დღე: ივნისი 3, 2022

უკრაინის გენერალური პროკურატურის ინფორმაციით, რუსეთის სამხედრო აგრესიის შედეგად უკრაინაში 261 ბავშვია დაიღუპა, 463-ზე მეტი კი დაშავდა. პროკურატურის ცნობით, ყველაზე მეტი ბავშვი დაზარალდა დონეცკის რეგიონში – 187, კიევის ოლქში – 116, ხარკოვის ოლქში – 112, ჩერნიგოვის ოლქში – 68, ლუგანსკის ოლქში – 52, ხერსონის ოლქში – 52, ნიკოლაევის ოლქში – 47, ზაპოროჟიეს ოლქში – 29, სუმის ოლქში – 17, დედაქალაქში – 16, ჟიტომირის ოლქში -15. აღნიშნული მონაცემები საბოლოო არ არის, აქტიური საომარი მოქმედებების გამო, დაღუპულთა და დაშავებულთა ზუსტი რაოდენობის დადგენა გართულებულია.

რუსეთის წყნარი ოკეანის ფლოტმა  ერთკვირიანი წვრთნები დაიწყო, რომელშიც 40-ზე მეტი საბრძოლო ხომალდი და 20 თვითმფრინავი მონაწილეობს. წვრთნების მიმდინარეობისას  ფლოტი საზღვაო ავიაციასთან ერთად მონაწილეობას მიიღებენ მტრის წყალქვეშა ნავების სამძებრო ოპერაციებში. წვრთნებში მონაწილეობას მიიღებს: რუსეთის სარდლობის ხომალდი მარშალ კრილოვი, ფრეგატი მარშალ შაპოშნიკოვი და დიდი წყალქვეშა გემებისა და კორვეტების ჯგუფი, მცირე წყალქვეშა გემები, ნაღმსაწინააღმდეგო ხომალდები, სარაკეტო ნავები და დამხმარე ხომალდები.

აშშ-მა რუსულ კომპანიებს ახალ სანქციებს უწესებს. სანქცირებულთა სიაში 71 რუსული და ბელარუსული საწარმო მოხვდა. მათ შორის, არის რამდენიმე საავიაციო ქარხანა, გემთმშენებელი და სამეცნიერო-კვლევითი ინსტიტუტები. ,,შავ სიაში” რუსეთში ყველა დიდი საავიაციო ქარხანა მოხვდა.  სანქციები შეეხო პეტერბურგის გემთმშენებელ ინსტიტუტებს. საერთო ჯამში, რუსეთის შეიარაღებულ ძალების მხარდაჭერი 322 ორგანიზაციაა სანქცირებული ამერიკის შეერთებული შტატების მიერ.  

უკრაინის პრეზიდენტი, ვოლოდიმირ ზელენსკი მორიგ ვიდეომიმართვას ავრცელებს. ზელენსკის განცხადებით, სევეროდონეცკთან ბრძოლებში გარკვეული წარმატებებია, თუმცა საუბარი ჯერ კიდევ ნაადრევია. მისივე თქმით, რუსული მხარე ბრძოლის წინა ხაზზე რუსები აყენებენ ოკუპირებულ ტერიტორიაზე მცხოვრებ ადამიანებს. „სიტუაცია დონბასზე მნიშვნელოვნად არ შეცვლილა. სევეროდონეცკთან ბრძოლებში არის გარკვეული წარმატებები, მაგრამ საუბარი ნაადრევია. იქ სასტიკი ბრძოლა მიმდინარეობს, ასევე ბახმუტში და ლისსიჩანსკთან. ასეთი ადგილები ძალიან ბევრია, სადაც რუსეთის შეტევა გრძელდება. რუსეთი იყენებს მის ხელთ არსებულ საბრძოლო შესაძლებლობების მაქსიმუმს. ისინი არ ზოგავენ ხალხს. ყველაზე ცინიკური ის არის, რომ წინა ხაზზე რუსები აყენებენ ოკუპირებულ ტერიტორიაზე მცხოვრებ ადამიანებს. დონეცკისა და ლუგანსკის მცხოვრებლებს. რუსი სამხედროები ხშირად ასე ე.წ. მობილიზებულების ზურგს უკან იმალებიან. რაც…

უკრაინის პრეზიდენტის ოფისის ხელმძღვანელის მრჩეველის, ალექსეი არესტოვიჩის განცხადებით, უკრაინელმა ჯარისკაცებმა სევეროდონეცკში რუსული ძალები მახეში მოამწყვდია. მისივე თქმით, ოკუპანტი ქვეყნის ჯარები ახლა გამოუვალ მდგომარეობაში არიან. „უკრაინულმა არმიამ სევეროდონეცკში რუსული ძალები მახეში მოამწყვდია. ახლა რუსული სამხედრო ხელმძღვანელობა შოკშია. მათ უკვე გაუგზავნეს ანგარიში მეთაურებს, რომ ქალაქი სევეროდონეცკი აიღეს, როდესაც ჩვენმა ძალებმა ხისტი საპასუხო დარტყმა მიაყენეს და ახლა მოსკოველ ამხანაგებს ანადგურებენ საზარბაზნე ხორცივით და ეს ხდება მიუხედავად რუსების უპირატესობისა ავიაციასა და არტილერიაში. ჩვენი ჯარი აჩვენებს არაჩვეულებრივ სიმამაცეს, ხოლო მეთაურები – ტაქტიკურ ნიჭს”, – აცხადებს არესტოვიჩი.  

აშშ-ის სახელმწიფო დეპარტამენტის პრესსპიკერის, ნედ პრაისის განცხადებით, აშშ-მა მიიღო გარანტიები, რომ უკრაინა გადაცემულ სისტემებს არ გამოიყენებენ რუსეთის შიგნით მდებარე სამიზნეების წინააღმდეგ. მისი თქმით,  უკრაინას აქვს სრული უფლება უპასუხოს რუსეთის აგრესიას. „უკრაინას აქვს სრული უფლება, უპასუხოს რუსეთის აგრესიას. ფაქტი ისაა, რომ რუსეთის სამხედროები ახლა იმყოფებიან უკრაინის შიგნით, მათ სუვერენულ ტერიტორიაზე და ისინი იქ არიან სხვადასხვა ფორმით 2014 წლიდან, თუმცა ცხადია, უფრო ფართოდ 24 თებერვლიდან. ამიტომ, უკრაინას აქვს უფლება, დაიცვას საკუთარი თავი, როგორც ეს ყველა ქვეყანას აქვს. მართალია ისიც, რომ მივიღეთ გარანტიები, რომ გუშინ გადაცემულ სისტემებს არ გამოიყენებენ რუსეთის შიგნით მდებარე სამიზნეების…

უკრაინის პრეზიდენტმა, ვოლოდიმირ ზელენსკიმ სოფიას ტაძართან გამართულ ღონისძიებაზე სიტყვით გამოსვლისას განაცხადა, რომ უკრაინა მიხვდა ვინ არის ნამდვილი მეგობარი და ვინ მეგობრობს ვალის მოსახდელად. „24 თებერვლიდან უკრაინამ ძალიან ბევრი რამ გადააფასა. მიხვდა, ვინ არის ნამდვილი მეგობარი და ვინ მეგობრობს უბრალოდ ვალის მოსახდელად. ჩვენ არ გვჭირდება გულწრფელობას მოკლებული ხელის ჩამორთმევა, გულწრფელობას მოკლებული ღიმილი ეტიკეტისთვის, გულწრფელობას მოკლებული სიტყვები, რომლებიც ჩვევად იქცა. ჩვენ მზად ვართ, ვიყოთ მოკავშირეები არა პროტოკოლურად ან ეტიკეტით, არამედ სინდისით და ღირსებით. ჩვენ მზად ვართ, ვიმეგობროთ მტკიცედ და სამუდამოდ. სხვაგვარი მეგობრობა არ გვსურს. მადლობას ვუხდი ყველა ელჩს, რომელიც უკრაინაში რაც შეიძლება დიდ ხანს დარჩა. მადლობა…

ნატო-ს გენერალური მდივნის, იენს სტოლტენბერგის განცხადებით, რუსეთი უკრაინაში იმიტომ შეიჭრა, რომ ალიანსი არ გაფართოებულიყო და უკრაინა ნატო-ს წევრი არ გამხდარიყო. „პრეზიდენტ პუტინს სურდა ნაკლები ნატო და ამ საბაბით შეიჭრა უკრაინაში, მაგრამ ის მიიღებს მეტ ნატო-ს, ნატო-ს მეტი წარმომადგენლობით აღმოსავლეთ ფლანგზე, და მეტი წევრებით“ – აღნიშნავს სტოლტენბერგი. შეგახსენებთ, რომ ალიანსის წევრობისთვის ფინეთი და შვედეთიც ემზადება.  

ნატო-ს გენერალური მდივანი აცხადებს, რომ დასავლეთი მაქსიმალურად უნდა დაეხმაროს უკრაინას. მისი შეფასებით ეს ომიც, სხვა ომის მსგავსად, მოლაპარაკების მაგიდასთან დასრულდება. „ომი, თავისი ბუნებით არაპროგნოზირებადია და ამიტომ უბრალოდ უნდა ვიყოთ მზად ხანგრძლივი ომისთვის. ჩვენ ვხედავთ, რომ ეს ომი გადაიქცა ომად გამოფიტვამდე, სადაც უკრაინელები დიდ საფასურს იხდიან ქვეყნის დასაცავად ბრძოლის ველზე. ასევე ვხედავთ რუსეთს, რომელსაც დიდი დანაკარგი აქვს“ – აცხადებს იენს სტოლტენბერგი. ნატო-ს გენერალური მდივნის შეფასებით, ყველას პასუხისმგებლობაა, დაეხმაროს უკრაინას. „ომების უმეტესობა, და დიდი ალბათობით ეს ომიც, რომელიმე ეტაპზე დასრულდება მოლაპარაკებების მაგიდასთან.  ის, რაც მოხდება მოლაპარაკებების მაგიდასთან, მჭიდროდაა დაკავშირებული ბრძოლის ველზე არსებულ მდგომარეობასთან.…

​ლიეტუვას მოსახლეობამ უკრაინის დასახმარებლად 3 დღეში 6 მილიონი ევრო შეაგროვა. ეს თანხა განკუთვნილი იყო უკრაინისთვის უპილოტო საფრენი აპარატის შესაძენად, რომელიც უკრაინას სასწრაფოდ სჭირდება. უპილოტო საფრენი აპარატის შესყიდვა თურქეთში უნდა მომხდარიყო. ლიეტუვის თავდაცვის მინისტრი, არვიდას ანუსაუსკასი აცხადებს,  თურქეთი  ლიეტუვას  უპილოტო საფრენ აპარატ „ბაირაქტარს“ უფასოდ გადასცემს. „დაუჯერებელია, მაგრამ თურქეთი თანახმაა, უფასოდ გაიღოს „ბაირაქტარი“, რომლისთვისაც ლიეტუვამ ფული შეაგროვა. უკრაინელი ხალხის მიერ  შეგროვებული თანხით კი შევიძენთ „ბაირაქტარისთვის“ საჭირო საბრძოლო მასალას. დარჩენილი თანხა  გადაირიცხება უკრაინის მხარდაჭერის ფონდში“, – აღნიშნა ლიეტუვის თავდაცვის უწყების ხელმძღვანელმა.