თვე: მარტი 2020

სამეგრელო-ზემო სვანეთის სახელმწიფო რწმუნებულის, ალექსანდრე მოწერელიას ინფორმაციით, ფოთის ორივე შესასვლელთან ბლოკ-პოსტები მოეწყობა.  როგორც ალექსანდრე მოწერელიამ განაცხადა, ბლოკ-პოსტები ამ ეტაპზე საპოლიციო ძალებით შეიქმნება. „ბლოკ-პოსტებს რაც შეეხება, პოლიციამ უკვე დაიწყო ამაზე მუშაობა, ეს არის ფოთის შესასვლელი და გასასვლელი. ჯერჯერობით საპოლიციო ძალებით შეიქმნება, რა თქმა უნდა და მუნიციპალიტეტის საჯარო მოხელეების, მოხალისეების დახმარებით. თუ კი საჭირო გახდება, ყოველ წუთს შეიძლება ვითარება შეიცვალოს, ამ შემთხვევაში ჩვენი თავდაცვის ძალები ჩაერთვებიან. ეს არის დამოკიდებული ჩვენი მოქალაქეების მაღალ საზოგადოებრივ შეგნებაზე. ბლოკ-პოსტები ქალაქის შესასვლელში ნიშნავს გაძლიერებულ საპოლიციო ძალებს, ეკიპაჟებს, რომლებიც მკაცრად გააკონტროლებენ სამანქანო გადაადგილებას. იგულისხმება სოციალური დისტანციის დაცვით გადაადგილება, ერთ მანქანაში სამი ადამიანის ყოფნა“,…

თბილისის ინფექციური საავადმყოფოს სამედიცინო დირექტორის, მარინა ეზუგბაიას ინფორმსაქართველოში კორონავირუსით ინფიცირებული ორი ბავშვი გამოჯანმრთელდა. ამრიგად, საქართველოში კორონავირუსისგან 18 პაციენტი გამოჯანმრთელდა. რაც შეეხება დადასტურებულ შემთხვევებს, მათი რიცხვი ბოლო რამდენიმე საათია, არ შეცვლილა და ამ დროისთვის კორონავირუსის 90 შემთხვევაა დადასტურებული. საკარანტინო რეჟიმში 4717  მოქალაქე იმყოფება, სტაციონარში მეთვალყურეობის ქვეშ – 268.

“ოკუპირებული ტერიტორიებიდან მივიღებთ პაციენტებს და მათაც გავუწევთ ყველა სათანადო მომსახურებას”, – ამის შესახებ ჯანდაცვის მინისტრმა, ეკატერინე ტიკარაძემ რუხში განაცხადა. მისი თქმით, რუხის საავადმყოფოს დამატებით სუნთქვის 11 აპარატი გადაეცა. „დღეს რუხის საავადმყოფოში უკვე ჩამოვიტანეთ და კლინიკა აღვჭურვეთ სუნთქვის 11 აპარატით და 25 საწოლით. შევხვდით ექიმების იმ ნაწილს, რომლებიც აქ დასაქმდებიან. რა თქმა უნდა, გამოიკვეთა საკმაოდ ბევრი პრობლემატიკა იმასთან დაკავშირებით, რომ მოგვიწევს კიდევ მუშაობა ექიმების დამატებაზე. ადგილზე სამინისტრო წარმომადგენელი იქნება აუცილებლად, რომელიც თვალყურს მიადევნებს, რომ პროცესი იყოს გამართული და ყველანაირი ხარვეზის გარეშე. აღჭურვა გაგრძელდება და საბოლოო ჯამში, რუხის საავადმყოფოში გვექნება საშუალება, მივიღოთ პაციენტები, რომლებიც…

კორონავირუსთან ბრძოლაში, ზუგდიდის ინფექციური საავადმყოფოს შემდეგ, რუხის მრავალპროფილური კლინიკაც ერთვება, – სამედიცინო დაწესებულების აღჭურვის პროცესს საქართველოს პრემიერ-მინისტრი გიორგი გახარია დღეს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრ ეკატერინე ტიკარაძესთან ერთად გაეცნო. კლინიკას, რომელიც ერთდროულად 100 პაციენტის მომსახურებას შეძლებს, ხელოვნური სუნთქვის აპარატები გადაეცა, რაც ძალიან მნიშვნელოვანია კორონავირუსისგან გამოწვეული მძიმე შემთხვევების სამკურნალოდ. ჯანდაცვის მინისტრის ინფორმაციით, საჭირო აპარატურით და საწოლებით საავადმყოფოს აღჭურვა რამდენიმე დღეში დასრულდება. „ეს არის მრავალფუნქციური საავადმყოფო საკმაოდ სერიოზული შესაძლებლობებით. ის დღემდე გაშვებული არ იყო და ვინაიდან დღეს გვაქვს სერიოზული გამოწვევები, ნახეთ რამდენად სწრაფად შეიძლება ამ საავადმყოფოს ამოქმედება. უახლოეს დღეებში კლინიკა შეძლებს, მოემსახუროს კორონავირუსით პოტენციურად…

საქართველოს ჯანდაცვის მინისტრის ეკატერინე ტიკარაძის ინფორმაციით, ქვეყანაში კორონავირუსით ინფიცირებული კიდევ ორი პაციენტი განიკურნა. როგორც ჯანდაცვის მინისტრმა განაცხადა, ამ ეტაპზე საქართველოში კორონავირუსისგან 16 პაციენტი განიკურნა. „ამ ერთი თვის მანძილზე ყველა შეკავების ღონისძიება იყო წარმატებულად განხორციელებული. დღეის მდგომარეობით, უკვე გამოჯანმრთელებულია 16 პაციენტი. ეს, რა თქმა უნდა, მიუთითებს სწორ ნაბიჯებზე და ყველა ის გაიდლაინი, რომელიც გამოყენებულია საქართველოში, წარმატებით მუშავდება ჩვენი ექიმების მხრიდან“, – განაცხადა ეკატერინე ტიკარაძემ. ბოლო მონაცემებით, საქართველოში კორონავირუსის ​85 დადასტურებული შემთხვევაა. კარანტინის რეჟიმშია 4535 ადამიანი, ხოლო სტაციონარში მეთვალყურეობის ქვეშ – 276.

თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის, ლევან რატიანის ინფორმაციით, კლინიკაში მოთავსებული სამი ახალშობილიდან კორონავირუსი არც ერთს არ დაუდასტურდა. მისი თქმით, ახალშობილების მდგომარეობა ამ ეტაპზე არის სტაბილური. „რაც შეეხება სამ ახალშობილს, სამივესთან მოვიდა უარყოფითი ტესტი, მათი მდგომარეობა ამ ეტაპამდე სტაბილურია. არც ერთი მათგანი არ იმყოფება ფილტვის ხელოვნურ ვენტილაციაზე,  მკურნალობა მიდის სტანდარტის მიხედვით“, – განაცხადა რატიანმა.

“როდესაც გაჩნდა ეს გლობალური საფრთხე, კორონავირუსთან დაკავშირებული, აფხაზეთის საზოგადოებამ, იქ მცხოვრებმა ადამიანებმა, პირველ რიგში, ექიმებმა, ატეხეს განგაში, რომ აფხაზეთი არის დაუცველი და მოუმზადებელი ასეთ საშინელ ვირუსთან საბრძოლველად”, – ამის შესახებ აფხაზეთის ავტონომიური რესპუბლიკის უმაღლესი საბჭოს თავმჯდომარემ, ჯემალ გამახარიამ “მედიაცენტრ მთავარში” გამართულ პრესკონფერენციაზე განაცხადა.  მისი თქმით, ჯერ კიდევ ე.წ. საპრეზიდენტო არჩევნებამდე მოსახლეობა დე-ფაქტო მთავრობას მოუწოდებდა მიეღოთ ზომები, მაგრამ, ვინაიდან მათ ე.წ. არჩევნები ჰქონდათ წინ, 22 მარტამდე სერიოზული ზომები არ მიუღიათ. “ეს ყველაფერი კიდევ უფრო ზრდიდა მოსახლეობაში განცდას, რომ ისინი დაუცველები არიან და დღე დღეზე მათ კარზე მოადგებათ ის უბედურება, რაც მთელს მსოფლიოს. დე-ფაქტო მთავრობა იძულებული…

კორონავირუსით ინფიცირებული ერთი ახალი პაციენტი თბილისის ინფექციურ საავადმყოფოში გვიან ღამით შეიყვანეს. ამის შესახებ თბილისის ინფექციური საავადმყოფოს სამედიცინო დირექტორმა, მარინა ეზუგბაიამ განაცხადა. მისივე თქმით, ეს შემთხვევა უცხოეთში მოგზაურობას არ უკავშირდება, თუმცა პაციენტს სამსახურში უცხოელებთან ჰქონდა კონტაქტი. „გვიან ღამით ერთი ახალი პაციენტი შემოგვემატა. ამ დრომდე ჩვენთან 33 პაციენტი მკურნალობს. გვყავს 4 მძიმე პაციენტი, აქედან ორის მდგომარეობა კრიტიკულად მძიმეა. შემოსული ახალი პაციენტის მდგომარეობაც მძიმეა, თუმცა მასთან დაკავშირებით მეტის თქმას მოგვიანებით შევძლებ. ჩემი ინფორმაციით, ახალი შემთხვევა უცხოეთში მოგზაურობას არ უკავშირდება, თუმცა სამსახურში უცხოელებთან ჰქონდა კონტაქტი. რაც შეეხება არასრულწლოვნებს, მათი ჯანმრთელობის მდგომარეობა დამაკმაყოფილებელია, ალბათ, მათაც…

საქართველოში კორონავირუსით ინფიცირების შემთხვევათა რაოდენობა 85-მდე გაიზარდა. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული. ოფიციალური ინფორმაციით, საქართველოში ამ დროისთვის კორონავირუსის 85 შემთხვევაა დადასტურებული, მათ შორის, გამოჯანმრთელებულია 14 პაციენტი. ამასთან, კარანტინის რეჟიმში რჩება 4641 პირი, ხოლო სტაციონარში მეთვალყურეობის ქვეშ – 239.

ჯანდაცვის სამინისტრომ გამოსცა ბრძანება, რომლის მიხედვითაც, სტომატოლოგიურ კლინიკებს, გარდა მწვავე შემთხვევებისა, მუშაობა შეეზღუდათ.  “ეს რეკომენდაცია ეხება სტომატოლოგიური სერვისების მიმწოდებელ ყველა დაწესებულებას. გამომდინარე იქიდან, რომ სტომატოლოგია მაღალი რისკის შემცველი საქმიანობაა, პირველ მაისამდე გადაიდო გეგმიური ვიზიტები. ეს არ ეხება გადაუდებელ შემთხვევებს”, – განაცხადა სტომატოლოგთა ასოციაციის პრეზიდენტმა, ქეთი გოგილაშვილმა. მისი თქმით, კლინიკებმა ყველა ტიპის პაციენტი უნდა მიიღოს, მათ შორის, საჭიროების შემთხვევაში, კორონავირუსით დაინფიცირებული ადამიანებიც. “სტომატოლოგებს მოვუწოდებ, ყველა ტიპის პაციენტი მიიღონ. ინფიცირებული ადამიანები, რა თქმა უნდა, კლინიკებმა უნდა მივიღოთ. აქ არის ძალიან მკაცრად განსაზღვრული რეკომენდაციები და ინფექციების გადაცემის მკაცრი პრევენციული ღონისძიებებიც უნდა ჩატარდეს. გვაქვს სპეციალური…

ქუთაისის ინფექციურ საავადმყოფოში კორონავირუსის მეორე შემთხვევა დაფიქსირდა. არსებული ინფორმაციით, ვირუსი 73 წლის მამაკაცს დაუფიქსირდა. მამაკაცი საფრანგეთიდან ჩამოვიდა და ოჯახთან ერთად თვითიზოლაციაში იმყოფებოდა. აღსანიშნავია, რომ მამაკაცს ტემპერატურა და ორმხრივი პნევმონია აქვს, მისი მდგომრეობა შედარებით მძიმეა. საქართველოში, ამ ეტაპზე 82 ადამიანია კორონავირუსით ინფიცირებული. აქედან 14 კი გამოჯანმრთელებული.

თბილისის ინფექციური საავადმყოფო კორონავირუსიგან გამოჯანმრთელებულმა კიდევ ერთმა პაციენტმა დატოვა. შესაბამისად, ამ დროისთვის ქვეყანას ჯამში 14 გამოჯანმრთელებული ჰყავს. „ამ ეტაპზე ჩვენთან მკურნალობს 32 პაციენტი, 13-მა პაციენტმა დატოვა ჩვენი კლინიკა. დღეს გითხარით, რომ 12-მა პაციენტმა დატოვა, მე-13 პაციენტის მდგომარეობაც შეფასდა, მისი კლინიკური მონაცემები და რადიოლოგიური მონაცემები საშუალებას იძლეოდა, მასაც დაეტოვებინა კლინიკა და გაეწერა ბინაზე, თვითიზოლაციაში ორი კვირის  განვლობაში. ყველა პაციენტი, რომელიც ტოვებს კლინიკას გაჯანმრთელებული, მიუხედავად ამისა, ისინი აგრძელებენ თვითიზოლაციაში ყოფნას ორი კვირის განმავლობაში“ ,- განაცხადა ეზუგბაიამ.

კორონავირუსით დაინფიცირებულთა რაოდენობა დღის განმავლობაში არ შეცვლილა. ამის შესახებ ინფექციური საავადმყოფოს კლინიკურმა დირექტორმა, მარინა ეზუგბაიამ განაცხადა. “დილის შემდეგ სიტუაცია არ შეცვლილა. შესაბამისად, როგორც დილით, ამჯერადაც 81 კორონავირუსის შემთხვევა გვაქვს. მათგან ჩვენს კლინიკაში 32 ადამიანი მკურნალობს. 13 პაციენტმა კი უკვე დატოვა ჩვენი კლინიკა. ყველა გამოჯანმრთელებული პაციენტი, რომელიც კლინიკას ტოვებს, თვითიზოლაციის პერიოდს აგრძელებს 2 კვირის განმავლობაში.  რაც შეეხება ბოლო დაინფიცირებული პაციენტების მდგომარეობას, ის უცვლელია. მინდა აღვნიშნო, რომ ჩვენ ამ ეტაპზე სულ 4 მძიმე პაციენტი გვყავს, მათგან ერთი ასაკოვანი ქალბატონი კი, შედარებით მძიმედ არის. დანარჩენი 3 პაციენტის მდგომარეობა დღეს არ შეცვლილა,” – განაცხადა ინფექციური საავადმყოფოს კლინიკურმა დირექტორმა მარინა ეზუგბაიამ. ბოლო მონაცემებით, საქართველოში კორონავირუსის დადასტურებული 81…