COVIS-19-ის გავრცელების პრევენციისთვის შინაგან საქმეთა სამინისტრო აგრარული ბაზრებისა და ბაზრობების ტერიტორიებზე მონიტორინგს ინტენსიურად ატარებს.
სამართალდამცველები დედაქალაქსა და საქართველოს ყველა დიდ ქალაქში მდებარე ბაზრებისა და ბაზრობების შესასვლელებთან, ასევე შიდა პერიმეტრზე პატრულირებენ. ისინი სავაჭრო სივრცეში მოქალაქეების მიერ პირბადეების სწორად ტარებას და კორონავირუსის გავრცელების პრევენციისთვის მოქმედი წესების დაცვას აკონტროლებენ.
