ბათუმის ცხელების ცენტრებში დილიდან ჰოსპიტალიზებულია კორონავირუსისთვის დამახასიათებელი საეჭვო სიმპტომების მქონე 30 პაციენტი. მათ უკვე აუღეს ანალიზები და პასუხები დღის ბოლოს გახდება ცნობილი.
აჭარის ჯანდაცვის სამინისტროს ინფორმაციით, უკვე გამოკვლეულია 5000-მდე პირი, მიმდინარეობს მიზნობრივი კვლევებიც, რომელთა რაოდენობა დღე-ღამეში 300 პირს აღემატება.
მიზნობრივ კვლევებში მალე ჩაერთვებიან ფარმაცევტები, სუპერმარკეტების თანამშრომლები და სხვა რისკჯგუფების წარმომადგენლები.
