ევროსაბჭოს საპარლამენტო ასამბლეის სხდომაზე საქართველოს დელეგაცია კოვიდ 19-ის წინააღმდეგ ბრძოლის შედეგებზე და იმ გეგმებზე ისაუბრებს

  •  

ევროსაბჭოს საპარლამენტო ასამბლეის სხდომაზე საქართველოს დელეგაცია კოვიდ 19-ის წინააღმდეგ ბრძოლის თვალსაზრისით საქართველოს მიერ მიღწეულ შედეგებზე და ასევე, იმ გეგმებზე ისაუბრებს, რომელიც ქვეყანას ვაქცინაციის თვალსაზრისით აქვს.

როგორც „მედიაცენტრ მთავარს” საქართველოს პარლამენტიდან აცნობეს, აღნიშნულ საკითხებთან დაკავშირებით დებატები ევროსაბჭოს საპარლამენტო ასამბლეის სხდომაზე დღეს გაიმართება.

მათივე ინფორმაციით, ქართული დელეგაცია ასევე, ყურადღებას გაამახვილებს იმ მთავარ ასპექტებზე, რომელიც აქვს ეროვნული ვაქცინაციის გეგმას. ისაუბრებს ეროვნული გეგმით გათვალისწინებულ სამიზნე ჯგუფებზე და იმ პერიოდზე რომელზეც გათვლილია ეს ვაქცინაციის გეგმა.

„გვაქვს იმის მოლოდინი, რომ ჩვენ შევძლებთ საერთაშორისო საზოგადოებას ამ შემთხვევაში, ევროპის საბჭოს საპარლამენტო ასამბლეას წარვუდგინოთ ის პოზიტიური შედეგები და მართლაც მნიშვნელოვანი და შთამბეჭდავი გეგმები, რომელიც საქართველოს მთავრობას ამ მიმართულებით გააჩნია“, – განაცხადა საპარლამენტო დელეგაციის წარმომადგენერლმა ირაკლი ჩიქოვანმა.

მსგავსი თემები