“ნაციონალური მოძრაობის” თავმჯდომარის ნიკა მელიას სასამართლო პროცესზე ხმაური იყო. ერთმანეთს ადვოკატი და ბრალდების მოწმე დაუპირისპირდნენ. დღეს სასამართლოში ნათია ბერიძის გამოკითხვა მიმდინარეობდა. თავად მელია სხდომას არც ამჯერად დასწრებია.
“ნაციონალური მოძრაობის” თავმჯდომარეს ბრალი 20 ივნისის საქმეზე ჯგუფური ძალადობის ორგანიზებისა და მისი ხელმძღვანელობისთვის აქვს წარდგენილი. მელია საქმეს პოლიტიკურად მოტივირებულს უწოდებს, მან ამ საქმეზე საპატიმრო ევროკავშირის მიერ გადახდილი გირაოს საფუძველზე დატოვა.
