დღე: მაისი 7, 2020

პირველ საუნივერსიტეტო კლინიკას კორონავირუსით ინფიცირებული ახალი პაციენტები არ დამატებია. ამ დროისთვის კლინიკაში „კოვიდ-19“-ით ინფიცირებული 58 პაციენტი მკურნალობს. რაც შეეხება საეჭვო შემთხვევებს, კლინიკის ხელმძღვანელის, ლევან რატიანის განცხადებით, რამდენიმე ორსულის ტესტის პასუხებს ელოდებიან. „არც ერთი ახალი შემთხვევა ამ ეტაპამდე ჩვენს კლინიკაში არ შემოსულა. შემოსულია რამდენიმე ორსული და ველოდებით ლუგარიდან მათ პასუხებს“, – განაცხადა ლევან რატიანმა. რაც შეეხება კორონავირუსით ინფიცირებულ ორ ორსულს, რატიანის განმარტებით, მათი მდგომარეობა სტაბილურია. „ხდება როგორც ქალბატონების, ისე ნაყოფების მონიტორინგი. მათ სიცოცხლესა და ნაყოფს ამ ეტაპზე საფრთხე არ ემუქრება“,- დასძინა ლევან რატიანმა.

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, საქართველოში გამოვლენილი ხუთი ახალი შემთხვევის ინფიცირების წყარო ცნობილია. მისივე თქმით, აქედან სამი კლინიკებში საკარანტინო სივრციდან გადაყვანილი პაციენტები არიან. „რაც შეხება ხუთ ახალ დადასტურებულ შემთხვევას, ყველას წყარო ცნობილია. სამი აქედან საკარანტინო სივრციდაანაა, გრძელდება მათი კონტაქტების ჩაღრმავებული ეპიდემიოლოგიური კვლევა“, – განაცხადა ეზუგბაიამ. რაც შეეხება თავად ინფექციურის მონაცემებს, ეზუგბაია ამბობს, რომ ამ დროისთვის კლინიკაში კორონავირუსით ინფიცირებული 47 პაციენტი მკურნალობს. მისივე განმარტებით, ინფექციურ საავადმყოფოს კორონავირუსის ახალი შემთხვევა არ დამატებია. გარდა ამისა, მარინა ეზუგბაიას განმარტებით, თბილისის ინფექციური საავადმყოფო გუშინ ოთხმა გამოჯანმრთელებულმა დატოვა. ჯამში ინფექციურს 79 განკურნებული პაციენტი…

საქართველოში ახალი კორონავირუსისგან კიდევ ექვსი პაციენტი გამოჯანმრთელდა. ამის შესახებ ინფორმაცია მთავრობის მიერ შექმნილ სპეციალურ ვებგვერდზე, stopcov.ge-ზე ცოტა ხნის წინ განახლდა. ვებგვერდის ინფორმაციით, ამ დროისთვის საქართველოში კორონავირუსის 615 შემთხვევაა დადასტურებული, მათ შორის გამოჯანმრთელდა 275 პაციენტი. კორონავირუსის შედეგად ქვეყანაში გარდაიცვალა ცხრა პაციენტი. უცხოეთიდან სამკურნალოდ გადმოყვანილია საქართველოს სამი მოქალაქე. კარანტინის რეჟიმში იმყოფება 5002, ხოლო სტაციონარში მეთვალყურეობის ქვეშ –485 პირი.

საქართველოში ახალი კორონავირუსის კიდევ ხუთი შემთხვევა გამოვლინდა. ამის შესახებ ინფორმაცია მთავრობის სპეციალურ ვებგვერდზე, stopcov.ge-ზე ცოტა ხნის წინ განახლდა. ვებგვერდის ინფორმაციით, ამ დროისთვის საქართველოში კორონავირუსის 615 შემთხვევა არის დადასტურებული, მათ შორის გამოჯანმრთელდა 275 პაციენტი. ამასთან, უცხოეთიდან სამკურნალოდ გადმოყვანილია საქართველოს სამი მოქალაქე. კორონავირუსის შედეგად ქვეყანაში ცხრა პაციენტი გარდაიცვალა. კარანტინის რეჟიმში 5002 მოქალაქე იმყოფება, ხოლო სტაციონარში მეთვალყურეობის ქვეშ – 485.