. მათი თქმით, კომისიის დასკვნა არ შეესაბამება იმ ფუნდამენტურ პრინციპებს, რომლის მიზნისთვისაც შეიქმნა ეს კომისია. „წარმოდგენილი დასკვნა მოკლებულია კანონის სამართლებრივ შეფასებებს. თუმცა, გასაკვირიც არ არის გასულ წლებში ვენეციის კომისიის მხრიდან, ერთი და იგივე საკითხზე არაერთხელ ყოფილა წარმოდგენილი განსხავებული დასკვნები. სამწუხაროდ, ვენეციის კომისია დღეს გამოყენებულია როგორც პოლიტიკური ზეწოლის შედეგად დაჩაგვრის ინსტრუმენტად ისეთ პატარა ქვეყენაში როგორიც საქართველოა და იგი აშკარად გაცდა თავისი კომპეტენციის ფარგლებს“- ვკითხულობთ განცხდებაში. პოლიტიკური პარტია მიიჩნევს, რომ რეკომენდაციის ფასი ნულია. „მიუხედავად იმისა, რომ ვენეციის კომისიის…

თბილისში, შარდენზე, ცოტა ხნის წინ, სროლა იყო. არსებული ინფორმაციით, ნასვამ მდგომარეობაში მყოფი მამაკაცი ერთს პირს დაუპირისპირდა, რა დროსაც იარაღიდან გაისროლა. როგორც თვითმხილველები ამბობენ, სროლის შედეგად ერთი ადამიანი დაიჭრა. ფაქტზე ერთი პირია დაკავებული. მომხდართან დაკავშირებით შსს-მ გამოძიება 236-ე მუხლით დაიწყო, რაც ცეცხლსასროლი იარაღის უკანონო შეძენა-შენახვა-ტარებას გულისხმობს, ასევე, 239-ე მუხლით, რაც ხულიგნობას გულისხმობს.  

არსებული ინფორმაციით, ამბროლაურის მუნიციპალიტეტში, სოფელ აგარასთან მიკროავტობუსი გზის სავალი ნაწილიდან გადავარდა. ავტოსაგზაო შემთხვევას ერთი ადამიანი ემსხვერპლა, რამდენიმე კი დაშავდა. მიკროავტობუსი, რომელიც გზიდან გადავარდა, ამბროლაური-თბილისის სამარშრუტო ხაზე მუშაობდა. მომხდარზე გამოძიება დაიწყო.

გარემოს ეროვნული სააგენტოს ინფორმაციით, 24 მაისიდან საქართველოში ამინდი მკვეთრად შეიცვლება. სინოპტიკოსების პროგნოზით, 24 მაისის დღის მეორე ნახევრიდან 26 მაისის დღის ბოლომდე ქვეყანაში მოსალოდნელია დროგამოშვებით წვიმა, აღმოსავლეთ საქართველოში ზოგან ძლიერი, შესაძლებელია ელჭექი, სეტყვა და ქარის გაძლიერება. „მოსალოდნელმა ნალექებმა საქართველოს მდინარეებზე შესაძლებელია წყლის დონეების მნიშვნელოვანი მატება, აღმოსავლეთ საქართველოს პატარა მდინარეებზე წყალმოვარდნები, ხოლო ქვეყნის გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს“, – აღნიშნულია ინფორმაციაში.

ქობულეთის შემოვლით გზაზე ავტოსაგზაო შემთხვევა მოხდა. ,,აჭარის ტელევიზიის” ცნობით, დაღუპულია შუახნის მამაკაცი, სამი მგზავრი კი დაშავებულია. ადგილზე სასწრაფო სამედიცინო დახმარების ბრიგადები და სამაშველო ეკიპაჟებია მობილიზებული. ამ დროისთვის, გზის სავალი ნაწილი გადაკეტილია.

24 მაისს, თავისუფლების მოედნიდან შინაგან საქმეთა სამინისტროს შენობის მიმართულებით მსვლელობა გაიმართება. აქციის მონაწილეები 19 საათიდან შეიკრიბებიან თავისუფლების მოედანზე. ორგანიზატორების განცხადებით, გააპროტესტებენ სამართალდამცავების მხრიდან აქტივისტების მიმართ ძალადობას, ასევე სოლიდარობას გამოუცხადებენ პროტესტის მონაწილე დაკავებულ და დაზარალებულ მოქალაქეებს. ,,რუსული კანონის” ინიცირებიდან დღემდე, შეთითხნილი ბრალდებით, პროტესტში მონაწილე 2 ასეულ ადამიანზე მეტი დააკავა პოლიციამ. ათეულობით ადამიანს მისდის საჯარიმო ქვითრები არჩადენილი სამართალდარღვევებისთვის. ასეულობით ადამიანს იბარებენ უსაფუძვლოდ დაწყებული გამოძიების ფარგლებში გამოსაკითხად. ათეულობით ადამიანი პოლიციამ სასტიკად ცემა, ზოგიერთი მათგანი დღემდე მკურნალობს. ჩვენ გვინდა სამართლებრივი სახელმწიფო, სადაც: პოლიცია დაგვიცავს; ხელისუფლების ხელში პოლიტიკური იარაღი არ იქნება; პოლიციელების შვილები იამაყებენ მათი…

22 მაისს რუსთავში, დუმბაძის ქუჩაზე, ორი ქალი მოკლეს. შემთხვევის ადგილზე იმყოფებოდა მცირეწლოვანი ბავშვიც. ცოლისა და სიდედრის მკვლელობის საქმეზე 27 წლის კაცი დააკავეს. „კვირის პალიტრასთან“ ახლობელი წყვილის ურთიერთობაზე საუბრობს და აღნიშნავს, რომ წყვილმა ოჯახი სიყვარულით შექმნა და ამ ტრაგედიის შემდეგ გახდა მათთვის ცნობილი, რომ ისინი ორი თვის გაშორებულები ყოფილან. „შოკირებულები ვართ ყველანი ამ ამბით. მარიამს და გიორგის ვიცნობდი. სიღნაღში ვცხოვრობ, გიორგი რესტორანში მოვიდა მემწვადედ და იქ გავიცანით ერთმანეთი. ჩვენთან მუშაობდა ერთი წელი. აქ მუშაობდა ასევე მარიამი, აქ გაიცნეს ერთმანეთი და მათი სიყვარულიც აქ დაიწყო. ძალიან უყვარდათ ერთმანეთი, ყველანი მათი სიყვარულის თვითმხილველები…